وين الأخت اللي كانت تستفسر عن اللولب الهرموني مارينا

كيف الحال أختي العزيزه والى كل الأخوات اللي حابات يعرفن عن هذا اللولب

هل تتذكري عندما اخبرتك أن تنتظري 3 اسابيع لحد ما يحين موعد دورة أختي لأنها كانت مركبه لولب هرموني (مارينا) .

أمس الأحد جاتها الدورة الصبح وما حست بأي ألم غير بالوخز العادي وتعب الدوره العادي وفي نفس الوقت ما نزل الدم اللي كانت متعوده عليه يعني بداية الدورة صارت مثل نهايتها دم خفيف ولونه متغير شوي مثل لون الدورة لما تكون في اليوم الثالث او الرابع أي قرب نهايتها أتمنى انك تفهمي كيف وصفي وشو أقصد. حتى بالألويزه ما كان في شي غير لما تمسح المنطقه بس.

أنا عندي كتيب عن هذا اللولب الهرموني

1-فعاليه ممتازه يعني مضمون عدم الحمل
2-ألم الدوره أقل وقد لا يحدث الم أبدا كمية الدم اقل.
3- ما يكون فيه تنقيط بين الدورتين
4- ممكن استخراجه بأي وقت
5-وسرعه عودة الخصوبه يعني ممكن يحدث حمل بعد شهر من استخراجه
6- مدتة تمتد الى خمس سنوات

فلو كنتي بعدك ما عملتيه أنصحك انك تعمليه لو كنتي حابه تعملي مباعده وخاصه انه بإمكانك إنك تشيليه بأي وقت.

وفي شي ثاني هذا النوع من اللولب نوع جديد الحين يمكن نازل عندنا بالخليج وسعره شوي غالي فعشان كذا الحين موجود بالمستشفيات الحكوميه للمواطنين طبعا يكون ببلاش بس بالنسبة لغير المواطنين لازم يدفعو قيمته وحتى لو كنتي مواطنه وحبيتي تركبيه بمستشفى خاص لازم تروحي تشتريه من الصيدليه بس أفضل لك تروحي مستشفى حكومي أول شي من حيث أنك تحصليه مجاني + تركيبه سهل ما يباله ضرب طبل:smile: يعني.


واتمني أكون قد افدتك وأفدت الأخوات

شكرا:up: