زوجة حماك المتوفى..ترضي زوجك يتزوجها؟

لا حول و لا قوة إلا بالله
يا أختي ما أحد يزعل مني بس أنا أشوف أن هذة عادة قديمة ( وجهة نظر طبعا ) و ما أساس من الشرع..... و الله أعلم.....(الأخوات إللي عندهم علم يناقشونا)
يعني ليش ما يتزوجها واحد مو متزوج ؟؟؟ ليش يعني ياخذها إللي عنه عايلة و حرمة و مرتاح وياهم
حسبي الله
أنا رأيي انك تدعي الله و يمكن هي ما توافق يا أختي و بعدين زوجك ممكن يخلي أولاد أخوه في عيونه....بدون ما يتزوج أمهم ، خصوصا إذا هي ما تريد تتزوج و تريد تربي الجهال....
شو رأي زوجك يا أختي؟؟

مـــــــــــــا أقول غير إن الله يصبرك ويعينك وأنصحك أختي بالدعاء وهذا الكلام من تجربتي الدعاء ثم الدعاء بالذات في الليل... و إن شاء الله إنك تبشرينا بالخيرقلبي معك والله وأنصحك بالابتسامه لانك أنت بيدك تبعيدين الفكره عن زوجك بالكلام اللين و المصارحة الهاديه بدون رفع الأصوات وإذا كنت من الناس اللي يقدرون يمثلون ززززززين هاتي قصه من رأسك تشبه قصتك مع التغيير شوي وشوفي ردت فعله بحث تكونيين تطلبين منه مثلا وش تنصح الزوجه في مثل هذي الحالات وبعدين تخيل لو أنها أختك تتوقع أختك وش راح سوي وبعدين قولي رأيك أنت بالقصة (أذكري في قصتك انه تزوجها اللي ما عنده زوجه ولا عيال ) ولا تنسين الدعاء
ولك تحياتي:smile:

السلام عليكم ورحمة الله وبركاته

أختي ملاك الزين...

في نقطتين مهمين...

زوجك شو موقفه من الموضوع ؟ مين قال إنه عايز يتزوج أو موافق ؟

زوجة أخو زوجك المتوفي ( رحمه الله )...مالها أهل ؟ يعني مش لازم هي و أهلها يوافقوا الأول...واللا الزواج يكون غصب عنها ؟

أتمنى توضحي لي النقطتين حتى أستطيع فهم المشكلة...

بانتظارك أختي...

صح لسانكم خواتي

و انا بعد يا أختي قلبي معاج بس عندي سؤال

من هو إللي يريد تزويج المرأة إلى زوجك ،حماتك؟ حماك؟

الله يهون عليج

السلام عليكم ورحمة الله وبركاته

تسلموا على الردود الطيبه.. أنا من ناحية زوجي أكيد إنه خطر الموضوع في باله وهذا شي أشوف إنه طبيعي.. لكن إنشاء الله مافي نيته شي اللي أنا مخوفني كثر الدق والحشي من الناس وهله
يعني كل بيقول والله مافيهم خير ماأحد منهم لم عيال أخوه

زوجة المرحوم زارتها زميلتها وهي في العده عند أهل زوجي ولما راحت الزميله هاذي علمت أخت زوجي إن زميلتها قالتلها إن زوجها يقول المفروض أحد يتزوجها وطبعاً الأخ حللها وحسبها على كيفه وما إختار إلا زوجي

طبعا أكبر غلط إن أحد يفاتح المرأه وهي في عدتها بهذا الكلام وهذا قلة معرفه بالدين بس أنا حاسه إن زميلتها تبغى تشتتها لأن زوج زميلتها صديق المرحوم وخايفه إن زوجها يعملها من وراها قالت خلني أدبسها وأفتك!!!!

طبعا إفهم يافهيم أخوكم راح عطوني بداله!!! وأصلاً أمها من البدايه كانت ما تبي المتوفي لأنه كان مغترب ومايعرفونه زين وقالت نبي الكبير بس كان زوجي خاطبني هاذيك الأيام..

أما أهل البنت (بنت خالهم) ما أدري عن رايهم لكن أكيد يبون بنتهم تنستر مع رجال وحالياً ما أدري أحد تقدم لها ولا باقي.. والصدق البنت توها بأول العشرين يعني العمر قدامها وطبيعي إنها تبي تتزوج.. بس ياخوفيييييييييييييي

أنا مهديه الوضع وناسيته وأحاول ما أفكر فيه لأننا برا الديره يعني في أمان لكن متى بتيحسس الموضوع.... لما نرجع نصيف في بيت عمي وكل بيدق طبله.. وخاصه إنها تزورهم بإستمرار علشان الأطفال وعلشانهم بيت عمتها..

والله إني ما بقى عطر ما كتبت إسمه عشان أشتريه ولا مفرش ما تفرجت فيه ولا لبس ما تخيرته كله علشان لما نرجع الصيف أكون على سن ورمح جاهزه لصد الهجمات؟!؟!:D2:D2

ما أقول إلا جعل لسانه القص اللي يفتح الموضوع

ليش ما في حد مش متزوج غيره ... هوه متزوج

ولو كنت مكانج ... ما بخليه ... مش على كيفه ولا كيف أهله ... هدديه انج ما بتيلسين في البيت وتاخذين عيالج معاج ... خليه عاد يربي عيالها ...



وواجهيه احسن ... وشوفي وجهت نظره ... قوليله ليش انته ما عندك شخصيه

عزيزتي اذكري الله

هدي نفسك شوي والله عورتي قلبي

اشغلي نفسك باشياء تنسيك هالموضوع

وصدقيني ياملاك اقولها من خبره الرجال لو حاط في باله عرس بيعرس لو كانت اللي قدامه ملالالاك واجمل الجميلات

فرووووقي اهتمي اوكيه بنفسك بعيالك وزوجك ووكلي امرك الى الله


والله معااك حبيبتي

دعواتي القلبية لك :smile:

اختك ام ميرال

انا ارى ان تفاتحي زوجك بالموضوع و تعرفي رده....قد يكون ليس في نيته شئ ....و ان كان مترددا اهجمي عليه انت وانفضي ما في قلبك و ليختار اما اولاده و امهم او اولاد اخيه و امهم
لاسيما وان اخوه الاصغر لا يزال خاطبا فقط!! اي ليس له بيت (و ينخرب) ولو ان عادتكم هذه غريبة يا اختي......تفرضون على الرجل و المراة على حد سواء الزواج من بعض و هما قد لا يتفقان على ذلك !!:down:
على كل حال الله يكون في عونك:up:

الله يعطيك العافيه ياأم ميرال

الميس: هي مش فرض على أحد بس عاده دارجه بين الناس ومش بس السعوديين.. هي أكيد موجوده في الخليج كله

أما أفاتح زوجي.. صعبه.. وما أشوف إنه وقته ذلحين.. وأخوه اللي خاطب قال أنا ما أبيها والأخير يقول أنا بتزوجها إذا زوجي ما تقدم.. والله إن ودي تنشب فيه بس البلشه أمها من أول ما كانت تبي إلا زوجي ورافضه المرحوم.. حسبي الله ونعم الوكيل

أنا أقول خليني هاديه لين نروح بيت عمي نصيف عندهم.. والسالفه بتطفو مره ثانيه هناك إذا تكلموا الناس.. وخاصه إنها بين كل فتره وفتره تمر عمتي يعني إني بسلم عليكم (والله إني حاسه إنها تبيها تتعلق زياده وزياده في الأطفال لعل وعسى)

والله إني كرهتها وهي عاديه ولو أشوفها أحس إنها عزرائيل وتبي تاخذ روحي!!!:D2

انا سعودية والعادة هذي مو موجودة عندنا........لكن بما ان العادة هذي عندكم فانصحك تسكتين ولا تحاولين تبينين لزوجك شي ابدااااا بالعكس اهتمي بنفسك واكشخي ودلعي زوجك اخر دلع ..........وفي حال لمح لك زوجك بشي عن الموضوع خليكي حاسمة من البداية ولا تتهاونين معه ابدااااا وخلي كلامك جدي وصارم معاة وقوليلة يا انا يا هي عشان يخاف ويدري انك منتي بسهلة الخضوع وبالطريقة هذي رح يخاف على بيته وعلى عائلته انها تتشتت

:s2والله عجب هذول حماك عشان يسترو زوجة ولدهم المتوفي يخربو بيت ولدهم الثاني .


خليك بالمرصاد ولا تخلي نفسك بموضع مقارنة وسواء تكشختي له أولا هو زوجك أنتي وبس .

لما نرجع الصيف أكون على سن ورمح جاهزه لصد الهجمات؟!؟!

ما أقول إلا جعل لسانه القص اللي يفتح الموضوع

لوووووووووووووووول وي علي صرتي شاعره من القهر

اقول لج.. خلج ساكته وهاديه ولا تفتحين له الموضوع .. تراج كل ما فتحتيه بتخلينه يفكر في الموضوع حتى لو هو ما كان على باله وخلج هاديه ورايقه لا تحسسينه ان في شي غلط لأن هذا بعد بخليه يفكر .. لا تهددينه ولا تواعدينه في شي طال ما الموضوع مقفل.. بس اذا خلاج تحت الأمر الواقع انتي خليه بعد .. خيريه بين ولادج وامهم او اولاد اخوه وامهم .. بعدين خلصت الريايل يقوم ريلج يتزوجها؟ وشمعنا لازم انتو تسترون عليها؟ وليش اهلهاما يسترون عليها؟ ليش ما تتزوج ولد عمها او ولد خالها؟؟
تبين خطه حلوة؟ ليش ما هالصيفيه تبتكرين لج خطه تخلي زوجج قاعد مكانه.. يعني مو لازم تصيفون في بيت ابوه ولين اهم شافو السالفه طولت بزوجونها للخاطب او للأخير.

:mad2: :mad2: :mad2:


والله قهر!!!!!!


اختي ملاك انا سعوديه كمان ولا عندنا هالعاده..


هذا ظلم..


لو انا منك اواحه زوجي فورا بالكلام وان لمحت بادرة قبول منه (6) مايلوم الا نفسه


ياربيه .. احس مافي موضوع قد عصبني وقهرني مثل هالموضوع :confused:

أختي العزيزة هذي مو عادة بالسعوديه بس حتى أحنا بالسلطنة عندنا هذا الشي واعتقد موجوده بالبلاد العربية وهي ما تعتبر عادة كثر ما تعتبر شي نفسي من جهة اهل الزوج وبالأخص الأم وألأب للولد المتوفي اللي مخلف وراه عيال يفكرو بالعيال أكثر من انهم يفكرو بزوجات الأبناء (يعني هم لو حصل لبناتهم هذا الشئ بيرضو) والله عجيبه المهم فهم يريدو ابناء ولدهم المتوفي يتربى عند عمهم اللي هو اخو ابوهم مو مع رجل غريب .

وعندنا قصص كثيرة في السلطنة من مثل هذي النوعايات من العائلات الله يجيرنا بس ويستر بيوتنا ويبعد عنا المشاكل قولن امين.

بسم الله الرحمن الرحيم

السلام عليكم ورحمة الله وبركاته

انا سعوديه و العاده هاذي اول مره اسمع عنها

و تفسيري و اللي اتوقعه انها موجوده عند بعض

اهل الجنوب صح؟؟

لانها مو عندنا لا في نجد و لا القصيم

طمنينا عليك اختي ...

ماقول الاقلبي معك(u)(u)(u)(u)(u)