هل ممكن تولدي لوحدك من غير مساعدة ؟

السلام عليكم ورحمة الله وبركاته اعتقد صعب فى هذة الايام لان نساء اليوم لا يتحملون الالم وممكن يحدث تلوث ومضاعفات نحن فى غنى عنها واما عن كشف العورات فنحن نذهب لسيدات اى دكتورات لمنع الاحراج او الوقوع فى معصية وكل شئ بأمر ربنا وانا اعرف حالات ولدت بروحها ولكن نسب قليلة لا يمكن تعميمها :shy:

من كلام امي كانت نسبة الوفيات كبيرة في زمانهم بسبب عدم توفر

الشيشة (حاضنة الاطفال)

وتوفي عن امي ثلاثة بسبب رفضها الذهاب للمستشفى للولادة

ومن بعدها قررت تولد تحت اشراف طبي والحمد لله كلهم عاشو

فانا افضل نعيش على زمانا ونخلي زمن اهلنا

ونخلي فترة التسع شهور تمر على خير مسألة الولادة مش هينة

وخاصة المجرب :confused:

يه شدعوه عاد .. الحين الله مسهل علينا نجي نعسر عليى روحنا.
صج ما عندج سالفه :rolleyes:

انا ماعندي سالفة !!

الله يسامحك

لا يختي شو تولدين بروحج؟
العمر مش بعزقه على قولة اخوانا المصريين
و بعدين غاليتي جداتنا ما كان بيدهم حيله..
و الولاده مب هينه..يعني اول شي..ما راح يكون في شي يخفف الالم..في المستشفى يعطونج على الاقل الاكسجين..
و بعدين هم يخبرونج كيف تتنفسين عشان تولدين بسرعه..لان الاستنشاق وقت الولاده يؤدي بان الجنين يرجع يرتفع..و حين ظهور رأس الجنين ..نسبه كبيره من الامهات ينشقون عشوائيا.. اذا ما عملولهم توسعه..و احيانا تكون سيئه لدرجة ينشق الى اعلى:confused:
و بعدين يظهرون لك المشيمه..لان اذا ما ظهرت بشكل صحيح و ظلت اجزاء منها في الرحم..تؤدي الى التهابات شديده في الرحم ممكن توصل الى درجة استئصال الرحم...و بعدين لازم يخيطون..
و بعدين قص الحبل السري بشكل صحيح و ربطه..و العنايه بالمولود..يعني هي توها والده وين تقدر تحضن وليدها و تحممه و تلبسه؟ و يمكن لا سمح الله يعاني من اختناق او من اي مضاعفات الولاده..
و لو لا سمح الله كانت الولاده عسره و الا شي...يعني الف شي و شي ممكن يظهر وقت الولاده...
هو سلق بيض؟ لا السالفه خطيره و لازم تتم تحت اشراف طبي..اصلا بروحج هاييج الحزه بتكونين ميته من الخوف..و تبين حد يطمنج..دكتوره ممرضه اي حد..
و السموووووووووووحه

أعتقد أمهاتنا كانوا بنيتهم أقوى من بنات هالوقت


ينات هالوقت يتغذوا على الوجبات السريعة والمشروبات الغازية ...

أمانه يا إخت المحتاسة هل إنتي بتطبيقين اللي طبقته جدتك و عمتك و تولدين لحالك في البيت و من دون مساعدة أحد؟

إذا كان جوابك لأ فياريت ما تنصحين باللي إنتي نفسك ما راح تسوينه.

:eek2:

وين ايامهم ووين ايامنا

ادعي ان الله يسهل عليج وتولدين في المستشفى احسن لج

صراحة الموضوع مو سهل

:down::down:

لا يا اختي مثل ما قالوا الاخوات الوفيات كانوا كثير خصوصا انه كانوا يستخدموا سكين ملوث لقطع الحبل السري وهذا اللي قتل بنت خالتي وانصحك المستشفى احسن

السلام عليكم ورحمة الله وبركاته

بصراحه يا أختي أنا مريت بهالتجربه وولدت بنفسي طبعا مو رغبه مني لسبب ثاني وهو اهمال الاطباء تصوري في غرفة الولاده وعلى سرير الولاده أولد بنفسي وما أتمنى أن هالشي يتكرر وأنا الحين حامل بس ما زالت التجربه في بالي حالتي النفسية سيئه صدقيني هالشي صعب جدا يمكن شي واحد زين في هالولاده إني افتكيت من جراحة الولاده اللي يسوونها بسبب وبدون سبب وبالنسبه لموضوع انه الوحده تتكشف عورتها على دكتور أنا كنت أرفض هالشي وكل ولاداتي تمت على ايد ممرضه او دكتوره بس ثالث ولاده كان الجنين على وشك إنه يروح مني بسبب غلطة دكتوره واللي انقذ الجنين طبعا بفضل ربي هو الدكتور اللي أصلا تفاجأ بخطأ الدكتورة وطلع الجنين بالوقت المناسب للضرورة أحكام يا إختي طبعا حاليا ما أفكر أولد بمستشفى حكومي بعد آخر ولاده ما أقول غير الله يقومني بالسلامه أنا واللي في بطني إدعوا لي :confused::confused::confused:

إختكم عــــســــل :shy:

الله يهديك اختي تريدي تولدي بروحك ليش :pain:

هو يصير ما انه ما يصير لكن حياتك وحيات الجنين بخطر وخاصه لو الوحده محتاجه لشق توسيعي عشان يطلع الطفل وما عندها حد مختص بتتشرخ من فوق لحد تحت وأسفة على هذي الكلمه :o

لكنها صارت لوحده حرمه من البدو تعلمني أمي عنها مسكينه يوم جاها الطلق ولدت بروحها من دون مساعده حد لكنها أنشقت من فوق لحد تحت وما علمت حد غير هذيك اليوم زوجها بعد فترة أشهر من ولادة زوجته كان جالس مع امه وخواته وبقول خلاص يمه ما أريد فلانه تحمل مرة ثانيه قصده زوجته فسألنه أمهاته ليش قال كذي تسوي الولاده بالحرمه قالن أمهاته كيف شو صاير

المهم ودو البنت للمستشفى ومسكينه بكريه وصغيرة سن الدكتوره يوم شافتها :rolleyes::rolleyes::rolleyes: خافت واندهشت وسألتها كيف تحملت كل هذا الالم والمكان كله مفتوح من فوق لحد تحت وشفت الجروح وبرت على هذاك الوضع تخيلو عاد انتو :rolleyes: وسوت الدكتوره لها عمليه خياطه من داخل وبرا وبتخدير كامل عشان يعدلو المكان مثل اول .

فمن كان كانت تولد طبيعي وبأيدي ممرضات ماهرات لين شوفن المسكينه شو صار لها أنتن بس قولن كيف المسكينه كانت تروح الحمام والله عجب هذي الدنيا



أختي العزيزة الحمد لله الدنيا مطوره وما تحتاج لكل هذا التعقيد.

يسرو ولا تعسرو
:up:

لا مستحيل ما اظن اقدر اسويها !!! على الاقل امي و خالاتي معاي بس بروحي نهائية ؟؟ مستحييل !!!

:D2:D2

انا كنت تحت اشراف طبي رهيب جدا من كبار الأطباء وجاتني جلطه الولاده


اشلون لو كنت بروحي كنت اكيد حكون المرحومه0000000:up:

اميييييه....:eek2::eek2::eek2:

أمي لازم تكون يمي بهالوقت..

:D2 :D2 .........تخيلوا اقعد بروحي اصارخ بالبيت مثل القطوة اللي بتولد لمن يطلع الياهل.....الله يهديج اختي الوحدة وين فيها حيل تطلع الياهل .....يالله تصارخ وتطق اللي حواليها :D2 .........وبعدين منو يغسل الياهل ويهتم فيه ؟؟؟لا يكون الريل (الزوج ) اللي اول ما يسمع صوت صراخ المرة يطيح غشيان ( يبناه عون صار غشيان ......خخخخخخخخ ) مثل ما صار حق وحدة من ربيعاتي.......لا يبه العمر واحد والرب عز وجل واحد.....وربج يسهلها حقنا كلنا.......

بس الموضوع حلو وما خطر على بال احد.........



يلا باااااااااااااي

السلام عليكم

بصراحه صعب ان الوحده تولد بروحهاااا:eek2:


احنا بيد الدكاتره ونولد بصعوبه

زوجة أخوي ولدت أمس وهي في هولندا المسكينه بغربه


لما حان مو عد الولاده اتصلوا بالدكتوره لازم اول شي تجي البيت تشوفها بعدين ينقلونها المشتشفى اذا فيها ولاده


تصوروا السستر قالت بعد مافيها ولاده وراحت تتوقعون شنو الي صار:


بعد ماراحت السستر على طول طلع البيبي والبنت قامت تصرخ وأخوي صغير ماعرف يتصرف راح ينادي جارته وهي ولدتها

وهذي ثالت ولاده لها .... لكن عدت على خير

تصوروا لو صايره مضاعفات للأم أو البنت شنو يكون الموقف

الحمد لله على كل حال والمستشفيات أرحم من ولادة البيت

هلا خواتي .حبيت اضيف معلومة عن منطقة في اثيوبا ما فيها تسهيلات طبية ,,,و شو نتيجته على نساءهم
"على فكرة شفته ببرنامج اوبرا وبعدين امي قالت ان هالشي كان يصير في حريم الأول..."

و هو ان البنت تتزوج قبل لا تبلغ و مجرد بلوغ يتم الزواج فعليا و عادة تحمل و بما انها صغيرة و بنيتها ما تتحمل و حوضها عادة يكون صغير و مو مهيأ للولادة كانت لما تولد ما تتلقى اي مساعدة و لا حتى من نساء القرية ..و تظل تتلق ايام ..لين ما ينزل الجنين ..و عادة يكون ميت ""عشان جذي يصغر حجمة و يطلع و الا كان طلعت روح المسكينة .."
و في اليوم الثاني تصحى البنت على كابوس و هو وجود فضلات تحتها و هي تعتقد ان الأمر طبيعي و يستمر معاها عدم التحكم بالفضلات ..بسبب وجود فتحة بين فتحة المثانة و فتحة الشرج نتيجة لقوة الضغط اثناء الولادة و يسمى هالمرض الناسور
و الحمدللة ان المرض له علاج لكن في هالقرية كانت البنت تظل منبوذة لأنهم ما كانوا يعرفون المستشفيات

حبيبتي الدين يسر مو عسر ..و الله يسهل على جميع المؤمنات يا رب