الاستعداد

الف مبرووووك :shy:

انشا ءالله البنات بيفيدونج :smile:

كيفي حلوة ....
مشكوره الغاليه و ان شاء الله يفيدوني:clap:

نسيت اقول لج الله يبارك في حياتج..


و معقوله محد يرد...:confused:

مبروك و إن شاء الله البنات بيفيدونج
و إدعيلي أن شاء اللة أتزوج(u)

girl_love4ever
الله يرزقج الزوج الصالح الي يسعدج و يهنيج..
و مشكوره الغاليه على المرور....
و الله يبارك بحياتج

شوفي الغالية ..اهم شي انج من الحين توزعين فلوس زهابج على كل الاغراض اللي بتحتاجينها في زهابج على قد اللي عندج...لانج في هالفترة الطويلة بتشوفين نفسج كل يوم تاخذين شي وانتي عندج فترة طويلة للعرس...

في عندج اختيارين: ممكن انج تأجلين البدء في تجهيز زهابج لحد شهر سبتمبر واللي بيكون نهاية الصيف وبتنزل فيه موضات الشتاء وهيه فترة عرسج وبيكون عندج فترة ثلاث شهور كافية للجهاز...وتبدين من الحين بتجهيز بشرتج وجسمج باستخدام الخلطات الطبيعية اللي تريح البشرة..

او تبدين من الحين في التجهيز اذا كنتي بتنشغلين بعدين وخاصة انه بتصادفج فترة الاعياد وشهر رمضان..فنصيحتي لج انج تبدين تفصلين بعض الملابس اللي ما تتغير موديلاتها او تاخذين من كل فترة موديل..يعني بالنسبة للجلابيات المخاوير فصلي كنادير الطبع اذا حبيتي ثنتين او ثلاث حسب ذوقج..اذا بغيتي تسوين ثوب عربي او مغربي ابدي فيه من الحينه لانه ما يتغير وبعدين الاسعار بعدين بترتفع قبل رمضان والعيد... خذي بعض القطع للفساتين مثل الشيفونات وعندج هالفترة فيها تنزيلات طوال الصيف في المحلات فانتهزي الفرصة في القماش..ممكن تفصلين فستان او اثنين من الحين وتختارين لهم الوان ما تتغير في الموضة مثل الاسود والاحمر والوردي الفاتح والازرق وكله طبعا حسب ذوقج..

وبعد ممكن تاخذين لج عطور فرنسية في فترة العروضات بس لا تكثرين ممكن تنزل انواع جديدة في اخر الصيف..

ونصيحة لا تاخذين اي انواع المعمول او العطورالعربية الا قبل العرس باسبوعين لانها تنشف..بس حطي في بالج اسماء خلطات عيبتج واطلبيها بعدين

ممكن تسوين لج طقمين عبايات من شكلهم ما يتغيرون مع الموضة...

حتى النعالات تكرمين تقدرين تاخذين منها اللي يناسبج في فترة العروضات ومعاها الشنط...والعروس احلى شي لها الاطقم..

والبدلات الجاهزة بعد خذي منها كم طقم ولا تكثرين..يمكن قبل العرس تنزل منها موديلات جديدة..وغير القطع الفردية تقدرين تاخذينها من الحين..حتى قمصان النوم والملابس الداخلية خذي منها كم قطعة ... ونصيحة لا تستعجلين في الشرا من المحل الاول اللي يصادفج لفي امحلات وقارني الاسعار وبعدين اشتري ..


وتحياتي لج...

أم سعيد:shy:

عزيزتي الغالية
أول شي
الف الف
مبرروك يا قمر ثانياً
انا جبت لك رابط
اعتقد انك ما راح تحتاجين
الى اي شي الا وتقلية فية
احياجات العروسة

تحياتي