الشعر اللي بالوجه

السلام عليكم ورحمة الله وبركاته

ما ادري يمكن يكون الحف احسن حل

والله اعلم

انا ما جربت بس اشوف الكل يحف

وعليكم السلام ورحمة الله وبركاته

اختي ممكن توضحي لي يعني وشو الحف
بصراحه ما نستخدم هالكلمة عندنا

اتمنى اني ما اكون ضايقتك بسؤالي
و مشكورة يالغاليه

تحياتي لك

ما ادري يمكن يكون الحف احسن حل

ايش يعني حف؟؟

اختي استخدمي الخيط اعتقد انة احسن حل لشعر الوجة هو مؤلم واول ما تبدأي تشعري انك على طول دموعك تنزل ووجهك يحمررررر بس اعتقدة افضل حل لشعر الوجة والله اعلم

اختي الحف يعني شيل الشعر..

أنا عن نفسي...

اشيل كل 3 شهور بالشمع الحار في الصالون..

وبعدين ابداء اشقر..اول ما يطلع الشعر حتى يطول وابداء من جديد..

بس إذا أنتي كثير مرة حفي كل شهر..

بس اذكر انه فيه وحدة حطت طريقة شيل شعر الوجهه نهائياً بس ناسية..

حدور لك الموضوع وارد عليك اذا حصلته ان شاء الله..

تحياتي..

هلا اختي عروس مسلمه
طيب اختي لو بالوجه حبوب اصلا
تعتقدين الخيط راح يفيد و ماراح يكون له تأثير

تحياتي لك يالغاليه

هلا اختي تالا
و الشمع تشوفينه حلو للبشره
يعني ما يضرها و يسمك الشعره

تسلمين عيوني على طلتك
تحياتي لك

الغالية الحف هو انج تشيلين الشعر بالخيط،،، وها يتم في الغالب في الصالونات،،، لكن الصراحة انا ابدا ما احبذ شي اسمه حف لانه يطلع حبوب ويشوه منظر الوجه،،، وكفاية انه وجهج فيه حبوب بعد ناوية تزيدين الطين بله،،،، حرام عليج،،،، اتحملي الغالية لانج بتندمين عجبها وايد،،،،، والحلاوة ايضا ما احبذها ابدا لانها تشد البشرة وفي النهاية بتطلع البشرة كأنها بشرة عيوز من كثر المط والتهديل:D2:D2:D2،،،،

ليش ما تستخدمين كريمات التشقير الغالية،،، هيه صح انها تطلع شعر ازيد بس ولا انه الوجه يتشوه من شل الشعر،،،، وإذا ما بغيتي الكريمات،،،، عندج آخر ما تم التوصل له وهو الليزر لو انه مكلف لكنه نفع في حالات كثيرة زيادة انه ما يطلع إلا بعد فترة طويلة نسبيا،،،،

الصراحة انا فاكة عمري من هذا كله،،، واستخدم طريقة جدا بسيطة وعملية وتنفع الصراحة،،، وتاخذ منج 5 دقايق بس،،، وتنفع بس في حالة وحدة انه الشعر اللي في وجهج ناعم ومب سميك،،، يعني ما قط تعبثتي فيه عن طريق الخيط او الملقط او اي طريقة تخليه غليظ،،،،انج تستخدمين مقص صغير خاص بقص الشعر وتقصين فيه شعر الوجه بالتساوي من فوق بدون ما تلمسين الجلد او ممكن تلمسينه بس بدون ما تجرحين جلدج،،،، يطلع في النهاية ولا جنه فيه شعر اصلا،،،، هذا غير عن انه الوجه يفتح مع إزالته لانه بوجود الشعر تلاحظين الوجهه اسمر عن إذا كان بدون شعر،،،،، اعرف الكثيرات اللي يسوون هاي الطريقة،،، والصراحة جدا عملية وما تكلف وتعطيج النتيجة المطلوبة بدون لا يكون شعر الوجه عرضة للكثافة او السمك او ظهور الحبوب على البشرة وتهيجها،،، بس لازم تكونين حذرة في القص بطرف المقص ويكون قصج سليم عند بداية الشعر بدون ما تلمسين الجلد او تقصينه،،، فهمتي عليه الغالية

ودايما يوم اخلص من التنظيف يتحروني حافة وجهي لانه الشعر يكون جدا قصير وابدا ما يبين يعني يعطي نفس النتيجة،،،،،
جربي وشوفي النتيجة

اختي لقيت لك الطريقة...

بس ع فكرة الخيط ما يناسب كل الوجيه أنا يطلع لي حبوب...والحلاوة بعد..

وأنا اكثر شيء ناسبني الشمع الحار مش البارد...لانه يكون دافي يفتح المسام ويشيل الشعر من جذوره..

وبعدها احط كريم عشان تتسكر المسام..وما تطلع لي حبوب..

وما ادري عن نوع بشرتك..

بس هذه الطريقة اللي حطتها وحدة من الأخوات بس مش ذاكرة اسمها..

الطريقة..

طحين الحمص وشوية روب أو ماء ورد

خذي شوية طحين الحمص وخلطية مع شوية ماء الورد او الروب..حسب الرغبة..

وادهني فيع وجهك بالليل وفي الصباح حاولي تنزعين القناع بيدك بتلاحظين الطحين لازق بوجهك حاولي تسحبين الشعر مع الطحين شوي شوي(يعني نتفي شعر وجهك بخفة والطحين بيساعد على سحب الشعر من الوجه)
جربي هالوصفة لفترة غير محددة لين ما تلاحظين بنفسك قلت الشعر..


تقول الاخت ان الوصفة مظمونة والله اعلم انا ما جربتها...

وان شاء الله اني قد فدتك..

تحياتي..

مرحبا بنات

حبيت أسأل عن مستشفى المانع عندك بالخبر لبنات السعوديه



لآن سمعت عن جهاز للشعر الابيض او الخفيف اللي بالوجهه في مستشفى المانع في احد سمع عنه وممكن يفيدني
عن الليزر حبيت اعرف تكلفه للوجهه

:o

الغالية الليزر يباله واحد راهي،،، لانه جدا غالي،،، الجلسة الوحدة ممكن تكلفج 500 درهم،،، وتخيلي يمكن بس جزء بسيط في الوجه،، مثل الذقن مثلا،،،، طبعا ها يعتمد على المكان،،،، واعرف ناس ما نفع وياهم لانه بعد فترة طويلة طلعهم شعر اطول واغلط وكان منظره قبيح،،،، وهو على فكرة ما يزيل الشعر نهائيا وانما يبطئء نموه ويطلع في النهاية بشكل اقل،،،، تقريبا ياخذ شهرين لين ما يطلع المرة الثانية،،،،

بس هذا ما يمنع انه بعض البنات يمدحونه،،،،،

هلا اختي اوركيد
طريقة جديده و أول مره تمر علي
تسلمين عليها عيوني
و نخدمك بالأفراح

تحياتي لك

هلا بك مره ثانيه تالا
امممممم
انا بشرتي دهنيه و فيها شوي حبوب
علشان كذا تلاقيني خايفه استخدم اي شيء
ممكن يخرب وجهي و ارجع اندم على اللي سويته
بس اكيد فيه حل
و ان شاء الله اجرب الوصفه

تحياتي لك اختي

روح الخزامي
بودي والله اساعدك
بس ما اعرف هالمستشفيات
و انا وين و الخبر وين ...:eek2:

تسلمين عيوني
تحياتي لك

هلا بك مره ثانيه اوركيد
كل شيء بهالدنيا فيه عيوب و حسنات
و لو تدورين في هالوسائل الحديثه
تلاقين عيوبها اكثر من حسناتها
و الله يرحم حالنا

تحياتي لك اختي

تسلمين حبيبتي نبع المحبه



:smile:

السلام عليكم ورحمة الله وبركاته
اخت اوركيد عجبتنى فكرتك,بس انا عايزه اسألك هل قص الشعر مش هيغلظه؟وطيب و الملمس دا مهم اوى...:shy:هنكون عمليين زى الرجاله ولا ايه؟؟:confused:

الله يسلمك روح الخزامى
و مشكورة عزيزتي على روحك الطيبه

تحياتي لك

maiada


سؤااااال بمحله
انا احس على حسب نوع البشره راح يكون الشعر
فيه ناس مشعرين و المقص احس راح يزيد الحاله سوء
و فيه ناس ما عندهم ابد يمكن ينفع معهم هالشيء

و ياليت الاخت اوركيد تجاوبنا
تحياتي لك عزيزتي