تقلصات الامعاء والمغص

السلام عليكم

صار فترة من شاركت معكم بس اكثر شيء اقرأ المشاركات والردود، وبصراحة استفدت جدا جدا منكم..
رجائي هالمرة ما تخيبون املي فيكم..

بس انا حامل في الاسبوع الاخير من الرابع، وعندي الآم المغص شيء رهيب.. للعلم انا كنت اعاني من مرض " كرونز" قبل ما احمل، ومعروف ان هذا المرض اللي من اهم اعراضه الاسهال الشديد والمتواصل، انه يخف خلال الحمل او تقريبا يختفي وهذا هو اللي صار..
راح عني الاسهال.
بس الآم المغص رهيبة، والبعض قال لي يمكن هذا الجنين يضغط على الامعاء والمعدة ومن جذي الالآم عندك كثيرة..
نمو البيبي عال العال، واخذت اشعة التراساوند قالوا كل شيء تمام وبمحله.. طوله زين وزنه زين .

بس انا خايفة، كنت آخذحمض الفوليك من فترة تقريبا 6 شهور قبل الحمل، واستمريت عليه حتى بعد معرفتي اني حامل، وفي موضوع سابق عرفت انه زين ومناسب للحامل حتى قبل لا تحمل، بس ابي اعرف هل للاكثار منه مضار؟ علماً اني كنت اخذه قبل الحمل بناء على وصفة طبية من طبيبي المعالج.

سامحوني على التطويل، وربي يسهل لكم جميع

عذراء القلب.