المستشفى الامريكي بتـــــايلند

أختي العزيزة، أنا سمعت صديقتي تمدح فيه فأنت تتصلين بهم وترسلين لهم تقارير الحالة بالفاكس أو الإيميل (يمكنك أخذ العنوان من الإنترنت) على موقع جوجل .. ثم ترسلين المعلومات ، بعدها تحجزين وتخبرينهم متى ستصلين ، وسيستقبلونك من المطار ويخدمونك بامتياز وترجعين لبلدك سعيدة باكتشاف حقيقة الأمور .. هم ممتازون طبياً وخدماتياً والكل هنا يمدح فيهم .. جربي وما راح تخسري .. لا يعلم الإنسان أن يكون الخير له ولأولاده .. والسعي في العلاج هو من يزيد العزم والهمة لمكافحة الأوجاع .. شافى الله ابنتك وعافاها.:rolleyes:

السلام عليكم ورحمة الله وبركاته
أختي مرافئ الفيروز

صحيح هالمستشفى زين وايد وانا 3 من هلي راحو
وكله بالاول تقارير عن طريق المراسلة بالانت وبعدين رجعوا مستفيدين 2 والثالث عالجوه قد ماقدروا لان ماعندهم علاج ليه

على كل حال فيه حكاية ولد كيف بنتك الله يعافي الجميع وقالوا انه راح تعالج امريكا وبدأت تتحسن حالته بس وين ما ادري واذا تبي بسالك زيادة

اما المستشفى الامريكي عشان يصير سهل عليش بعطيش الاسم تبحثي عنه Bumrungrad Hospital

والله الموفق
إن شاء الله

اختي الغاليه:

انا والله كانت الوالده رايحه من فتره زارت المستشفى و سوت عندهم عمليه .... المهم هي اتقول بنسبه لرعايه عندهم وااايد زينه و حتى التحاليل و الاجراءت عندهم جدا سريعه .... وعلاجهم مناسب و بنسبه للاسعار اتقول هم كبدايه يسون لج تكشف شامل و هذا تقريبا سعره يمنع ذكر الاسعار بعدين اذا بتتعلجين عندم (( اقصد انج احتمال تنامين في المستشفى )) فهو ع حسب الغرفه اللي انتي بتختارينها .... و تقول بعد هم عندهم في المستشفى غرف نوم فندقيه يعني تقدرين تسكنين في المستشفى بعد .... طبعا انا اتكلم عن مستشفى Bumrungrad Hospital
وهو المشهور عندنا بالمستشفى الامريكي .... بس هو مب امريكي بس عندهم شهاده للكفاءة من امريكا

[CELL=filter: glow(color=red,strength=5);][ALIGN=center]مرافئ الفيروز

غاليتي

أتمنى لأبنتك الشفاء العاجل إنشاء الله
ولكن غاليتي اذا كانت أبنتك تعاني من تأخر النمو والنطق فيجب عرض حالتها على طبيب
مختص بذلك بالأضافه إلى المتابعه الدائمه لحالتها
كما ذكرت سابقافأيا كان نوع التأخر الذي تعاني منه طفلتك فإ كل دقيقه
مهمه لها وتسعى في سبيل تطور حالتها


تحياتي لك غاليتي
أختك
عذبة الأحساس:up:[/CELL]

هلااا فيج اختي الغاليه
وأتمنى السلامة لبنتج والله يفرحج فيها

بالنسبه للمستشفى فهو ممتاز جداا
لان عندي واحد من اهلي راح تعالج عندهم
عقب ما لعبوا فيه الدكاترة هني :down:
و الحمد الله تعالج .. وعلاجهم سريع على حسب الحاله
وما يأخرون المريض .. وخدماتهم ممتازة ورخيصة

لكن بالنسبة لفترة النقاهه او كورسات العلاج فما انصحج
الا تروحين للأماكن الريفيه لان أجواء المدينه ابدا ما تساعد الواحد
يعني اما تعالجين البنت وتكمل كورس علاجها بالمانيا مثلا او تكملينه
في احد الأرياف النظيفة بتايلاند او الجزر .. المهم مكان نظيف
وفيه هواء نقي أحسن من المدينه ..

اخواتي الكريمات والله ماني عارفه شلون اقدم لكم شكري وامتناني على وقفتكم عند موضوعي واستجابتكم لطلبي ..

اختي فراشه زرقاء ..
شكرا جزيلا لك حبيبتي على هالمعلومات الطيبه ..


اختي فيولـــيت ..
كل الشكر لج عزيزتي .. وياليت يالغاليه تسالين عن حالة هالولد اللي خبرتيني عنه وتعرفين عنه وين راح يتعالج بالضبط وكم عمره وشلون صارت حالته بعد العلاج وشنو نوع العلاج اللي عطوه .... انا بتعبج معي حبيبتي بس ارجوكي سامحني واعذريني وتحمليني بنفس الوقت تدرين انا ام وقلبي على بنتي وادور لها العافيه وين ما كانت ... بنتظر ردج على جمر وبكون شاكره لج كل الشكر .


عزيزتي بنت الفجيره ..
تسلمين يالغاليه على المعلومات الكافيه عن المستشفى واسعارهم بس والله لو يكلف عمرنا كله في سبيل شفاء بنتي بروح وبعالجها ...
وانا سمعت فعلا ان المستشفى مو امريكي ولا فيه ولا دكتور امريكي بس معروف بالمستشفى الامريكي .


اختي عذبة الاحســــاس ..
شكرا عزيزتي على مرورك بصفحتي ..
انا عرضت بنتي على دكاتره مختصين في بلدي وخارج بلدي وهيه الحمدلله تتحسن بشكل مستمر واحنا ماخذين لها استاذ عنده ماجستير في تعليم النطق لدى الاطفال وهيه مستفيده منه الحمدلله بس تتعلم بشكل بطئ ومستواها بالمدرسه متدني وانا ابصراحه خايفه جدا على مستقبلها وودي اعرضها على اكبر الدكاتره المتخصصين في حالتها عل وعسى يفيدونها بشكل افضل ... وعلى كل حال الحمدلله رب العالمين .


اختي ملاك الورد ..
مشكوره يالغاليه ... وبالفعل دكاترتنا عموما في مستشفياتنا بدول الخليج كلهم بالهوا سوا ... يكفي مظهر المستشفيات وشكلها كل واحد اضخم من الثاني بس للاسف بدون كوادر طبيه ... الله يعينا عليهم .

أخت مرافئ الفيروز


السلام عليكم ورحمة الله وبركاته


حصلت لك موقع المستشفى انشاء تستفيدين منه :smile:

يمنع وضع روابط لمواقع اخرى الرجاء ارسال الرد للاخت على الخاص

مرافئ الفيروز


تسلمي حبيبتي على طرح ها السؤال لانه خالتي سمعتها تقول بتروح بالصيف عشان تعالج عندهم

بنت الفجيرة

تسلمي حبيبتي بصراحة الموقع كثير افادنا

اختكم

oOo malaak oOo

عزيزتي .. بنت الفجيره
كل الشكر لج يالغاليه على الوصله ابصراحه افادتني كثيييييييير
الله يعطيج العافيه يارب ..