كلانا يعمل .. وراتبي اكثر من راتبه...كيف نقسم المصاريف ؟

السلام عليكم ورحمة الله وبركاته

أختي الأزواج مفروض بينهم مودة و رحمة....ليش تخافي منه و تحسبي مع نفسك أشياء كتير...و هو بيكون زوجك....إنت و هو بس اللي تقرروا كيف تصرفوا المصاريف...مش حد تاني...

يعني إذا كان راتبه يكفي إنكم تعيشوا...خلاص ...قولي له بوفر راتبي و نصرف من راتبك...و خلي راتبي لوقت الحاجة...ساعات كثير و الله تحصل طوارئ تحتاج فلوس...

و ما في مانع لو جبتي كل شهر مثلا شيء من الكماليات اللي زوجك صعب يجيبه...أو عنده أشياء أهم...

ما في مانع مرة تعزميه على العشاء...على حسابك...

ممكن مرات تلاقيه محتاج فلوس لشيء معين...طبعا وقتها تعرضي كل فلوسك...و فورا...

أختي...إنتوا راح تتزوجوا...ما في شيء اسمه فلوسي و فلوسك...خلي عندك حسابك عادي...وفري فيه راتبك...بس للوقت اللي راح تحتاجوه فيه...و ما تبخلي على زوجك أبدا...و لا تدخلوا أحد بينكم في موضوع الفلوس...الناس كلامها كتير...

أتمنى إني أفدتك...وفقك الله...

انا اشاطر مرموم الراي :smile: كلامها منطقي بالنسبه لي






تحياتي
مصاصة دماء بحرينية

أولا بارك الله لك خطبتك و يسر لك أمر زواجك على خير

اعتقد يا أختي انك لازم تحمليه مسؤلية مصاريف البيت لأنه هو الرجل
وبالنسبة لراتبك ممكن تقوليله انج بتصرفين منه على حاجات الكمالية من مكياج و لبس و نزهة
وهذي بعج اشياء مصروفها يكسر الظهر بس ضرورية حق الحرمة علشان تحس روحها مرتاحة و قاعدة تتجمل لزوجها بكل الزسائل و هذا بيخفف عنه مصروف كماليات و بنفس الوقتت بيكون عنده زوجة جميله مهتمة بنفسها لأكثر درجة
و بنفس الوقت بيحس انه رجل البيت و يصرف على البيت من حسابه

شو رأيك ؟؟؟؟؟
بس لازم تحسيسينه انج بتوقفين بجنبه بالغزمات لا سمح الله
ادعيلي و لكل بنات المنتدى بالذرية الصالحة

مرموم ... بحرينية ... ريم ...


الله يجزيكم خير عل الاهتمام ....

مرموم وبحرينية كلامكم حلو ... وهذا اللي انا كنت مقتنعة فيه اصلا .... بس لمن اشوف الواقع استغرب ...


ادري انه مالازم يكون بين الازواج حساب ... وهم لمن قرروا الزواج ... اتخذوا ها القرار على اساس انهم ما بيفترقوا ... يعني مصلحتي ومصلحتك وحدة ... طال الزمن او قصر ....


اللي استغربت له اني اعرف وحدة زوجها الى حد ما بخيل ( الله يكفينا ) وهي ما تشتغل ... اهلها حسوا فيها .... وهي ماشالله اصلا مرتاحة ... قاموا يرسلولها فلوس شهريا ... حاجة بسيطة لها هي ... ما يتعدى 1000 _1500 ...

تحلف انها لمن تروح السوبرماركت معاه يستهبل .... يبغاها هي تدفع ... !!

لا تاخذوني بس انا اللي اعرفه ان مصاريف البيت على الرجال ...


اكيد مافي مانع انه هي تساعده لو زنقت معاه .... يوم تدخل هي مقضية ... هدايا ... عشاء ... هاذا كله انا فاهمته ...

حتى لو بتفنن في بيتي انا بسوي كل شي

يس انا اتكلم عن مصاريف كل يوم ... والفواتير ... وحساب الشغالة والسواق ....

قولوا لي ... لاني ماعرف ... ولا مانزلت الموضوع في المنتدى... لو المصاريف اليومية لازم اتناصفها معاه انا مستعدة ...


السالفة مش بخل .... بس ابغى احط خطوط عريضة قبل ما ابدى حياتي معاه .... حلو الواحد يكون واضح من البداية وكلمته وحدة ....


تخيلوا معاي .... اكلمه وهو راجع البيت .... حبيبي مر الدكان جيبلي كذا وكذا ... يقولي انزين انتي مب عندك فلوس روحي انتي :confused:... ياويلي والله اموت ...


انا بس استفسر عشان ابغى اوزن كلامي معاه .... اقوله انشالله ولا اقوله ... انا اساسا مش مسئولة عن مصاريف البيت ... برضه مش حلوة ....


انا مادري اخاف انه خيالي واسع ... انا ماشفت منه شي غلط لين الحين ... بس فرضا طلع وجهه لوح

ادري طولت عليكم سامحوني

وريم الله يبلغك انشالله ويبلغ جميع المسلمين

مهما كانت العلاقة بين الزوجية قريبة و مبنية على الثقة فانا أعتقد من انه لا بد ان يكون هناك خطوط عريضة للمسائل المادية
و اقسملك يا اختي ان معظم مشاكل الأزواج هي بسبب المادة فإذا بخل الزوج قالت الزوجة انه بيتزوج عليها و إذا بذر قالت انه ما أدري على منو يصرف .....و هكذا
و هو بعد ممكن يقول أنها قاعدة توفر فلوسها ما ادري ليش
و الرجل بطبعه مادي أكثر من المرأة و يغار من المرأة إللي عندها فلزس لأنه يحس انها أقوى منه

و لذلك يا اختي اقترحت عليك انه تجلسي جلسة رومانسية مع خطيبك و تتكلمون في حياتكم الجاية و تخبريه كيف تصوراته عن الموضوع المادي و تشوفين شو رأيه
و لكن لا أنصحك بأن تقومي بالصرف على البيت اصرفي على نفسك احسن
لأنه لا سمح الله لا سمح الله لو حصل طلاق
او تزوج عليج وحدة ثانية بتقعدين بتدندمين على فلوسج و تعبج إلي صرفتيهم عليه


المرأة هي المرأة
و الرجل هو الرجل
و كل واحد يحي يحس بأنه هو ، و أنه مو قاعد يمثل دور ثاني
الرجل عمرة ما يحب زوجته تصرف علية و بالذات إذا كان رابها ألى منه
و الحرمة عنرها ما بتحب أنها تصرف على ريلها لأنها بتحس بأنه مب ريال
الحل أنها تشيل عنه بعض مصروفات الكامليات بالنسبة للمرأة
يعني إذا حبت تسافر او تشتري هدية غالية حق امها
أو أنها تشتري الملابس أو العطوراتالغالية و المكياج و هذة كلها أشياء ترهق ميزانية الزوج أو انها حبت تشتريلها سيارة
ما في مانع يكون من راتبها إذا زوجها على قد حاله
بس انهاتصرف على حاجات البيت الأساسية هذا الشي حتى مب مقبول شرعا خصوصا إذا كان قادر يشيل حاجات البيت من مأكل و مشرب و إيجار شقة إذا قاعدين برحهم و مصروفات الولاد
و هي بس تساعد إذا ألحت الحاجة مثل امه ولد لا سمح الله احتاج دروس خصوصية او شي من هذا

الله فطر الريال ريال و الحرمة حرمة ..... وما حد بيحب ياخذ دور الثاني لأنها بتصير مشاكل
عسى الله يوفقج و يباركلكم يرزقنا و إياكم بالذرية الصالحة و الأزواج الصالحين
و هذة فقط و جهة نظر مع احترامي و تقيري و حبي لكل و جهات النظر

الصراحة الأخوات مرموم و ريم81 ماقصروا ..

وأنا راح أعطيك رأيي في الموضوع :

أنا أقول انو مو عيب لو الزوجة ساعدت زوجها في المصاريف ، خصوصا لو كان راتبه على قد الحال ، لأنك عارفة الدنيا صارت غالية وكل شي صار نار ، والمسكين الزوج بس يقول أبي أتزوج يدفع اللي فوقه واللي تحته ، من : مهر ، وشبكة ، وحفلة العرس ، وتجهيز البيت وووو ....والمسكين بعد مايدفع كل هذا أكيد أكيد بيكون مفلس والديون مغرقته ،، يعني مافيها شي لو ساعدت الزوجة زوجها ... أبدا أبدا مو عيب .وخصوصا لو الزوجة راتبها يسمح بذلك ،، واذا كنت حابة انك تخلي لك مبلغ حاولي انك تحتفظي فيه ،، وصدقيني الزوج يحب الزوجة اللي توقف معاه في ظروفه الصعبة لأنو يحترمها ويخلص لها ...

وأخيرا القرار يرجع لك في النهاية ...:shy:

السلام عليكم ورحمة الله وبركاته

اختي الكريمة Encantadora

أول شي احب أباركلك على الخطوبة وعقبال الزواج ان شاء الله

حبيبتي أنا مع الاخت مرموم كلامها صحيح وما عندي أي إضافة عليه غير شي واحد

ساعديه وهذا زوجك وهو الي اختارك من بين الدنيا كلها يعني ما تغلى عليه الفلوس

بس حطي ببالك شي واحد

انك أول ما تحصلي الراتب تاخذي منه ولو جزء بسيط من الراتب وتجمعيه لنفسك ..... يعني مثل حساب توفير شخصي لك

وما تستخدميه ابدا وممكن تستغليه بشي معين ينفعك بعدين بحياتك

أنا ما اقصد انه تعملي الفوارق بين فلوسك وفلوس زوجك ...لا

انا قصدت لا قدر الله صار لك شي بكرا واحتجتي فلوس ما احد يذلك ويقولك ما عندي

وحتى انك بعدين تشترين بالمبلغ أي عقار او تشتركي بمشروع تجاري بسيط ينفعك لما تحتاجي أي فلوس

والله يوفق الجميع لكل ما في خير يا رب

واتمنى ان الله يهنيكم بحياتكم

^&^&^&^&^

تحياتي للجميع

اختكم

o0o malaak o0o


مين ودها تشوف كراسي .... بس طبعا غير

جايبة لكم أحلى هدية ..... بس يا ترى مين فيكم الي تساهل تاخذها

ملاك :
:clap:

جزاكم الله خير يا بنات و ما قصرتوا .... اسال الله ان يوفكم ويسعدكم ... ويرزقكم الذرية الصالحة ...


ادعولي ان الله يقدرني اكون زوجة و ام صالحة .... واقدر اوفق بين شغلي وبيتي ...


ويلهمني حسن التصرف مع زوجي.... واكيد باخذ ردودكم كلها بعين الاعتبار

السلام عليكم ورحمة الله وبركاته
مشالله ماقصرو البنات


وماراح ازيد شي بس اهم شي الاتفاق بالبداية على كل شي


والاهم من ذالك الالتزام بالاتفاق بعد الزواج ان شالله


تمنياتي لك بحياه سعيدة باذن الله


بالتوفيق


اختك ام ميرال