.....فمان الآه ياحلامي .....

مساء الشعر ...


رغم الإحباااااااااااااااا اااااااااااااااااااط




فمان الآه ياحلامي اشوف وجيهكم بالخير
انا يكــــفيني القاكم خيال .. وعالم ٍ فاني

لقيت اني مســـافة ياس .. حالة مالها تفسير
قتيلة في يدي سكين ومدري منهو الجاني

نزيفي ريش متبعثر جمعته وافتكرته طير
ريــاح الغدر ورتني حقيقة رايها ثــاني

فمان الحب ياحبابي ياكل الشــوق والتفكير
ياكل احساسي .. جنوني ونبض الروح بالواني

فمان حروفي الثكلى الى من خانها التقدير
فمان الفقد والإحباط وقبرك وسط شرياني

فمان الآه ياجرح ٍ يشـــقونه بلا تخدير
يقهوونه أجاج الملح الى من زارهم عاني

فمان الصحبة اللي تطعن المقفي بلا تبرير
فمان اغبى انتصاراتي على جرحي وخذلاني

تعبت من الحكـــي والله .. تعبت وهدني التعبير
تعبت اسأل وجودي وانت لك رغبة تناساني

أخيرا ... باحزم احساسي وشعري واعذر التأخير
انا مليت من حرثي محيط الياس واحزاني