وش رايكم باسم شــــــــــــــــــــــــيم

الصراحه انه مو شي في اسامي احى من كذا, دوري احسن منه, والله يهون عليج ان شاء الله

:smile:



أول مرة أسمع بهذا الإسم:o

و كإنه إختصار لإسم شيماء؟:shy:

بس شيماء أحلى:cool2:

و هذا الرابط أكيد بيساعدك:up:من هنا

وانا يا بوسة ما عجبني واول مرة اسمعه

ايام سوري

لا تستعجلين فيه اسامي كثير حلوه وروعه
احلى من هالاسم

شيماء حلو

شوفي الاسم مافيه شئ لكن في أحلى منه هذا شئ

والشئ الثاني ماراح ينادونها بالاسم نفسه ماراح يشدون على الياء أو ممكن يدلعونها شيمة يصير أخف

سميها جود

أو جودي

يارا

تالا

لانا

لين

لما

ريماس <<الالماسة الصغيرة

تحياتي

[B]




بسم الله الرحمن الرحيم

السلام عليكم ورحمة الله وبركاته



اول مره اسمع عنه

ربي يقومك بالسلامة ان شاء الله



اختك

بنت المملكة



[/B]

بنات،،، شو بلاكم هبطوا من معنويات الحرمة اللي يهديكن:down::down:،،،، يعني من زين الاسماء الثانية المعروضة،،، والله لو اسم ثاني بايخ جان عيبكم لأنه دايما هذا هو اللي ألاحظه ومعظمها اسماء ما لها علاقة بالعرب،،،، وشو يعني اول مرة تسمعونه،،،، تراكم دوم تعيبكم الاسماء اليديدة والغريبة،،،، اشمعنا ها بالذات يعني اللي ما عيبكن :D2:D2:D2 والله حالة :D2

وانا ما اشوفه غريب الصراحة من شيما وشيما اسم حلو وايد،،، الغالية سمي على اللي تشوفينه حلو وشاوري زوجج واهلج بعد،،، شوفي شو رايهم والله يسهلج ان شاء الله

اختي بوسه ربنا ينتعك بالسلامة ياخجي..... :D2

صراحة اسم "شيم" ما سمعت فيه من قبل يعني يديد بقراطيسه على قولتج
ومن حيث حلاته فهو في رايي جميل ومعناه أجمل يوحي وينبض بالعروبة فتوكلي على الله سمي العروسه بيه :smile:

بس ها أوصيج بالدعوة الحلوة لي أثناء الولادة ،، يعني كلك نظر ادعيلي بالريل الصالح والذرية الصالحة وييزاج الله الخير

وطمنينا عنج بس تولدين بالسلامة :smile:

يعني مولهناك اقصد موذاك الزود عندي اسماء مثلا قبس.مواهب.دانه.يمنى.نبراس.شادن.امجاد.ميس.جنان.ريحانه.حوراء .حواء.حور.جمانه.زينه.نور.لما .ربى وطبعا لازم اتسميها باالاتفاق مع زوجش لانهم ايسمو بعض الاحيان على كيفهم وبدون شور الزوجه واحلى شي لااتقولي الاسم لاي احد الا بعد الولاده

أولاً ربي يقومك بالسلامة انت ومولودك

ثانياً أنا سمعت بهالاسم من قبل

وهذا لفظه

شِـــيَــــم

ومعناه من الشيمة

صراحة الاسم غريب بس معناه حلو

:up:

اسم كندا بكسر الكاف حلو مره:clap::clap::up::up::up:

حلو الإسم ولكن من جانبي سوف أقدم لك اسم وهو " جيدا " يعني الإسم جاي من الجيداء ذات العنق الطويل ، وألف مبروك سلفا" وطمنينا عنك

السلام عليكم ورحمة الله وبركاته

الله يعافيكم على الردود ..ومشكورين على الصراحه ..

إن شاء الله راح نسميها لجين او ليان

الله يصلح العطا ويوفق الجميع لما يحبه ويرضى...

فية اسم ... حلو ((( كيناز ))) معناة الممتلى ...

مرة حلو ....بكسر الكاف ..:clap:

مشكوره اختي قماشة زري اسم حلو ... ابحطه في القائمه إن شاء الله

وبشاور زوجي ..

اسم ليان حلوووو

شرايج تسميها (( شــــــمـــه )) ؟؟

ترى وايد أحلى من شيم ..

والله يقومج بالسلامه..