قصتي

مسحوره 08-05-2004 24 رد 3,029 مشاهدة
م
السلام عليكم ورحمه الله وبركاته

صراحه ماادري شنو اقول لكم والا من وين ابتدي ولكن كل اللي راح اقوله شي صار لي وشي حقيقي انا بنت عاديه ومسلمه ومؤمنه ولكن كان لي نصيب من الشيطان دخلت عالم الانترنت وكان فيه اشياء وايد حلوه وموحلوه وبديتها في الدردشه الى ان تعرفت على منتدى عروس المهم فتح عيني على اشياء وايد الانترنت وقمت اتساهل في نفسي ويقص علي الشيطان بدال لا انا اقص عليه وتكون لي ثقه بالله واسمع الاغاني واطالع في الازياء وصور الممثلات اللي خذت كل تفكيري مع اني مااطوف صلاه ابد ولاصيام بس في احد يكتفي بهالاشياء في انه يعبد الله ويبي الجنه لدرجه اني كل مااغمض عيني اشوف صوره الممثله الفلانيه والمغنيه الفلانيه وانا نفسكم كانت تعجبني صورهم واشلون هذيل جذي شكلهم ومكياج والحاله حاله وكنت استانس نه لازم اشوف صورهم اول باول واسهر بالليل على الافلام والاغاني على انه شنو عشان انطر صلاه الفجر في احد يصلي الفجر واهو شبعان اغاني وافلام وينام على هالاشكال ولاني مااشتغل وخلصت دراسه اقعد اقول في نفسي يالله تسليه بس كانت تسليه على حسابي على هلاكي مع اني اخاف الله اخاف الله واسمع واشوف كل شي يحرمه علينا وكنت اقول خلاص ماابي اسوي جذي مره ثانيه واقطع فتره بس وارد مره ثانيه نفس الحاله وفي قبل اسبوعين فجاه قام يجيني حلم عن القبر والموت وبعد يومين سمعت انه ابو جارتنا توفى الله يرحمه برحمته وبعدها هم نفس الشي اتحلم عن القبر الا ان رحت وقلت حق عمتي عن السالفه جان تقولي هذا تحذير من الله وقلت في نفسي شفت اشلون انه الله يحب عباده يذكرهم قبل لا يفوتهم الوقت قبل الموت وانا استهين في نفسي واسوي المحرمات ومن يومكم وانا على طول اقرى الاذكار وماانام الا وانا قاريه اقل من صفحتين للقران لاني من قبل كنت ناويه اني اختمه من بعد رمضان ونويت نيه اني ماارجع حق هاشياء مره ثانيه ومااشوف ولا اسمع شي الا يرضي ربي وصدقوني من نويت هذي النيه من قلب وانا اذا سمعت اغنيه يقوم يصدع راسي وقمت اغض البصر عن الاشياء اللي كنت قبل استمعت وانا اشوفها وماكانت تفيديني بشي لا بالدنيا ولا بالاخرهواللي شجعني اكثر شي انه ابوي المطوع انا بنت المطوع اسوي جذي وامي وعايلتي واهلي اللي مافي منهم ليش مااحب اكون انا معاهم بالجنه وخواتي اللي قاموا يستهينون بنفسهم بعد ليش ؟ ليش ماانا اول ابادر في هالشي عشان اهم يسوون نفسي انا اللي ماكانت تطوف علي اغنيه الا واشوفها راح يشوفوني اتغير فجاه يستغربون اول شي بعدين يمكن اهم يسوون نفسي ولا ابي اكتفي في اني اقول انا اصلي واصوم وانا مسلمه وخلاص لا واللي خلاني اكثر شي اصر على هالشي انه يوم الخميس اللي طاف صارت حريجه في بيتنا والله ستر لكن شكلها مايسر لا عدو ولا صديق ولثواني وانا احاول اني اطفيها مع اختي تخيلت شكلي داخل النار وصرخت حتى اختي اخترعت من صرختي وعلى طول قمت استغفر ربي كثر مااقدر هذا وانا تخيلت نفسي جذي اخترعت وصرخت عيل لو كنت فيها شنو راح يصير الله يبعدنا ويبعدكم عن النار قولوا انشاء الله ويابنات وياشباب لا تسهينون في نفسكم ترى هذي كلها دنياوباجر بنكون بالقبر والله يحاسبنا كل واحد بروحه صدقوني تحسفت على كل حرف من اغنيه سمعتها وكل فلم خايس اجنبي او عربي شفته وتحسفت اني ماكنت اطالع البرامج الدينيه وكنت اقول طاف الاغنيه احلى واحسن وموقع الفنانات احلى ومافي ورقه عندي الا وكتبت فيها موقع فلانه وفلانه ومواقع ازياء وخرابيط فتن فتن فتن فتن الله يبعدنا عنها توبوا ياناس وقدت افكر انا اللي قعدت اضحك مع بنات عمي وخواتي عن ستار اكاديمي واغاني وغيرها باجر في الاخره لقعد العن فيهم في احد يحب يلعن في اخته او بنت عمه لاوالله مااحب العن احد حتى لو كان عدو لي وانااللي مااعرف حتى وين رقمها قناه المجد ولا اعرف وين صايره قناه السعوديه وكنت اقول لهم مااحب هالقنوات الحين القنوات اللي احط عليهم بس هذول واخلي خواتي يطالعون ويشوفون حتى انهم قاموا كله يقصرون على التلفزيون واقعد بينهم اقرى اي كتيب او اذكار دينيه عشان يشوفوني ويمكن هالشي يشجهم اكثر وعلى فكره انا من اللي يلبسون عبايه على الكتف وقررت اني البس عباه على الراس مع اني كنت ناويه من زمان البسها بس هالمره جد اني راح اشتريها انشاء الله والبسها ومايصير بنت مثلي عندها مثل ابوي واهل مثل اهلي مايحبون الحرام والبس عبايه على الراس واسمع اغاني شكلي مو حلو

وكل اللي ابي اقوله حق بنات منتدى عروس توبوا لله وانووا النيه من كل قلبكم والله يساعدكم وتقربوا من الله ترى مافي احلى من هالشي الدنيا زواله وكلها فتن ولا تغركم الفتن ولا تحبون فلانه وعلانه على شكلها مع اني كنت احب اطالع صورهم لكن الحمد الله ماكنت احب وحده منهم انا احب احشر نفسي مع اهلي ومع اللي يحبهم الله وصدقوني اللي ينوي من قلبه راح يقول وين انا كنت قبل وليش كنت اسوي جذي ليش مااخاف الله انا مو انا مسلمه ومؤمنه واسوي الاشياء اللي حرمها الله ياخساره عمري فوق العشرين واسوي كل هالاشياء ومستانسه اني كبرت وتحسفت على كل اشياء وايد لكن الله يعوض علينا بالخير انشاء الله يابنات تشجعوا ولا تسكتون على الغلط في بيتكم ويالله ياربي حسن الخاتمه والمواقع وايد اللي في النت عن القصص والعبر صدقوني انا اللي كنت اقول مااحب هالاشياء او اسمعها جم مره في السنه الحين بس ابي اسمع واقرى واشوف قصص وعلى فكره في برنامج على قطر يطلع الساعه 12 ونص الظهر اسمه مفاتيح السعاده واللي يقدمه نبيل العوضي حلو البرنامج ولا تنسون قناه المجد واقروا قران وخافوا على نفسكم من عذاب ربكم وعذاب القبر ويالله ياربي تقبل توبتنا وترحمنا انتا الرحمن الرحيم وتغفر لنا انتا الغفور التواب ااااااااامين يارب

ولحد يستهين في نفسه اطلبواربكم والجنه مافي احلى منها

واتمنى اني مااكون ثقلت عليكم في شي واللي يحب مصلحته ويحب نفسه ويخاف من ربه ومن عذابه يتوب توبه صالحه ولا يستهين في نفسه محد يدري متى الواحد يموت وكل نفس ذائقه الموت ومافي احد راح يتهرب من الموت الكل راح يموت والله يرحمنا برحمته الواسعه ااامييين
ا


تسلمين يالغالية

موضوع جداً مهم ومشاركة مميزة

كلمات صادقة نابضة من قلب عفيف

بارك الله فيكِ وجزاكِ خير الجزاء
ف

جزاك الله ألف خير يا مسحوره على الكلمات الصريحة و المؤثرة جدا


:smile:
م
مشكورين على المشاركه في الموضوع

واتمنى انكم تستفيدون وتاخذون عبره لو شوي انا ابي مصلحه الكل وشوي شوي تقدرين تتحكمين في نفسج وماتسكتين ولاترضين ولا تطالعين شي غلط

ومافي ضرر من الازياء والمكياج لكن لا تخلينهم كل همج
w
جزاج الله كل خير يامسحوره
الله يهدينا معاج ويهدي كل بنات المسلمين امين
ب
[CELL=filter:;][ALIGN=center]

تسلمين اختي المسحوره جزاك الله خير على التنبيه

نسألك اللهم من الجنة و ماقرب إليها من قول و عمل ونعوذ بك من النار وماقرب إليها من قول وعمل اللهم اخرجنا من الظلمات إلى النور و جنبنا من الفواحش ما ظهر منها وما بطن ربنا أتنا في الدنيا حسنة وفي الآخرة حسنه وقنا عذاب النار وأدخلنا الجنة مع الأبرار اللهم إنا نسألك من الخير كله عاجله وآجلة ما علمنا منه وما لم نعلم


وهذا فلاش هديه

[FLASH=http://www.twbh.com/flash/353.swf]WIDTH=400 HEIGHT=350[/FLASH]

اغتنم ركعتين زلفى إلى الله **** إذ كنت فارغا مستريحا

وإذا هممت بالنطق بالباطل **** فاجعل مكانه تسبيح


[/CELL]
ا

بارك الله فيكِ مسحوره

وجزاكِ على نيتكِ الصادقة


تسلمين بنت النور ع الفلاش الرائع والمؤثر

جزاكِ الله كل الخير
ا
جزاك الله ألف خير
س
السلام عليكم ورحمة الله وبركاته
أشكركِ غاليتي/مسحوره..
فعلا كلماتكِ أثرت فينا..
لأنها كلمات صادقة ولها معنى..
الله يثبتك..
اللهم اهدي جميع المسلمين والمسلمات..
آمين..


تحياتي،،
أختكم/سحــــــــوبه :smile:
ب
[CELL=filter:;][ALIGN=center]

الله يسلمك اختي gazala

[/CELL]
s
تسلمين اختي المسحوره جزاك الله خير على التنبيه

نسألك اللهم من الجنة و ماقرب إليها من قول و عمل ونعوذ بك من النار وماقرب إليها من قول وعمل اللهم اخرجنا من الظلمات إلى النور و جنبنا من الفواحش ما ظهر منها وما بطن ربنا أتنا في الدنيا حسنة وفي الآخرة حسنه وقنا عذاب النار وأدخلنا الجنة مع الأبرار اللهم إنا نسألك من الخير كله عاجله وآجلة ما علمنا منه وما لم نعلم
م
جزاكم الله خير يابنات على كلامكم الحلو

وكل شي قلته صار لي صج ومافي احلى من التوبه الى الله صدقوني تحسون براحه كبيره حتى اذا كنتوا قبل ماتحبون شي مثل الدروس الدينيه بس من بعد التوبه تحبينها وماتحبين تشوفين غيرها وكل شي ماراح يكون عليج صعب لانج بتكونين ناويه نيه لله والله يسهل طريج كل مسلم ومؤمن يارب

ويالله يارب تثبتنا على دينا وتبعد عنا الفتن ونكون من اصحاب الجنه آميـــــــــن يارب


واتمنى اكون صج اثرت فيكم لو شوي لاني كنت قبل اشوف واقرى قصص بس مث ماتقولون تدش مني وتطلع مني كل هذا من الشيطان ابعدوا عن طريج الشيطان وخلوا ثقتكم بالله كبيره وتيأسون من رحمه الله
م
تسلمين بنت النور على الفلاش مع اني نطرت وماطلع معاي ماادري ليش :eek2:
م
خلاص طلع :smile:

جزاج الله الف خير فلاش حلوووو وايد

وانشاء الله كل المسلمين الله ينور طريجهم في الدنيا والاخره
l
يزاج الله خير
وانشاء الله نكون من قافلة العائدات الى الله
r
أختي مبروك ونصيحه من مجربه ركزي على ادعيه التثبيت يعني دايما ادعي اللهم ثبتني على دينك بس عندي سؤال :o انتي قلتي انتي من عائله مدينه (مطوعه) اهلج قبل ما كانوا يقولون لج شي يوم يشوفونج تسمعين اغاني وتشوفين افلام؟؟؟
م
مشكووره اختي رهام

وعلى طول قمت ادعي ربي انه يثبتني على ديني واحمد ربي اني مسلمه ومبلى اهلي كانوا يقولون لي وايد بس كنت اقطه ورى ظهري للاسف وكنت اسمع واشوف من وراهم والله يثبتنا كلنا على دينا انشاء الله
o
الله يثبتك على طاعته
ويرزقك ويرزق جميع المسلمين الجنه
والله يهدي الجميع
اللهم امين
جزاك الله خير
r
مسحوره انا اسمي رحمه مب رهام :pain:
ش
الله ينور حياتج بالايمان .... وقلبتج بالقران ....الله يوفقتج ويثبتج على الطريق القويم.... الله يكثر من امثالتج ان شالله
X