تعباااااانه ريحوووووووووني

الحبيبة نوره
سلااااااااااام أحب أعطيك رأيي بس أتمنى من كل قلبي إنك تسوينه وتقتنعين فيه .....
أولا تأكدي إن كل شاب يتعرف على بنت عن طريق الشات أو التليفون ويقول إنه حبها من كل قلبه اسمحي لي ( كذااااااااب) كيف يحب وحده ماشافها؟ممكن معجب بالصوت بالأسلوب إيه لكن يحبها تأكدي إنه كذب
ثانيا الشاب العربي خاصة الخليجي وبالذات السعودي ممكن يضيع ويصيع ويسوي كل شي لكن إذا بغى يتزوج مستحيل يتزوج وحده تعرف عليها عن طريق التليفون أو الشات لأن الثقة راح تكون معدومة واللي تعرفت عليه ممككن تتعرف على غيره .
ثالثا ابعدي عن الشات أو ادخليه باسم غير اسمك اللي دايم وابتعدي عن الشباب لأن الشاب مستحيل يفكر فيك هو يفكر إنه يطفي رغبته في أي إنسانه مسكينة ضعيفة ثم يرميها مثل مايرمى العلك إذا انتهت حلاوته
رابعا احذري احذري ثم احذري تعطينه صورة أو تكلمينه مباشرة لأنه راح يستخدمها سلاح ضدك إذا عرف إنك بتتركينه
لاتقولين لي هذا غير الشباب لا والله كلهم نفس الأسلوب والطريقة وديع ولطيف دامك ماشية معه صح لكن لو فكرتي تتركينه وهو ماأخذاللي يبي تحول إلى وحش كاسر يسوي أي شي عشان ترجعين له
خامساأنصحك تسمعين شريط لمحمد العريفي اعترافات عاشق خياااااااال وبيفيدك كثير بهالقضية
وأولا وأخيرا فكري بمصلحة نفسك واسألي نفسك علاقتك معه من ناحية شرعية صح ولا لا ؟ وتأكدي إن هذي هي خطوات الشيطان اللي حذرنا منها الله في قوله (ولا تتبعوا خطوات الشيطان إنه لكم عدو مبين)
أكثري من الدعاء أن يخلصك الله منه وأشغلي نفسك بالصيام وقراءة القرآن فوالله والله والله إنها مخرج وفرج من كل مصيبة واحذري أن ترضخي لأي تهديدات منه واقطعي صلتك به حاااااااااالا قبل فوات الأوان ومن ترك شيئا لله عوضه الله خيرا منه أسأل الله باسمه العظيم أن يرزقك بالزوج الصالح ويفرج كربتك وكرب المسلمين وآآآآآسفة على الإطالة لكن تأكدي إنها كلمات من قلب يحب لك مايحب لنفسه والسلااااااااااام

عزيزتي نورا

الحياة حلوة للي يفهمها

اكيد حالتك حالة ما تاكلين وتفكرين ليل نهار واذا جلست قدام التلفزيون رحت في عالم آخر :( :s والحبيب مبسوط يتمشى ويسولف مع البناتوله صديقاته من بيئته ومجتمعه وبنات خالته وبنات عمته وزميلاته في العمل او الدراسة وانت ياغافلين لكم الله هم وغم ونظارة سوداء :cool: يا حرااااام


صدقيني انت اكيد اول مرة تحب يا البي اباسألك سؤال وتجاوبيني بكل صراحة!!!!


ممكن تصادقين السواق او بياع المحل العربي او الخباز..طبعا ما اقصد المهنة لا ولكن الجنسية والمجتمع نصيحة اخوية ....لا تخبري بموضوعك احد حتى اقرب صديقاتك اقراي كتاب الله وصلي ركعتين والوتر في آخر الليل واشغلي نفسك والغي الايميل وانسي اللي فيه لانهم عالم فاضية شغلتهم نسخ الكلام ولصقه على بريد البنات

الاخت العزيزة نوره السلام عليكم ورحمة الله وبركاته
اختي العزيزة الانترنت فيه الزين وفيه الشين فيه الغث وفيه السمين ولكن ضعي مخافة الله نصب عينيك وهو كفيل بك ليردك الى صوابك لا تدخلي الشات ادخلي المواقع المفيدة التي تستفيدين منها حديث نصيحة عظة وعبرة الغي الايميل واعملي ايميل جديد وش عرفك ممكن يكون هذا الشاب متزوج ويستدرجك للوقوع في الهاوية واذا ماسمعتي صوته ممكن تكون بنت وتضحك على عقلك ( المعذرة) ضعي جميع الاحتمالات لابد وان تكون واردة توكلي على الله فمن توكل عليه فهو حسبه وادعية ان يريحك مما انت فيه وانشاالله ربي يرزقك بابن الحلال اللي من بلدك ويعرف قدرك وطبعك ويسعدك ويوفقك انه قادر على ذلك

شكل يا نورا نسيتي مشكلتك

اختي العزيزة00

الي مايجيك00

من باب بيتكم00

لا تصدقينه

واتمنى لك السعادة00

اختي نورا عالم الانترنت هو عالم افتراضي فلتتركيه ولتعيشي في العالم الواقعي .

انتي بنيتي قصر من الأحلام مع أمير على جواد صنعتي ذلك الفارس من خيالك ورسمتيه كما تريدين .

حاولي ان تعيشي الواقع حتى لا تسقطي في الهاوية

وهناك مثل يقول : انت ما متت بس ما شفت غيرك كيف مات .

الحب موجود بكل مكان وزمان ... لكن بالشات
اختلاف العادات والجنسية بيكون حاجز بينكم مستقبلاً ... ولو سمح الله صار طلاق
بتصيرعائلتك مفككة ... هذا رأي الشخصي ولك تحياتي

اخوك البندر

اختي نورا

بغض النظر عن وسيلة التعارف ...الزواج بينكم غير متكافئ

ولتحقق التكافئ لابد من وجود امور اساسيه مشتركه

وزواجك من شخص عربي لايحقق التكافئ ...فجوه كبيره بينكم

ثقافيا اجتماعيا واكيد ماديا .....

انهي الاتصال معه واكيد راح ينسى ....


هذي وجهتي نظري الشخصيه وامنياتي لكِ بالتوفيق ....

اختي العزيزة نورا
اقولك وبكل صراحه ان هذا الي يدعى حب عن طريق الشات
لعب ومضيعه للوقت
وانتي ياختي غلطانه انك مشيتي في هذا الطريق تذكري الله سبحانه وتعالي وان هذي العلاقه مايرضى بها الله
وابتعدي عن الشات بقدر الامكان لان مضاره اكثر من فوائده من كثر مانقرأ من قصص
الحب عن طريق الشات ونهاياتها الامأساويه
ونصيحتي لكي ايضا اقربي من الله واقرأي كل يوم قرأن وصلي صلاة الليل وادعي الله ان يهديكي ويستر عليكي

والحب قبل الزواج في مجتمعاتنا هلاك للبنت
وطبعا معروف ان هذي العلاقات فيها مكالمات وغزل وغيره وهذا الشي مايرضاه الله
ولا تخسري ثقة أهلك فيكي
وابتعدي عن هذا الشاب ولاتجعلي الشيطان يوسوسلك ويرق قلبك على الشاب
كوني حازمه في هذا الموضوع وانهي العلاقه من الآن
ولا تدخلي نفسك في علاقات تضرك انتي لوحدك قبل غيرك

والسلام خير ختام