أريد خبراتكن في تنظيف العبايا

:shy::smile:

مرحبا اخيي الهندباء...

الصراحه كلنا نعاني من الغبار بآخر العباية :confused:....

عني انا احيانا تنغسل العبايه كلها وبالشامبو لانه يكون اخف عليها...وتنكوي وهي مجلوبه يكون احسن وايد...وتنكون العبايه اوكيك...

واذا بغيتي بس تتنظف عن الغبار في نهايتها....؟؟تقدرين تبلين قطعة قماش بالماي وقبل الكوي تمسحين فيها نهاية العباية بس مع الكوي مباشرة..

انشالله تنفع معاج الطريقه...:up:

طيب ممكن سؤال00000؟
الحين العباية ليش بعد الغسل تلصق فينا
وتطلع فضايحنا وبعدين تلم وساخة الدنيا
موبس من الذيل 00في كل مكان تلاقي
شي لاصق فيهها زي شعر او شي ابيض زي الوبر...؟؟
ياليت تفيدونا يابنات000

السلام عليكم ورحمة الله وبركاته

تنظيف العبايا يفضل باليد

وتنظف بالشامبو طبعاً الخاص بالعبايا

والحرير له طرق خاصه لازم ماء حلو إذا القماش حرير

طريقة التنشير مهمة جداً

إذا تنشرت العابايه بطريقة الصحية ما راح تحتاج انه تكوى كثير

علشان ما يخرب القماش من الكوى

ولييش تلصق والله كلهم كذا زحمة
بس في قماش أقل تلاصق من الثاني

اعتقد كلنا نعاني من هالمشكلة ...

يالله منكم نستفيد ، خلونا نسمع خبراتكم ومشكوره اختي صاحبة الموضوع

أختي سمسمة أنا عندي نفس المشكلة

ساعدونا بالحل

سلااااااام مشرق النور اهديكم


غسل العباية با لشامبو الخاص بالعباياااات وغسيل باليدزي ما تفضلت الاخت نور الهدى


وكمان كوى العبابة يكون بالمقلوب لان الحرارة تأثر على:up: العبا ية

السلام عليكم ورحمة الله وبركاته

شكرا لكم على مشاركتكم وردكم على الموضوع ولكن حتى الآن لم نصل للحل

بالنسبة لألتصاق العبايا بالجسم ذلك لوجود شحنات في العبايا نتيجة الكوى وجفاف الجو والاحتكاك بالجسم وتسمى الكهرباء الساكنة ويكمن ازالتها باستخدام مزيل الكهرباء الساكنة يوجد في الجمعيات وهي عبوة بخاخ للرش تستخدم بحيث يكون الرش من السطح الداخلي للعبايا
وشكرا

يمكن التخلص من التصاق العبايه او اي ملابس اخرى
باستخدام الكومفورت او اي ملطف اخر . وذلك عن تجربه

السلام عليكم ورحمة الله وبركاته

في الجمعيات في شامبو خاص بالعبايا وإذا مالقيتي اغسلي بأي شامبو بعد ماتحطينة على الماي أغسلي العبايا بدون الغسالة وبعد الشطف علقيها على علاقة الملابس والمساء افضل حتى تنشف براحتها طول الليل وماتتعرض للشمس اللي تخلي لونها املح او محمرة

مشكورات على نصائح اللى الكل من البنات اكيد استفادو
وخاصة الخليجيات لانهن جمالهن في العباية :clap::clap::clap:

أقول البنات العيب مو في العباية العيب في نوع قماش العباية .. :smile::smile: لأن القماشة تلعب دور .. وأحسن نوع قماش للعاباية اللي ينقالها العباية السعودية رقم 1 وذلك عن تجربة يا بنوتات :up::up::up:

خوش نصايح .. مشكورين :)

ماشي غير الشامبو الاحمر .. اللي عليه صورة حرمه انجليزيه بتلاقونه في الجمعيات ورخيص بعد.. شوي تخلطينه بماي وبعدين تغسلين العبا باليد

وع فكره لا تكثرون كوي العبي بتم تصالق العبا وشكلها يظهر غلط :D2

والكوي لازم يكون بالجلب هب من جدام

تحيـــــاتي

*جـــوليت & رامبـــــــو*

أختي العزيزة الهندباء


فعلاً أحنا من كثر أستخدامنا للعباية لازم نواجهه مثل هذه المشاكل

بس فيه طرق تقلل من تعرضنا لهذه المواقف

مثلاً أنا بالذات أحب العباية تكون مره طويله

(أحسها تصير أكشخ) :cool2:

عشان كذا لازم كل مره أطلع وأرجع البيت تحتاج عباءتي للتنظيف

فكل إللي يصير

أنا الشغاله تمسحها بقطعة قماش رطبه بس من تحت

لأن بقية العباية تكون في حاله جيده

وأغسلها كامله حسب الحاجه

وطبعاً معروف لديكن أيضاً أنه كل ما كان عندك عبايات أكثر

كل ما قدرتي تحافظين عليها لمدة أطول

فعلى الأقل أحتفظي بعباءتين أو ثلاث للأستخدام


أما بالنسبة لإلتصاق العباية

فبإمكانك أستخدام البخاخات الخاصة لأزالة الشحنات الكهربائية من الملابس

بصراحه أنا عباباتي أغسلهن في الدوبي "مغسلة الثياب" بالبخار .. لأني أحب القيطان اللي هوه الحبل وهذا ما يناسبه الغسيل العادي لأنه بعد الغسيل ينشد على فوق يعني يخرب العباه .. أما إذا كانت العباه مافيها شي ممكن أغسلها بشامبو وماي وحتى مرا أغسلها بس ب كومفورت بدون شامبو وطبعا الكوي من داخل مثل ما تعرفون :up:

كلام خوات صح ميه في الميه وما عندي اضافة

طبعا نغسل العباية بشامبو عشان اللون مايروووح (حتى لو شامبو مال شعر ..عادي يفي بالغرض:cool2:)

بالنسبة للألتصاق ..أفضل نوع للعبايات جربتها ضد الألتصاق هو (أنترنت:up:) مايلتصق ولا يحتاج للكوي وايد ..ويوم تلبسينها يطلع شكلج واااايد مرتب ..وماتخترب ..جربوا هالنوع وما بتدمون

انا سمعت بس ان الفيري يحافظ عاللون الاسود بس لما غسلته ملاحضت شي ماادري صح ولا لا:)