اريد خلطات لعدم تساقط الشعر

هلا فيج حياتي
وهذي الخلطات اللي تبينها
إن شاء الله تستفيدين منهم

الخلطة الأولى

زيت جرجير + زيت لوز + زيت نعناع + زيت خروع + زيت نخاع + زيت ثوم + زيت الزيتون
تخلط الزيوت مع بعض وتوضع على الشعر لفترة ثم يغسل الشعر

الخلطة الثانية

ترمس مطحون
ينقع الترمس المطحون في ماء مغلي لمدة ليلة كاملة (قطعة شاش طبي)
يوضع الماء المغلي في الشعر لمدة ليلة كاملة ثم يغسل في الصباح

الخلطة الثالثة

زيت جوز الهند (علبة أخضر) + ثوم
يدق الثوم ويضاف إلى الزيت على النار بعد تسخينه لمدة 10 دقائق
يبرد ويصفى الثوم من الزيت ويوضع في الثلاجة
يستخدم للشعر 3 أيام في الأسبوع

الخلطة الرابعة

فنجان زيت زيتون + ملعقة عسل + 3 ملاعق روب + صفار بيضة + قطرات من الليمون
تخلط المكونات وتوضع على الشعر لمدة ½ ساعة ثم يغسل
يفضل أن يكون الشعر نظيف (مو دهني)

الأخت غزالة كفت ووفت
و انا بعد ازيد ان الغذاء الصحي و العناية بالشعر من الناحية عدم القسوة عليه وهو مبلول و الاهتمام به بالزيوت المذكورة تكفي بإذا الله

السلام عليكم ورحمة الله وبركــــــاته

اختي الكريمة o0o رد قلبي o0o

أنا بكتبلك كذا خلطة مخزنتهم عندي من المنتدى ومن كذا مكان .... أتمنى من الاخوات صاحبات الخلطات انهم ما يزعلوا مني ... لانه انا مخزناهم بملف من غير الاسامي

انا ما جربتهم بالظبط بس استفدت منهم بخلطات معينه يعني اضيف بعض المكونات

o0o0o0

تأخذين تقريبا 20 من
نواة التمر وتجففينهم أو تعريضنهم للنار وبعدين تطحينه لما يصير مثل البودر وتخلطينه مع زيت زيتون...انشالله تفيدج هالخلطه لأنها ممتازة وايد(عن تجربه شخصيه)

وبالنسبة لنواة التمر تعتبر مثل سماد للشعرة


o0o0o0

هذي ان شاء الله ناويه اجربها بعد الصيف لانه ما ينصحون استخدام الجرجير وقت الصيف لانه حار على الشعر ... فراح أنتظر لحد ما يتعدل الجو شوي بس اذا انتي بنطقة الحرارة فيها كويسة ها الايام فجربيها

زيت الجرجير وزيت اللوز وزيت الخروع وزيت الزيتون وزيت السمسم وزيت الحبة السودا وزيت جوز الهند الطبيعي

o0o0o0

ها الخلطة الكل يمدحها

تاخدين كاس حلبة كبير وتطحنيها زين الين ماتصير مرة ناعمة وتاخدي لتر واحد من زيت عافية وتخلطيهم مع بعض وتخليهم لمدة عشرة ايام وبعدين تبتدي تسعمليها مرتين بالاسبوع وتخليها براسك من ثلاث ساعات لاربعة ساعات وغسلي شعرك وشوغي النتيجة كيف بس يبيلك تداومي عليها مو تحطوها اسبو ع او اسبوعين وتوقفي داومي عليها الين ماتوصلي للنتيجة الي تبينها

بس اذا حسيتيه جفف شعرك حطي بدل عافية زيت النارجيل .. البارشوت


o0o00o

وانا أنصحك بالحلبة لاني حطيتها بالزيت ووالله كثير فادتني حتى الي يشوف شعري يقول ما شاء الله شعرك طول بسرعة لاني كنت قاصته وبعد غلظ كثير الحمد لله بس ها الايام تركته لانه دايم أطلع فاخاف ان ريحته تبقى

شوفي أنا لما احطها الريحة تكون معطرة البيت ههههه يعني تراعي انك ما تطلعي باي خلطة فيها حلبة لان الريحة بتكون ولا أحلى

وبعد حبيت انصحك ان تغسلي شعرك بالسدر انا من قريت انه مفيد والبنات يمدحون فيه وأنا ما اغسل شعري الي بيه هو صحيح مزعج وصعب لحد ما يختفي بالمره بس بعد ما يجف الشعر يصير عجييييييب انا لون شعري مب اسود يعني مايل للبني كثير وكنت كلما اغسله بالشامبو أتضايق لانه لونه يصير كانه مغبر بس لما صرت أستخدم السدر لونه كثير حلو

بس طبعا الاستخدام الغلط له ممكن يخربه فانا راح أكتبلك طريقة الاخت روح المحبة


الطريقة الصحيحه هي انك تاخذي مقدار من السدر المطحون جيدا وانصحك انك تشتري من العطار لانه يكون ناعم جدا يسهل غسله

ما يحتاج تنقعيه في الماي بس حطيه في راحة ايدك واخلطيه بشوية ماي وحطيه على فروة الراس وكل حين حطي كمية ليمن تحسي انه شعرك امتلى افركيه زين بالسدر وخليه عشر دقايق تقريبا واشطفيه بالماي واذا حسيتي انه فيه بقايا مشطيه تحت الماي بس لازم تستخدمي بعده حمام زيت لانه يخلي الشعر يصير جاف بس مع حمام الزيت راح تكون النتايج ممتازه ولا تستخدمي الشامبو مع السدر لانه راح يتقصف ويخشن والسدر يقوم مكان الشامبو يعني ماله داعي الشامبو مع السدر

وبعد انصحك كل شهر مره تحطي حنه لانها كثير مفيدة بعد

اتمنى انك استفدتي من ها الخلطات

وأتمنى ان الكل ينعم بالشعر الي يتمناه

تحياتي للجميع

اختكم

malaak

o0o اللهم ارحم موتانا وموتا المسلمين واشفي مرضانا ومرضا المسلمين o0o

تسلمون يا اخواتي على الوصفات الرائعة :up: وانشاء الله استخدمها على شعري وان دعواتي لكم جميعااااا بالتوفيق ولاتحرمنا من مشاركتكم الحلوة :clap:

:shy: