ابرة الظهر؟؟؟؟؟؟؟

هلا اختي

انشالله تولدين بالسلامه

انا ماجربت بس قريت عنها وشفت بالتلفزيون كذا وحده يولدونها بالابره الظهر

جبتلك هذي الروابط مشالله البنات كاتبين عنها بالتفصيل انشالله تلقين اجابه على اسئلتك

حقنه الظهر

الولادة بدون ألم عن طريق Epidural analgesia


تحياتي
لك روحي

هلا فيك أختي shosho_b:shy:

إن شاء البنات المجربات ما بيقصرن معاج
:up:


:smile:

السلام عليكم

انا جربتها مرتين المره الاولى كانت في امريكا ..لما كنت 4 سانتي عطوني الابره ( عن طريق خبير امريكي) وكانت مثل الماء البارد ووقت دفع الجنين تحسين بألم خفيف جدا والجنين يطلع وانتي ما دريتي عن شي .. مرتاحه من الخاطر .. وتمنيت احمل بعدها 10 مرات ....


لكن

الولاده الثانيه صادفت وانا بالامارات .. ولدت في مستشفى خاص ولما عطتني الدكتوره الحقنه(على بالها انا حيوانه) 3 مرات في ظهري عشان تلقى المكان صح .. ( الله سلم ما تشللت ) ومع هذا تعسرت الولاده وحسيت بآلام واختنق البيبي واخيرا سحبوه بالمشبك وكان مزرق حطوله على طول اكسجين .. بس ظل 3 ايام ازرق ..وبهدلوني بعشر غرز ورحت اتعالج في مسشفى ثاني لمده اسبوع من اثر التهاب الخياطه


وانا الحين في التاسع ومحتاره .. وين اولد .. وخايفه ..

نصيحتي لج ... اللي بتعطيج الابره لازم تكون خبيره ومعروفه لازم تسألين عنها

هلا غاليتي غايه:shy:

ممكن تاخذين هالأبره و بأمان في المستشفى الأمريكي في دبي


:up:


:smile:

الله يهون عليج ويقومج بالسلامه
انا ماانصحج بالابره لانه اي غلطه يحصل شلل لاسمح الله
فيه كمام احسن وبعدين الاحساس بالولاده فتره ويصير مثل الحلم
خلي اتكالج على الله

الله يقومك بالسلامه يا رب

زوجة أخوي أخذتها وتقول إنها عادية جدا .. والألم مثل ألم الدورة ..

وبصراحه بوالدتي الأخير تمنيت لو كنت أخذتها من الموت اللي شفت ..

كنت أفكر وش الطريقه اللي أوقف فيها الطلق وأهرب من المستشفى عشان آخذها .. بلحظتها بغيت أهلوس :D2:D2

الله يهونها عليك أختي ..

تحياتي ،،،،

انا سمعت ايضا انها ان لم تتخذ بواسطة خبير فانها قد تسبب الشلل لا قدر الله ...ما تفكرى فى الاساليب الطبيعية التى تخفف من الام الولادة مثل كثرة المشى فى الشهر الاخير و ممارسة بعض التمارين و اكل التمر و العسل كثيرا فانا خالتى طبقت ذلك و قول انها لم تحس باى الم ودعوتنا لكى و دعوتك الى الله بان يمنحك ولادة سهلة بأقل الم

زي ما قالت wardyah11 و



نسمة الربيع



هذي الحقنة خطيرة جدا..........صح انا ماجربتها:o:o




لكن اي حقنة تعطى في العمود الفقري ........ممكن ان تسبب الشلل او


الموت في اغلب الاحيان..


انصحك ما تاخذيها ...وكلي امرك لربك

السلام عليكم ورحمة الله وبركاته

شوفي هذه المواضيع أختي عن إبرة الظهر...إن شاء الله تنفعك..

حقنة الظهر

اللي جربت ابرة الظهر أثناء الولادة تخبرنا عن تجربتها

إبرة الظهر

أنا ويا الاخوات

ورديه

نسمة الربيع

أم ربى

هذه الابره محفوفه بالمخاطر ....

أنا بنت خالتي أخذتها ... وسببت لها رجفه في جسمها
استمرت معها إلى مابعد الولاده ...

وترانا بالكويت ... إذا سمعنا وحده تبي تاخذها نمنعها



خلي اتكالك على الله

واشربي الاعشاب اللي تحمي الطلق من الشهر التاسع
وكمان هالله هالله بالأذكار وقراءة القرآن




الله يقومج بالسلامه:shy:

ما انصحك ابدا يا اختي وان شاء الله تقومين بالسلامة

مرحبا خواتي
انا جربت الابرة مرتين وكانت بعملية قيصرية في مستشفى الكورنيش
وبصراحة الدكتورة يدها خفيفة وما حسيت بها .
انشالله تقومين بالسلامة

مرحبا حبيبتي انا اخذت هالابره وبصراحه استغرب من الصبايا اللي عم يقولو انها مش صعبه كتير ,فعلا لازمها دكتور متخصص وانا لحد هلق مر على ولادتي سنتين ونص وما اقدر انسى الثواني اللي دخلت فيها الابره بظهري انا دايما اوصفها متل كأني متت للحظات وبعدين رجعت للحياه ومزبوط بعد اول شكه بتصور في شكتين بس ما بتحسي فيهن لان جسمك بيكون تخدر خلاص.انا ولدت قيصري ,والله اعلم يمكن هالالم بيختلف من جسم لتاني.الله يخلصك بخير ويهون عليكي يارب:shy:

الصراحة حتى أنا بعد على وشك الولادة
بس
أختي جربتها _(((((( الأبرة)))))))) وتقول أنها ريحتها واااااااااااااايد
المهم إن الطب يؤكد
إن لها تأثير ضئيل واحد من مئة
هذا وأنا أنصحكم لا تخذونها لأن في حالة تعبنو شوي موب مشكلة لأن في النهاية الله بيجازيج وبيعطيج الخير كله ان شاء الله
مع تحياتي أم حسن ((((((((((قريبا))))))))))))))):smile:

السلام عليكم

انا توني امس ولدت الحمدلله ويبت فيونة حلوة :)

طبعا تعبت وخفت اول ماياني الطلق القوي .. الدكتور قال ما يقدر يولدني طبيعي لاني راح اتعب نفسي وأذي البيبي قال اخذي الابرة أحسن .. على طول خذيت الابرة وماحسيت في المها أبدا .. بس حاشتني رجفة وقالولي هذي طبيعية .. والحين انا أم .. وخلصت من الولادة بس أحس في ألم الخياط وألم في بطني وألم بسيط جدا في ظهري ماعتقد انه من الابرة .. بس انشاء الله ما يكون فيها تأثر في المستقبل ..

الدكتور المختص في التخدير قال ان نسبة حدوث أضرار من الابرة قليل جدا جدا جدا وأقل من 1% ..

وايضا قال الدكتور ان المشاكل الناتجة من هذي الابرة تكون في حالات معينة ونادرة .. مثل .. اذا كانت المرأة مصابة بمرض معين او لديها حساسيه معينة .

والاضرار الناتجة من هذه الابرة عادة ما تكون .. ارتفاع الضغط .. ضيق التنفس .. وشغلات بسيطة .. يعني شغلات يقدر الدكتور يعالجها بعد ما تصير ..

وسألته عن الشلل وقلتله اني سمعت ان اي غلطة بالابرة ممكن تسبب شلل قال هذا الكلام غير صحيح .. لان الابرة تكون بعيدة جدا عن النخاع .. ابرة النخاع اللي في الظهر هي اللي ممكن تسبب مشاكل ..

هذي كل المعلومات اللي خذيتها من الدكتور وماعتقد في سؤال ينطرح على الدكتور أكثر من هالأسألة ..

زبدة الكلام هذا كله .. ان ابرة الظهر .. هي تخدير للالم فقط .. تحسين بالبيبي وهو يتحرك ويطلع ولكن بدون الم .. وتحسين بلسمة ايد اي شخص على الجسم ولكن ما تحسين بالألم ..

وادعولي :)

مشكورين على حسن الاستماع وطولت البال