ادخلوا و ادعي لكم من كل قلبي تكفون تكفون ادخلوا نخيتكم

ما اعرف والله


هالفترة اغلب اللي في سنج يمرون فيها

فعادي انت بتتعودين على الاجازة وسالفة غيابها

صحيح اول الايام يمكن تكونين في ضيج بس بعدين
عادي ولا كانه صار شي

يوم بتستانسين مع اهلج في الاجازة راح يخف شوقج لها


ترا هاذا كلامي عن تجربه انا مريت فيها في نفس سنج

كنت احب ابلتي ووايد

بس بعدين عادي


وشكرااا

حبيبتي عواشة .. وش هاللي تسوينه الله يصلحك ..

أولا ليه لهالوقت على النت وعندك بكرا مدرسة .. مو زين عشانك ..

بعدين وش ذا الحب اللي يخليك ماتقدرين تحكين مع ابلتك ..

ابلتك مثل امك او اختك الكبيرة .. فلو انت معجبة فيها و حابتها مو غلط .

الغلط انه يصل لمرحلة انك تستحين منها و ماتشاركين .. المفروض لما تحبين معلمتك تتميزين في مادتها مو العكس

عيوني عواشة انا ابلا و ادرس بنات أكبر منك .. لكن كل دفعة بتتخرج من المدرسة يجون كم بنت يطلبون رقمي و اعطيهم و انا مسرورة بتواصلهم ..


لكن طبعا يتصلون في المناسبات و في اوقات مناسبة و فتراة مناسبة و احيانا نتفق نتلاقى في اماكن عامة و فعلا هم مثل خواتي .

فلا تكبرين الموضوع .. و تتصورين المشاعر اللي تحسينها تجاه ابلتك شي مو طبيعي .. اعتبريها مثل اي وحدة من قريباتك اللي اكبر منك و في نهاية الترم اطلبي منها رقمها لو مايزعجها و بأسلوب مؤدب و شوفي كيف بيكون الامر أسهل من تصورك .(wink)

وشدي حيلك و ركزي على دروسك و خلي كل معلماتك مو بس هي يحبونك :shy:

موفقة حبوبة ..

*

نوووسه شكرا ع الرد

رسيس هي تعرف اني احبها موووووت
و ودي اقولج سالفه صارت بيني و بينها

مره رفيجتها ابله خلينا نقول اسمها (م) و ابلتي اسمها (ر) ابله م راحت يم الصف الثاني الي تدرسهم ابلتي ر و كاناو مزعجينها حيل عاد رفيجه ابلتي م قالتلهم ابلتكم ر راح تنتقل من المدرسه

و البنات جو و قالولي و صاري لي اسبوع اسألها انتي تبين تنتقلين عاد يوم الاربعاء قالت منو قال لج قلت ابله م قالت لصفج الثاني قالت روحي اسألي ابله م رحت ليما سألتها قلت ابله م ابله ر راح تنتقل طالعت ابله م في ابله ر و قالت اساليها قلت انا سألتها تقول روحي أسالي ابله م و انتي تقولين روحي اسالي ابله ر و ضحكت

و الفرصه الثانيه قعدت و ابجي و بنات صفي راحوا قالوا ابله عواشه قاعده تبجي ما تبيج تنتقلين

و قالت وينها و قالوا لها مكاني و جتني تقول عواشه من صجج انا ماراح انتقل و انا قاعده ابجي و طق الجرس و جا الحصه الاخيرة قالت شنو عليكم قلت موسيقى قالت خلاص روحي و بنص الحصه طقت الباب و استأذنت الابله و نادتني و طلعتني برى الصف

و قالت هذي ابله م جذبت عليج و زعلتج و خليتج تبجين بعد ابله م تقول ر شفيج قالت لا يكون علشان تبين تتنتقلين قالت ايه قالت ابشرج يا عواشه ابله ر تبي تنتقل و تموت بعد عاد ابله ر قالت شفتي تفاول علي

و قالت عواشه انا ما راح انتقل و ما عليج من ابله م جذابه :smile:

و بس


رسيس انتي ابله و انا استحي منها معنى قبل لا عادي و جرئيه بس مدري شفيني

و اذا ابي اطلب موبايلها اشلون اجيها و اكلمها

ممكن ترشديني

و اذا ممكن تطرشيلي ايميلج على الخاص ودي اكلمج بالماسنجر اذا ما في مانع

:cry: :cry: :cry: :sad:

انا مع كلام الابلة رسيس :up::up::up::up::up::up::up::up:

لا فض فوك يا أخت رسيس
الله يهجي أخواتنا و شو هذا إللي يصير بالمدارس
يعني لما تكون الأبلة زينة يحبوها البنات بشكل مشبوه و لما تكون قاسية و مقصرة يتعقدون
الله يخليكم تذكروا قول رسول الله " كنتم أمة وسطا "

السلام عليكم ورحمة الله وبركاته

حبيبتي انتي بعدك صغيره

فلا تكبري الموضوع

اذا انتي تحبيها لله فها الشي مو عيب بالمره فليش تستحين وتتعفسين قدام صاحباتك

خلاص دام هي عارفة انك تحبيها فما اتوقع انها راح ترفض انك تكلميها بالموبايل

حبيبتي ها الفتره لا تشغلين نفسك بها الامور

عندك امتحاناتكم قربت فلا تجلسي تشغلي بالك وتضايقي روحك باشياء ممكن انها تاثر على دراستك

روحي لها واطلبي منها رقمها مثل ما قالت الاخت رسيس وقوليلها انا أحب اني اتواصل معاكي بالموبايل لو ممكن

وطبعا لو وافقت وعطتك فلا تضايقيها بكثرة الاتصالات لان كثرة الاهتمام احيانا ممكن تخليها تتضايق منك و احتمال بتعاملك بطريقة تضايقك

كوني عاديه ولا تخلي نفسك لعبه عند البنات

حبيبتي حاولي تشغلي نفسك مع اهلك صدقيني ممكن ممكن انتي حاسه انهم بعيدين عنك وان مدرستك غير بس لو اقتربت منهم اكيد بترتاحي وما راح تحسي بكل ها الضيق

أكيد في ناس نعجب فيهم بحياتنا ولما يبتعدوا عنا نتضايق بس المفروض ما نبالغ برده فعلنا لانك حتى لو ضايقتي نفسك ما في شي راح يتغير وهي لو فعلا تبغي تنتقل فما راح تغير رايها عشان انتي تحبيها وما تقدري تستغني عنها

فحاولي انك تتعاملي معاها بشكل عادي بس لا تجلسي تبكين ولا تشاركين بالدراسة بالعكس خليها تحس انك طالبة مجتهدة متهمه بدراستك وبتستانس هي كثير منك

بس لا تسوين بنفسك كذا

والله ييسر لك امورك يا رب

:pain:

السلام عليكم ورحمة الله وبركاته

اختي ملاك بصراحه اهلي اقرب الناس لي و هم حيل معاي

بس مو تقولون هذي فتره مراهقه

بــــس استحي حيييييل منها

مدري ليه معنا قبل و كانت تدري اني احبها عادي جرئية و اشارك

بس الحين غير

و ليما تدخل الصف قلبي يطق حيل و يضايقني و انا بروحي فيني القلب

و ليما الدكتور عطاني تقرير طبي يقول وديه للمدرسه علشان انتي حاله خاصه رحت البيت

و شققت التقرير بس علشان ابلتي ما تدري

و انا وديت لها بطاقه و قلت لها راح تمر 3 شهور ماراح اصبر و اتحمل و زين اني قاعده اصبر خميس و جمعه

و اليوم بالحصه تقول بقا اسبوعين بعدين عطله اسبوع علشان تدرسون للأمتحانات

عاد انا قلت ليش العطله لازم طالعتني و ابتسمت

قالت خلاص تعالي صلحي معانا الاوراق قلت و الله اجي عادي

و بعد الحصه رحت لها قلت ابله اجي بعطله الامتحانات عادي محد راح يدري ضحكت قالت تسوينها و هي افهمت قصدي

بـــــس حتى لو عطتني موبايلها ماراح اتصل عليها كل يوم و ترك اطرش لها مسج

بـــــس

شنو رايكم ..:o:confused:(u)

و رفيجاتي خليهم على صوب

كل وحده فيهم هيمانه في ابله

و الابلات ما يحترمونهم ولا شىء الا ابلتي محترمتني اشد الاحترام و اذا صرخت على الصف

ما تصرخ علي

السلام عليكم ورحمة الله وبركاته

هلا حبيبتي عواشه كيفك اليوم عساك بخير يا رب

عواشه سالفه انك تاخذي التقرير وتشقيه من غير ما توديه للمدرسة حركة بالمرة غلط يعني لو كان فيه حاجة ضروريه انك بتحتاجيه ايام الامتحانات فلازم تروحي للدكتور وتطلبي منه تقرير ثاني وخذيه للمدرسه ضروري طيب لا تنسي عشان على فتره الامتحانات اذا عندهم ها التقرير احتمال يوفروا لك لجنة تكون مناسبه لحالتك من ناحيه الجو او حتى يعطوكي اهتمام اكثر عشان تسهل عليكي فتره الامتحانات

انتي لا تجلسي تفكري بمصلحة ابلتك اكثر من اهتمامك بصحتك لا حبيبتي ها الشي بالمره غلط

وأبغي اقولك شي اناخريجة كلية تربيه يعني درست فتره التدريب يعني للحين ما اشتغلت بس تدرين والله بفتره التدريب لما كانوا البنات بعد الحصة يجون لي ويقولوا ابلة انا أحبك وها السوالف اقولهم انا بعد احبكم شكرا وأمشي عنهم هذولي لما أرجع من المدرسة والله حتى ما يجون ببالي كنت على طول أتذكر البنات الي مهتمين بالدرس وباجوبتهم ووالله للحين باقين ببالي ودايم اتذكرهم

يعني ها المدرسة بتتذكر الطالبات الي مهتمين بدراستهم اكثر من باقي الطالبات الي جالسين بس يكتبون أشعار وعبارات حب للمدرسة تحسهم الابلة بنات مب مهتمين بدراستهم وها الشي كثير يضايق

اختي بنفس عمرك والله كانت مبهدلتنا كثير بوحده من معلماتها كل يوم اول ما تجي من المدرسة اكون انا وامي نتغدا حتى من غير ما تبدل ملابسها تقولي يا الله اليوم شفت ابلتي حبيبتي ووووو أقولها انتي سخيفة الي يسمعك يقول فيكي مرض نفسي او ان أهلك مب مهتمين فيك وتدورين على الحنان وما حصلتيه غير بها الابلة جلست فترة وهي تعمل ها الحركات وانا كل ما تقول شي اجلس اسالها ليش كل هذا وهي اونه متعذبة ومتبهدله وووو كل هذا اخر شي طلع لانها تقلد بنات عمي الي هم صاحباتها لانهم هم بعد يحبوها يعني كل وحده فيكم تحاول تقلد صاحباتها

حبيبتي انتو رايحين تدرسون مب تتعلقون بالمدرسات

انا بايام المدرسة كثير احب أبلة الانجليزي كنت كثير احب اسلوب تعاملها معانا واحترامها وطيبتها بس لما كنت تدخل الحصة كنت أستانس لان بناخذ مادتها كثيراهتميت بالانجليزي وكنت على طول احل واجباتها واجاوب بحصتها بس اول ما تطلع من الصف يكون شي عادي تماما واذا شفتها برا الصف بس أسلم عليها بس الي اذكره اني قبل نهاية السنه خذتلها هديه وبطاقة لانها اهتمت فينا كطالبات وبحسن شرحها وبس صارت هي بعد ما طلعت من مدرستها تسال زميلاتي عني وانا أرسلها السلام وبس

ووالله للحين اذكرها وأستانس لما أتذكرها حتى لما دخلت الجامعة تخصصت بالانجليزي بس عشانها هي بس أبدا ها الشي ما أثر علي الحمد لله

يعني خليها تتذكرك كطالبة مجتهدة بمادتها ومهتمة فيها وتحاولين تجيبين فيها الدرجات لانها هي تدرسها

لكن تجلسين تبكين وتبهدلين بروحك ها الشي بالمره غلط

اهتمي بدراستك باقي لك كم اسبوع لازم تدرسين فيهم انتي تحبيها وها الشي مب عيب لان ارقى الحب هو الحب في الله

لما تقول باقي اسبوعين على الاجازة للامتحانات قوليلها ابلة ادعيلنا الله يسهل علينا الامتحانات ونذاكر كويس

هي بروحها بتفرح لانك مهتمه بدراستك

اهتمي بدراستك كثير

حبيبتي انتي توك صغيرة بس الدينا كذا بتقابلي كل فترة أشخاص تحبيهم موت وتتمني تكلمي حياتك معاهم وانكم ما تتفترقون بس تشوفي الايام تفرقكم ويصير ها الشي عادي جدا

تدرين بقولك سالفة بس انتي صغيرة عليها وان شاء الله تفهمين شو القصد منها

صاحبتي كانت مخطوبة لواحد وزواجهم كان باقي له كم شهر ويتم حتى كانوا يسمونها بام محمد لانه هو يسمونه بها الاسم

المهم الكل كان مستانس لها الشي

تدرين صارت مشاكل كبيرة بين ام صاحبتي وبين ام خطيبها وامه قالت خلاص ما في زواج

صاحبتي كانت حزينة بطريقة فظيعة وها الشي طبيعي لانه كان بيصي زوجها وبلحظة امها وأمه يرفضون ها الزواج والام تروح تخطبله بنفس الايان بنت خالته وكل هذا يصير بكمن يوم

شفتها قبل كم يوم اقولها كيفك وكذا بعدين أقولها ما شاء الله عليك كثير قوية لانها صارت عادية وبالمرة ولا كانه هاممها وهي مستحيل تتصنع ها الشي لانها كثير قريبة مني تدرين شو قالت

تقولي كثير بنات امهاتهم أو أبائهم يموتون وينسونهم بعد فتره وهذولي هم الي جابونا بس هذا كان خطيب يعني حتى ما يسوى منزلة ام اشلون ما بنسى

انا قصدت أقولك من ها الموضوع انه هذا الي كان بعد كم شهر بيكون زوجها ونسته كيف اذا كان مدرسة وهي كانت بكل الاحوال مستحيل تبقى معاكي للابد

حبيبتي لا تندمجين كثير بافكارك هذي وفكري بدراستك

وقولي شو بتسوين بالاجازة انتي وصاحباتك او اخواتك

وقولي بتواصل مع ابلتي بالموبايل

وحتى ممكن تاخذين منها ايميلها لو عندها وترسلين لها بطاقت أو ايميلات

بس طبعا مب يوميا يعني تكوني معتدلة عشان ما تتملل منك


اعتقد كثير تكلمت ومليتي من كلامي

يلا عاد قومي وكافي نت ها الايام ادخلي عندك اجازة تسوين فيها الي تبين بس الحين عندك دراسة انتي لو طول دوامك تجلسي تفكرين بابلتك ولما ترين تجلسين على النت اشلون بتتفوقين وبتحيلن امتحاناتك

اتمنى الله يوفقك ويسهل عليك أمورك

اختك

malaak

عواشه
بيجي يوم بعد ما تكبرين انشاالله وتضحكين على نفسك
مثل ما ضحكنا على تصرفاتنا ايام زمان

رجاء شكرا على الرد .


ملاك حبيبتي انا ما امل من كلامج بالعكس

انا عندها شاطره و اجيب دراجات عاليه في كل المواد

و درجتي حلوه حيل و هي مستانسه

و انا ودي اطلب منها ايميلها

استحي اقولها موبايلها

و اذا عن الواجبات دائما اكتب واجباتي و اطلع و اعصر مخي و اطلع اجابات حلوه

و اليوم قالت ابيكم تقيموني بورقه تكتبون كل الي خاطركم فيه و مو لازم تكتبون اسمك يعني السلبيات و الايجابيات

انا كاتبه صفحه كامله كتبت كل الي بقلبي (( طبعا مدح )) لأني انا اشوفها في هذي النظرة و كتبت تحت اسمي و اصلها هي

و اخر السنه راح اخذ موبايلها

و انا ودي اكرمها بالطابور الصباح ابي اجيب لها درع الاسبوع الجاي

شرااااااااايكم

" alt="" loading="lazy">

السلام عليكم

كيفك عواشه ان شاء الله بخير

شطورة حبييبتي ان شاء الله تكونين شطورة على طول

وخلاص اعطيها الهدية

وان شاء الله الله يوفقك يا رب

ملكوووووووكه شخبااااارج

اليوم داخله و انا مستانسه من كلامج

و ادري تعبت معاي :o


و انا راح اكرمها بالطابور و آخر السنه راح اطلب منها ايميلها


بس شنو اقولها :confused:

ادري ازعجتج بس قولي لي كلام حلو علشان تعطيني

عواشه الحلوة عمرها 12 سنة وتشارك معنا في المنتدى

:eek2::eek2::eek2::eek2:

واااااااااااو معقولة

:D2:D2:D2:D2:D2

ماأصدق ؟؟؟؟؟؟؟؟؟؟

السلام عليكم ورحمة الله وبركاته

ما شاء الله...أختي عواشة البنات كفوا و فوا معاكي و نصوكي باللي يقدروا عليه...

كلنا مرينا بهذه الأيام...و الحين نضحك على نفسنا...

مدرستك يا عواشة لها حياتها الخاصة...لها زوج و بيت و ما يصير تزعجيها...

بعدين فكري معايا في سؤال : شو آخر هذا الحب ؟؟؟؟

يعني حتى لو ظليتي تحبيها كمان 10 سنوات...شو راح تكون النهاية ؟ و لا شيء...غير إنها مدرستك و إنت تلمذيتها...

لذلك يا عواشة فكري معايا بواقعية...و تأكدي إنه مدرستك تحبك و تحترمك لأنك تلميذتها الشاطرة...لكن هي لها حياتها اللي تريد تتمتع فيها...يمكت عايزة تسافر في الصيف أو تخرج مع أهلها...صح ؟

طمنيني عليكي...و أهم شيء الحين إمتحاناتك...


.................................................

مـخـتــــارات من مواضيعــــي :



:idea: مسابقــة : مواقف و مشاكل زوجــية تحتاج منّا إلى حكمة و حسن تصــرف :idea:

سلسلـــة شهـــور الحمـــل التسـعــة...ملخـــص شامــــل

:flower: موسوعة الهدايــا...للزوج...و الزوجة...و الأب...و الأم...و كل المناسبات الرومانسيــة :flower:

:handup: طريقتي الروعــة و السهلة في أطعم أرز بالدجاج و الخلطــة :handup:

:z_clap: حــلا سهــل...طعمه روعــة...ما يحتاج فرن أبــدا :z_clap:

قوليلها يا عواشه انتي ابلتي ويعز علي فراقج وانا لأني احبج في الله لأنج ابله مميزه وتهتمين بجميع الطالبات انا احترمج واحبج واتمنى اني اكون في تواصل دائم معج بكل احترام وتقدير .


وبس مافيها شيء وثاني شيء يا عواشه لأزم تكون محبتج لأبلتج محبة بنت لأمها او اخت لأختها . مو اكثر



ويكون حبج لها كله احترام وتقدير لمجهودا وعدم تقصيرها سواء معاج او مع الطالبات .



وبذلك اطلبي رقمها بعد ما تقولين لها هذا الكلام .:smile:

جود الاخلاق ..عادي يعني 12 سنه و تعرفكل شىء بالكمبيوتر << خبيرة بنت امها :)

مرموم .. مشكورة يا قلبي بس هي مو متزوجه و هي قالت لي ان هي مو متزوجه بس انا عارفه نفسي ان باجر اخر اسبوع بعدين اسبوع عطله امتحانات و بس و انا عارفه نفسي ان يوم الاربعاء راح ابجي لاابجي ابجي
انا طبعي حساسه حيل وياما و ياما حاولت اتخلص من الحساسيه الزايده و ماقدرت .. و شكراعلى مرورج ..

ميمو .. حبيبتي انا احبها مثل ما احب امي و هي تعرف هذا الشىء
براح اكلمها والمح لها هالاسبوع ..



مشكوورين كل من شارك بالموضوع ادري لوعت جبدكم بس تحملوني مالي الا الله ثم اهلي ثم انتم