شنو المطلوب مني .. قولولي

بسم الله الرحمن الرحيم

السلام عليكم ورحمة الله وبركاته

اختي و الله ما ادري وش اقول لكن...

ادعي لك ربي انه يحل لك مشكلتك عاجلا غير اجل

و يبعد عنك كل سوء...

و ان شاء الله البنات اللي لهم خبره في هالمواضيع يفيدونك..

و الله يفرج لك اميييين

الله يكون بعونك أختى ندى الدوحة والله قلبي تقطع عشانك والله يهون عليك ، لكن ما في حل إلا الصبر شوفي بالنسبة لزوجك همليه وخليه يولي شوي ، وشوفي حياتك شغلي بروحك بأي شي ، ولا تفكرين بالشي الموزين ، أولاً إنت عروس وخليك دائماً على كشختك ، وطز فيه وفي عمايله ن ترى هو الخسران ، لكن غنت عليك فقط بالصبر والصبر والصبر والدعاء لله سبحانه وتعالى ن ترى حبيبتي شوفي لو سمعتي عن مصيبتي أنا بالأخص والله تهون عليك مصيبتك ، عادي عادي هذا الشيئ الله يزول الرياييل اللي هلون ز ويهديهم يالله ومن بينهم زوجي العزيز اللي انا ما لي غيره ،،،،، لكن لكن لكن لكن لكن تذكري كونك توك متزوجه تحملي ثم تحملي تحملي تفكرين بالحمل ، لغاية ما حياتك تستقر مع هالشخص ، شوفي لا تظلمين الطفل تره الريال ما يوده طفل ، وتحملي تهملي روحك أو تكونين متنكده ،،، وتذكري كلامي الله ينصرك عليه لأنك مظلومه ، الله عنده زوجه مثل الوردة ومتكشخه دائماً ، مثلي ول تحصل شيئ صدقيني الله بينصرك عليه ، وينصرني على زوجي النائم بالعسل مع حبيباته ، ورفاقه السوء ، وتحملي تنزلين دمعه من عينك ، ترى الرياييل اللي هلون ما يستاهلون الواحدة تبكي عليهم ، لكن بعد مرة أقول لك تحملي تحملين منه ألحين ، شوفي مصيرك معه أولاً ثم حملي ، واتمنى الله يهدي زوجك ويرجعه لصوابه وتكونيين انت الوحيدة فقط في عينيه ، والله يبلي البنات اللي يكلمهم بمصيبة لكي يفجوا عنه . لكن شوفي لا تفرطين بزوجك ، سوي المستحيل لكي يرجع لصوابه. والله يوفقك ويشيل عنك هالمصيبة .

الله يكون في عونك ، ويصبرك ..

أهم شي انك تحاولي ترجعي زوجك لأحضانك ، واعتبري نفسك في معركة تحاربين البنت اللي يكلمها ، وحاولي انك تنتصري عليها بذكائك ونعومتك وانوثتك ...

وصدقيني صدقيني ان زوجك راح يندم في يوم من الأيام ...

وانشالله نسمع أخبار حلوة عنك ...:up:

الاخت ندى الدوحه

اريدك ان تسألي نفسك سؤال


اذا كانت البنت التي يعرفها زوجك يحبها فلماذا تزوجك انتي ولم يتزوج هذه البنت ؟


امنحيه فرصه لتصفية علاقات ماقبل الزواج وان شاء الله ربنا يهديه ولكن لاتفرطي في زوجك

مرحبا ،،،

أعتقد إن نودو ما قصرت كفت ووفت ، وأتمنى تطبقين كل اللي قالته لك الأخت نودو وإن شاء الله راح تستفيدين عليه والأيام جاية والله سبحانه ما خلق عبده وغفل عنه راح يجي يوم وتلاقينه يقول لك شبيك لبيك أنا زوجك وبين ايديك :smile: ولا تهمي نفسك عشانه بس مثل ما قال الكل لك تمسكي فيه ولا تتخلين عنه .. والله يهديه ويهدي سره ياااااااااااااارب

كاتب الرسالة الأصلية : sami
الاخت ندى الدوحه

اريدك ان تسألي نفسك سؤال


اذا كانت البنت التي يعرفها زوجك يحبها فلماذا تزوجك انتي ولم يتزوج هذه البنت ؟


امنحيه فرصه لتصفية علاقات ماقبل الزواج وان شاء الله ربنا يهديه ولكن لاتفرطي في زوجك

الله يصبرج يا عمري و يفرج عنج و عنا هذا البلاء العظيم,,,,
يا حبيبتي شوفي شو بقولج,,,
1-لا تخلين هذا الموضوع يأثر على حياتج,,يعني أشغلي عمرج بأي شي,,,دراسه,وظيفة,أي شي
2-مع زوجج,,,كوني دائما أنيقة و مرتبه وقومي بواجباتج على أكمل وجه ولاتقصرين بالطبيخ والأكلات الحلوة و لا تنسين عمرج بعد ما تطبخين,,أتسبحي وأتعطري وأتبخري وخلي البيت يكون في قمة النضافة والرومانسية,,ممكن تستخدمين أبجورات لأضفاء الرومانسية,,,,
3-وقت النوم,,,خلي يدخل السرير قبلج بثواني وأنتي دخلي الحمام ولبسي قميص نوم حلو وحطي بودي كريم وروحي له السرير وأنتي اللي بتبدين معاه,,وأذا تبين تفاصيل زيادة برسلج على الخاص.
4-لما يكون زوجج بالشغل,,رسلي له مسجات حب و غرام و احيانا نكت و احيانا أشياء XXXX,,,بس مو تصيرين رزة وترسلين كل يوم,,يعني عطي فرصة انه يشتاق,,يعني في البداية يوم ويوم ,,وبعدين كل يومين و بعدين كل ثلاثة ايام وبعدين أرجعي ارسلي كل يوم وهكذا,,,,
5-كوني واثقة تمام الثقة بالله رب العالمين,,,وأطلبي من الله أن يهدي زوجج ويرده لج وأعلمي أنه كله مكتوب ومقدر,,توكلي على الله وشجعي زوجج على التقرب الى الله بأسلوب شيق,,مثلا القصص اللي في المنتدى عن اعجاز القران وغيرها
6-تمسكي بالقران والصلاة ولا تعطين الشيطان فرصة أنه يخليج تنهارين,,أول ما تحسين عمرج متضايقة قومي أتوضي وصلي ركعتين وأقرأي ما تيسر لك من القران,,وحاولي قيام الليل وقرءة سورة البقرة وأطلبي من الله عزوجل وألحي بالطلب وأعلمي أن هذا بلاء من عند الله عزوجل فاصبري ثم أصبري ثم أصبري واشكري الله على كل حال,,
7-مثل ما قالت الأخت omboz هذه معركة ولازم أتسوين المستحيل علشان تكسبين زوجج,,,,

أسفة يا حلوة طولت عليج,,,
بس خليج دايما مبتسه و جنه العيد ولا تفكرين وايدبالسالفة أتركيها على رب العالمين,,,
وأذا بغيتي أي شي ثاني ترى من أعيوني,,,,

أم رورو

لاحول ولاقوه الا بالله العظيم

ماراح ازود على الي قالو البنات شي بس
اصبري يابنتي

اصبري فاصبر مفتاح الفرج باذن الواحد الاحد

وكان الله في عونك


طمنينا عنك عزيزتي

وبالتوفيق

[ALIGN=JUSTIFY]شكراً أخواتي على ردودكم ووقفتكم معاي ..

وبالأخص أختي (نودو ) :
بصراحه رسالتج وايد قوت عزيمتي .. بس آنه شوي فكرت بغير طريقه .. قلت ليش مااحمل علشان الهى مع البيبي واخليه مع سوالفه بدل ما آنه حارقه قلبي ودمي معاه ؟؟ بس انتي خليتيني انتبه لهالنقطه واراجع نفسي بهالفكرة ..

أختي omboz :
آنه مو قادره اتخيل نفسي في معركه مع وحده علشان زوجي اللي هو من ممتلكاتي الخاصه وبالأخير احارب وحده من الشارع عشانه؟؟ ليش آنه وين كرامتي؟؟ ليش آنه ماسويت نفس الشي؟ آنه بشنو مقصره ؟؟ ولاشي للأسف يمكن الحب الزايد هو اللي سوى فيه جذيه.

الأخ sami :
للأسف هذا السؤال اللي مالقيت له اجابه !! دام هو يبيني آنه عيل ليش متمسك في هذي بنت الحرام اللي ادعي ربي ليل ونهار ان يجازيها بالمثل مو أكثر لأن فعلا عذاب ولا أشد من اللي آنه فيه.


أختي أم رورو :
كل اللي قلتيه آنه ماشيه عليه بالحرف الواحد .. لكن ماجاب أي نتيجه .. تدرين أدخل السرير وآنه في قمة الكشخه وريحتي روعه من العطورات زدهن العود .. لكن .... أنام وأصحى وآنه على حالي .. قمت احس اني اكشخ لنفسي لأن حتى هو مااعتقد انه يشوف آنه وش لابسه !! ما أبالغ والله ، بس على الرغم من هاي كله آنه للحين اهتم بنفسي .

وعلى فكره آنه موظفه .. يعني عندي شي يشغلني الصبح والحمد لله .. بس المشكله اني حتى شغلي مو قادره اركز فيه أو حتى اجامل وابتسم للي هناك ..

بنات اش رايكم اني ادخل اخته بالسالفه؟؟ احس ان هذا بيكون حل زين لأنها هذ ي مو المرة الأولى ولا الثانيه .. أحس يبيله حد يسمعه كلام قوي ويفهمه ويذكره اشقد هو كان متمسك فيني ومايبي غيري والحين !!!

حبيبتي ندى الدوحة إحنا كلنا أخوات وبالخدمة وما نرضى على بعضنا البعض ، باقول لك كلمتين ،،،، خليهم مثل ما يقولون حلقة في أذونك تقولين إنك تروحي لعملك وإنت بعالم ثاني لا تضحكين ولا تزاولين عملك كويس ، شوفي تحملي تحملي تحملي تفرطين بعملك ، وإنشاء الله يارب يا كريم ينهدي زوجك ويتعدل وإذا طلب منك بالمستقبل إنك تفنشين تحملييييييييييي لأنك ما تظمنين الزوج مهما تكون طيبته ما تعرفين بالزمن يجوز الزوج ألحين يكون غير مستقيم وبعد فترة يستقيم والعكس ، يعنى الله الله الله الله لا يقول ما توفقتى مع زوجك بعيد الشر وإنت مفرطة بعملك يعنى خسرت الأثنين ، فداومي على عملك وحطي بالك على شغلك وايد وايد تقدرين تاخذين إجازة مثلاً لمدة شهر ، ولكن أنصحك تكونين بالعمل لكي تتلهين وتنسين همك ، والله الله والله العظيم أعرف اللي إنت فيه وأنا اللي مريت فيه أخس وأخس وأخس لكن ثقتي بالله قوية الحمدالله جداً ، عايشة مع زوجي وهو يخوني ومع من ( ــــ فلبينية ـــــ ) ، شفتي مصيبة مثل هالمصيبة وعلى طول فيني إالتهابات ، وعلى طول لوحدي بالمنزل لا يخرج معي ، بكأني مش متزوجه لكن أنا لازم أكون ذكية وأتمنى إني لا أجن بالنهاية ، ، يمكن قرأتي موضوعي أكيد بالمنتدى موجود ، يعنى مصيبتك أهون من مصيبتي ، الصبر الصبر الصبر الصبر الصبر
وبعدين الشي الثاني حذارى حذارى حذارى تقولين لأهله شئ لأنه مستحيل بيوقفون معك ، مهما كان هاي ولدهم وإنت تقولين توك متزوجه يعني ليحين ما في عشرة بينكم ،،،، الريال ما بيفتكر بأهله اللي براسه براسه ، لكن عليك بالدعاء بالدعاء بالدعاء والصلاه ، وتحملي تهملين نفسك تمي على كشختك ، شوفي والله إنك تكسرين عينه بالنهاية ، أهم شي يشوفك دائماً متعدله ومتخننة ، ولا تتذمرين ولا تبينين إنك مهتمة بالموضوع مرده بيرجع لصوابه أتمنى ( هاي إذا رجع زوجي لصوابه ) الله يهديهم حبيبتي عطيه مجال سنة كاملة إذا شفتي ما تغير نفس الشي معك و ما ينام معك مثل الأوادم ، بعدين دخلي أهله بالموضوع وإذا ما نفع معاه ، عندى الطلاق أحسن حل ، لكن تذكري (((( الحمل ، الحمل )))) إياك إياك لغاية ما تستقرين معاه ، عمري ندى الدوحة إقرأي سورة البقرة كل ليلة على ماء ، وعلى فراشه ، وعليك ، وخليه يشرب الماء ، وأقرأي أيات السحر ، وأتمنى إني شوى إني هونت عليك حبيبتي ، يارب يارب الله يهون عليك وعلي مصيبتك ومصيبتي بحق لا أله الله ، يالله يا كريم لا تردنا خائبين والله أكتب لك وأنا أبكي وأصيح لأني لا أتمنى لأي وحدة شريفة عفيفة يصير لها جيذي ، الحمدالله هاي نصيبنا ، بنحصل بإذن الله على الشي الزين بالنهاية. إذا أحتجت أي شي حبيبتى والله عيوني عيوني لك وطمنيني عليك ، الله معاك دائماً يارب.

الجميع ما قصروا و الله
و انا بقولج غلا توكلي على الله وانشاء النصائج تجيب نتيجة 100%
و الله يفرج عنج و يكون معاج:up:

السلام عليكم ورحمة الله وبركاته

بصراحة ما أقدر أضيف شيء على كلام الأخوات...بالذات نودو و أم رورو...ما شاء الله ما قصروا...

بس أقولك انتبهي تدخلي أحد من عيلته أو عيلتك في مشاكلكم...

الله يوفقك يا رب و يسخر لك زوجك...اللهم آميـــــــن

السلام عليكم ورحمة الله وبركاته

ندى انا نسخت قصتك وارسلتها للمستشارين في موقع الاسلام اليوم

وانا ان شاء الله اذا ردوا جبتلك الرد

سامحيني اختي تصرفت بدون ما اطلب الشور منك لاني والله الخوف

عليكي وعلى اللي اقرأ قصصهم وتدور في نفس الموضوع سواء كانت في

منتدى عروس او حواء او

غيره .....

وأسأل الله يفرج عنا وعنك وعن كل مسلم كل كربه وهم هو ولي ذلك

والقادر عليه ...

أختك في الله nada 111

والسلام عليكم ورحمة الله وبركاته

تصدقين حبيبتي اني تفاعلت مع قصتج لدرجة اني ما دريت باللي حواليي وبصراحة الاخوات ما قصروا كفوا ووفوا..

ماعندي وسيلة الا اني ما انساج من الدعاء..

اللهم اني اسألك بأسمك العظيم الاعظم الاعز الاجل الاكرم..بحق اسمائك الحسنى وكتابك المجيد..فرج عن اختي العزيزة وعن جميع المؤمنين والمؤمنات فرجا عاجلا كلمح البصر او هو اقرب..انك على كل شي قدير..ااااامين يارب العالمين..

تحملي بروحج وديري بالج على نفسج وصدقيني ثقي ان الله معاج ..وانه يعلم بحالج اكثر من نفسج..ومستحيل سبحانه يترك عبده يتخبط في الهم والحيرة..فهو لطيف رؤوف بعباااده..

تحيااااااتي القلبية لك..:smile:

تحيه وبعد...

اسال الله الريم رب العرش العظيم ان يهدي زوجك ...

بصراحه البنات ماشالله كفوا وفوااا

وعليك بالدعاء والصبر

كان الله في عونك

تحياتي

بنت كيوت

الدعاء وحده لايكفي ولكن يجب الاخذ بالاسباب وهذه قضية اخرى مطروحه ول

وي علي اختي ندى الدوحه واختي نودو
والله قطعتو قلبي :confused: :confused: :confused:
ما تستاهلون.
انا من رايي ما تحملين الحين.. تحملي .. بعدين بقول لج اي انتي مشغوله الصبح في الشغل واليل ويا البيبي واحنا تونا متزوجين شلون ما تبيني اروح لغيرج؟؟ واذا دخلتي اهله بقولون لج نفس الكلام.. بعدين اقول لج لا تكلمني اهله لأنه ما بسوون لج شي اللي في راسه في راسه ولا حد بيقدر عليه اذا اللي ضميره ما يرده كلام اهله شلون برده؟؟
(اللي سوق المرضعه ما تردعه سوق العصا ما تنفعه)
حاولى على طول تقرين قران في البيت عشان ينور وتدخله الملائكه وحاولي على طول تقرين عليه المعوذات وتشببينه.

اختي نودو .. الله يساعدج ويصبر قلبج.. وبصراحه ما اعتقد بتحصلين حل ويا هالفلبينيه.. الفلبينيات معروفات 24 ساعه شغالين بالطبوب والسحر والله يستر على زوجج.. حاسه فيج والله اخواني كلهم وابوي وحميان خالاتي ثنتينهم كلهم وراهم فلبينيات اعوذ بالله منهم.
اقولج.. الفلبينيات وانتي بكرامه ما يمشون الا ورى الواحد اللي عنده فلوس ولين فلس تلاقينها شالت اغراضها وشردت.. عشان جذي حاولي تضغطين على زوجج في المصاريف شوي.. وحاولي تقرفينه وتقززينه من الفلبينيات بس لا تمصخينها ولا تبينين انها عداوه. فهميه انها مثل ما الحين وياه شلون يضمن انها ما كانت الصبح ويا واحد ثاني.

الحمدلله والصلاة والسلام على رسول الله وعلى آله وصحبه أجمعين

لاحول ولاقوة الا بالله.....والله مشكلتكِ احزنتني كثير

لكن للأسف ماعندي حل...غير ان ادعي ان الله يسخر لج زوجكِ...ويسعدكم ببعض بعيد عن بنات الحرام...ويهديه ويوفقكم لما يحب ويرضى....

وخلي في بالك...انك لست الوحيدة اللي تعانين من هالمشكلة ...بل للأسف الكثيرات

ادعي الله في جوف الليل...وخليه يسمعك وانت تبكين وتدعينله ان الله يبعده عن بنات الحرام يمكن يتأثر...وخلي بيتك عامر بذكر الله والطاعات ...لقوله صلى الله عليه وسلم: ( مثل البيت الذي يذكر الله فيه والبيت الذي لايذكر فيه مثل الحي والميت)

وان شاء الله يااارب نسمع منج اخبار حلوة قريبا

تحياتي

السلام عليكم ورحمة الله وبركاته

عزيزتي ندى ونودو قلبي معاكم لان الوحده منا تتمنى تعيش مع ريال تحس معاه بالامان مو تخاف على نفسها منه بس مثل ما قالت الأخت دوحة الجميع ادعوا في الوقت اللي يكون موجود بالبيت وقت اتصلون ارفعوا صوتكم بالدعاء مو على البنات اللي مع ازواجكم لكن بحفظ الزوج و توفيقه للخير وبعد الشر عنه يعني الدعاء للزوج جدامه يمكن هذا الشي يلين قلوبهم عليكم و بعد عندي لكم حل ثاني انكم تقرأون القرآن بصوت منخفض بعد ما ينامون عند راسهم ترى القرآن يطمن القلوب حتى لو كانت صخر
دعائي لكم بالفرج