بكل صراحة .....شو رايكم في طريقة تفكيري؟؟؟

السلام عليكم ورحمة الله وبركاته Miss Wanted

بسم الله الرحمن الرحيم عليك وعلي عقلك

انتي شكلك متأثره بالي حواليك إذا كانوا فاشلين في زواجهم او غير سعداء

ماتبين يكون لك بيت خاص فيك ترتبينه وتوزعين اغراضه علي كيفك؟

ماتبين تكونين حامل وتجهزين للنونو وتعدين الثواني عشان تشوفينه وتمسكينه بين ايديك

حبيبتي ماتبين تكونين أُم عندك نونو صغير لك انتي محور الكون بالنسبه له

ماتبين يكون لك حبيب بالحلال تتخاصمون وتتراضون تتدلعين عليه ويحن عليك تخرجون وقت ماتبون تسافرون تتسوقون سوي؟

تغيرين نظام حياتك تماماً ..لأن نظام حياتك يختلف عن نظام اهلك واهله

فكري زين لما تكبرين تلاقين كل وحده مع زوجها وعيالها وانتي لأ وحيده !

استخيري الله تبقين انسه او تتزوجين

اللهم ارزق كل بنات المسلمين بالزوج الصالح الذي يسعدهم دنيا وآخره

اللهم آمين

اللهم آمين

اللهم آمين

اختي تركية ..

ردج عجبني حيل.. و كلماته مؤثرة بصراحة .....

جزاج الله الف خير

اشكرج من كل قلبي..

السلام عليكم ورحمة الله وبركاته


تصدقين انا مثلج عرسي بيصير بعد سنه يمكن بس ما يهمني ...الناس تبارك وانا اقول عادي احس اني ما ملجت ... بس انا اللي افكر فيه يصير لي بيت بروحي و عيال يشيلوني لا كبرت لان بهالدنيا محد بيشيلج لا كبرتي حتى اقرب الناس لج ..الناس لاهيه بنفسها الحين ..

انا عندي احلام و مشاريع بس تتكسر على صخرة الواقع .. مجتمعاتنا :down: يعني العمر بيداهمك على ما تحققين احلامك .. وتلقين نفسك وحيده و اللي بتعيشين معاه اذا قلنا احد من اخوانك ( بعد امك و ابوك بعد عمر طويل ) بيتأفف منك و زوجته تخليك خدامه عندها ..

احنا ما لنا غير العرس و مثل ما قلتي الرجال ماراح يتغير نظام حياته بعد الزواج يعني بيطلع و يسهر و لا كأن عند زوجه و عيال بس خليها على الله ..
نصيحتي تتزوجين وانشءالله توفقين يمكن يكون زوجك :up: لكل قاعده شواذ ..و الزوج مهما كان والعيال عز للمرة


ادري بتقولين عني متناقضه بس شسوي هذي الحقيقه المره :confused:


جويل

والله ياختي كانك داخلة في عقلي وتقرين افكاري

انا بعد..متعقدة من اللي اشوفه من المتزوجات

دايمين الشكوى من انانية الرجل

والعيال والمسؤلية

لما اقولهم خلاص ..حببوني على الاقل في الزواج

يقولون لي:غلط انك تفكري انه الحياة الزوجية عسل بعسل


لما يتقدم لي احد اول افرح..بس بعدين افكر انه راح يخونني

وانه بيطلع مع الشباب ويترك لي المسؤلية كلها

كرهت الحياة الزوجية

:confused:

وكرهت الرجال لانهم مو قد المسوؤلية:confused:

أختي جويل

اي والله انتي تفكرين نفسي ..بس المشكلة اني كنت متشجعة اعرس بس بعد كل المشاكل إلي حاصله من جهت خطيبي الله لا يبليكم كرهت العرس انا مخطوبة الحين من 3 سنوات و لا ملجت لين الحين :pain: ..فوق هذا من كثر البلاوي الي اسمعها من المتزوجات و انهم ما يستمتعون بحرية .. يمكن هذا إلي منفرني من العرس..:down:

[HR]


أختي نجمة الفجر

شو انسوي .. الريايل معظمهم جذي لكن هم بعد .. قول ..بدون فعل..يعني الواحد لو صج يحب مرته .. يثبتلها هالشي بأنه يتحمل المسؤولية معاها :smile:
الله يهديهم بس و يبعد عنا هالاشكل ..قولي امين :D2

انا معاج في تفكيرج :up::up::D2:D2

كاتب الرسالة الأصلية : نوووسه
انا معاج في تفكيرج :up::up::D2:D2

:cool2::D2:cool2::D2:cool2::D2:cool2::D2

مرحباا كيفك Miss Wanted

لا انتي بصراحة متشائمة نوعا ما :eek2:... توقعي الافضل دائما:clap: .. ممكن زوجك المستقبلي يساعدك على تحقيق احلامك ... أكثر من انك تحقيقها وحدك ... وحاولي تشركيه في اهتماماتك ........ :cool2: وبعدين تعالي هنا .. لو خرج مع اصدقائه شو فيها بالعكس يرجع البيت وهو مشتاق لك ,, مو احسن ما يكون 24 ساعة قدامك .... رح تزهقوا من بعض بالنهاية .. (a) ....... بالنهاية احب اقولك .. شوفي الزيجات الناجحة والسعيدة وخذي منها أساليبها اللي خلت منها ناجحة بنظر الجميع ..... :cool2: وبعدين هذي سنة الحياة ... تتزوجين وتنجبي الاطفال وتتحملي مسؤوليتهم مع زوجك المستقبلي ويشاركك الحزن والفرح هو صديق لك وهو حبيب وهو زوج واب وابن .... مدري يمكن تقولين اني خيالية بس انا اقول بأيدك تسعدي حياتك وبأيدك تهدميها - لا سمح الله - مع تمنياتي لك بالسعادة دائما ...

تحياااااتي

تووووووووتة :up:

السلام عليكم ورحمةالله وبركاته

خاطري اقطعك حتت زي ما يقولوا اخوانا المصريين

شو بعد متعقدة الله يهديك

انتي مثل ما تقولي لك مشاكل مع خطيبك يمكن ها الشي هو الي مخوفك من الزواج

حاولي انك تحلي خلافاتك معاه واذا انتي مب مرتاحه له صلي صلاة استخاره كذا مره وثقي ان ربك بيختار لك الخير ان شاء الله

واذا انتي بشكل عام معقدة من الزواج بغض النظر من هو زوجك

فاكيد من الي حوليك طنشيهم حبيبتي ولا يهمك

الوحده بروحها تعرف اشلون تمشي حياتها

ليش تحطي الغلط من الرجال بس

يمكن الزوجات بروحهم هم السبب لها المشاكل

الرجال لما تعامليه زين اكيد بيعاملك بنفس الطريقة

مالت عليكي أونه متقدة ....انا نفسي أتعقد من ها الموضوع ومب قادرة ههههههههههههه مالت علي وحده مفجوعه

اعرف وحده من أهلي كل ما يخطبها واحد تتجمع عليها كل المتزوجات ويقولولها مثل ها الكلام

وجاها اخر مره عريس والله الكل يمدح فيه لحد ما سدوا نفسها وقالت خلاص ما ابغيه وهي أصلا كثير مقتنعه فيه

الي تقول منهم شوفي أهله ما ادري شو فيهم

والي تقول شوفي راتبه مب لهناك ما بترتاحي

والي تقول راح يسكنك بعيد عن اهلك

والي تقول هذا غريب علينا شو دراك انه انسان زين

هذا بالرغم من ان الكل متاكد انه شخص ممتاز

وكل وحده فيهم تقولها أنا مب مرتاحه بس ساكته فاحسنلك انك ما تطيحي بنفس بلوتي

لحد ما رفضته

راح عليها العريس وهو كل البنات يتمنوا يتزوجوه

تعرفي مر على ها الموضوع شهرين

تدرين كل هذولي الي جلسوا ينصحوها مرتاحين بحياتهم ولما يجلسوا معاي والله يمدحولي ازواجهم واشكثر هم مرتاحين

حبيبتي لا تسمعين كلام احد اصلا لو هم مب مرتاحين ما كانوا بيتمون مع ازوجاهم بس سبحان الله الحريم يحبوا الفلسفه والبربره

اسكتي عنهم وصلي استخاره ووتوكلي على ربك


وما عليك من احد

لو ما تزوجتي بيقولوا عانس

ولو تزوجتي بيقولوا شو الي خذته

طنشي كل احد دامك متوكله على ربك

والله كثير يتمنوا انهم ينخطبون ويتزوجو ويكون عندهم عايله سعيده

وان شاء الله الله يوفقك ويريح قلبك ويسكن نفسك يا رب

ونسمع انك تجهزي لزفافك وانتي فرحانه يا رب

ايه بعد نسيت أطلب منك طلب

ادعيلي الله يرزقني انا بعد بالزوج الصالح وكل بالبنات ويفرح قلوبنا يا رب

عسى يفرح قلوب الجميع خواتي ما تنسول الدعاء بارك الله فيكم و الزواج هو رزق من عند الله
ادعو الله يبارك لكم فيه

شكرا اختي تووتة الصغيرونة :up::clap::shy: معاج حق اختي .. شكرا لمساعدتج ^_^

اختي ملاك :smile:

وايد عجبني ردج اختي .. و تأثرت في كلامج و الاحداث إلي تصير في هالموضوع حوالي اهلج .. شكرا حبيبتي على نصايحج الحلوة .. :up:

اختي انا كان مافي احسن مني..مقعتنه بكل شي ..بس المشكلة من طرفهم هم .. يعني هم إلي عقدوني :confused: حتى اهلي متضايقين منهم مو بس انا ..
تخيلي اختي انا مخطوبة من 3 سنوات و ولا مرة اهله زارونا ؟؟؟ في خلال هالسنوات كلها .. لما كانا نجهز للخطوبة كان كله مكالمات تلفونية بس..اما غير هذا ما زارونا ..اللهم اشوفهم في اعراس اقاربنا واسلم عليهم بس..

استحي اقول هالشي بس ولا مرة شفت منهم هدية تبين انهم يعزوني كزوجة لابنهم :confused: احس اني ثقيله على قلبهم ..هذا ولا شي من المشاكل الاكبر .. بس خليني ساكته ..والله كريم


يارب انشالله ترزق كل بنات المسلمين الزوج الصالح إلي يهنيهم و يسعدهم دنيا واخرة

اختي ملاك

كلامك حلو كثير

وبالفعل هالكلام الزين
مو نكد وعم والنظرة المتشائمة

اذا كذا

عيل ابغى اتزوج الحين:D2

السلام عليكم ورحمة الله وبركاته

كيفك اختي Miss Wanted ان شاء الله بخير يا رب

بصراحة كثير تضايقت لوضع اهل زوجك معاك

ما ادري شو اقولك بس بعد بحكيلك حكاية صاحبتي ....جايه احكي حكايات صاحباتي بس هي كانت نفس مشكلتك

نفس الي انتي قلتيه بالظبط قبل الخطوبة كانوا يحبوها كثير وام خطيبها كانت صاحبة ام صاحبتي بس بعد الخطبة صارت الحرب بينهم كرهوا بعض كثير

حتى لدرجة ان أم خطيبها قالت للناس انها أبدا ما كانت ناوية تخطبها لابنها بس أمها هي الي كانت تلمح عشان نخطب بنتها

المهم صاحبتي كثير كانت هي وخطيبها يحبوا بعض وما اهتمو للي يصير

تزوجوا السنه الماضية بس المشكلة انه زوجها ما يقدر يعمل لها بيت لانه ماديا حالته مب لهناك

فاظطرت انها تعيش ببيت أهل زوجها

تعبانه معاهم بالمره تقول عمري ما تبهدلت مثل بهدلتي ببيتهم والله لما تزورني قلبي يتقطع عليها

ولما أزورها عندهم حسيتها تتبهدل فصرت ما ازورها

يعني حالتها تقطع القلب بس زوجها كثير كويس معاها وهذا الي مصبرها

يعني اختي صلي صلاة استخارة لانها كثير ضرورية لحالتك

لانه لو تزوجتيه ترى اهل الزوج كثير لهم دخل بسعادتك خاصة لو كنتي بتظطري لانك تحتكي فيهم كثير

عشان ما يجي اليوم الي تندمي فيه

الوحده تعيش بكرامتها بيت أهلها احسن لا تتبهدل عند الغرب عليها بس عشان تكون متزوجة

انا ما ابغي انكدك واسد نفسك أكثر

بس انتي على البر زي ما يقولوا يعني بيدك انك تختاري الصح مب بعد الزواج تقولي ليش بهدلة نفسي

ونصيبك بتاخذيه لو ايش ما كان

يعني صلي صلاة استخاره

وعن موضوع الهديه فها الشي بالمرة ما تستحين منه

والهدية مب المقصود منها المعني المادي انا فاهمه انه قصدك لو كانوا يحبوني ويعزوني كانوا بيذكروني ولو مره بهديه الي تعبر عن اهتمامهم

حبيبتي الي ما يبغيك لا تندمين عليه

واذا خطيبك مب مقصر معاك ويبحك ومهتم فيك فما عليك منهم

بس بس بس

اذا هو بعد زي اهله

فمن غير تفكير اتركيه

لان الاهل كثير لهم دور بها الموضوع

خالي مره كان يبغى يتزوج على زوجته مع انها مب من اهلنا

بس ما شفتي الي صار

والله الكل امي وجدتي حشروه حشره ندم انه حتى فكر بها الموضوع

ما أنسى والله اشلون بهدلوه مع انه هو ابنهم وهي غريبه علينا بس لانهم يحبونها كثير وقفوا معاها ضد خالي

اعتقد ااني أحسن أسكت والا بجلس أتكلم وما بسكت وبفضح كل الي أعرفهم

أنا قلتلك عن ها الحكايات بس عشان تستفيدين منهم

أتمنى ان الله يهديهم ويحببك بقلوبهم وترتاحين





هاهاههااه ضحكتيني على كلامك

خلاص تزوجي واعزمينا لا تنسين طيب

أختكم

malaak

والله يوفق الجميع يا رب وينول كل وحده منكم الي ببالها يا رب

انا معاك بس مش في كل كلامك ..
أولا : مو كل الريايل مثل بعض ..وطالعي أصابعج نفس الشئ؟؟طبيعي لا
لذلك انا عندي تحليل واحد وهو
انتي تأثرتي جدا في مسلسل (الحريم) وبصراحة انتي مو أ,ل وحدة اللي تقول ذا الكلام؟..
حاولي أنك تشيلين هذا الموضوع من بالك..
بالعكس في شباب ملتزمين ويعرفون الواجبات وكل شئ و بعدين شئ طبيعي ان العزوبي او الفتاة قبل الزواج تستمتع والله يسلمك شنو أستمتاع (بعض) الشباب ناس تغازل وناس تقضي فراغهم باالهوايه والرياضه وغيرها وغيرها...
بس صدقيني راح يتغير بعد الزواج لآنه راح يكون مسؤل عن بيت , والزوجة.وعيال .. أنشاءالله
بس يالله تعوذي من الشيطان ..
وان شاءالله بعد كم يوم ..تبشرينا بخطبتك أن شاءالله..
يااااااااااارب
:smile:

حبيبتي.............

عندي كلام كثيييييييير لك

لكني مشغوله

لكن بقول شي بسرعه


تفائلو بالخير تجدوه

وهذي سنة الحياه

السلام عليكم ورحمة الله وبركاته وغفران
بنات المنتدى الرائع هاي اول مشاكرة لالي مع اني بعرف المنتدى هاد من زمان ودايما ادخل عليه واقرأ اراؤكم الحلوة بس اللي شجعني هاي المرة الموضوع اللي طرحته الاخت واللي هو نفس الاحساس اللي بحس بيه ومع انه اراؤكم جميعها عجبتني لكني ما اقتنعت فيها للاسف وانا متل الاخت متعقدة جدا من الزواج من كتر المشاكل والماسي اللي شفتها من حتى اقرب اقربائنا ونفسي اعيش في هاي الدنيا بدون زواج ولا انه ييجي يوم اندم فيه اني تزوجت واحد ما بيستاهل وعلى فكرة انا رفضت كل الخطاب اللي تقدمولي وكنت بتحجج بالدراسة وكده لكن الحين الي سنتين مخلصة فصرت اصارح اهلي بحقيقة عدم رغبتي في الزواج وهما مش مصدقيني وبيفكروني امزح بس والله انا خايفة كتير وما بعرف لو اهلي اجبروني شو بسوي ولا لو يوم اضطريت أتزوج وزوجي او اهله غلطوا علي يمكن اقتلهم معلش حبايبي طولت عليكم بس والله مقهورة كتييييييير والسموحة منكم:confused:

ادري انه ردي متأخر جدا جدا !! لكن لازم اشكركم على وقفتكم معاي و ارائكم الحلوة

اختي ملاك يا عسل انتي !! مشكوووووووورة وايد على ردج الحلو!!
عزيزتي انا الحين تغير موقفي..الفضل يعود لله ثم لكم .. وكلت امري لله و الحمدلله الحين مرتاحه ولا احاتي و افكر مثل قبل ..متفائلة ودايما ادعو ربي يوفقني و الحمدلله..فلا تاكلين هم !!
انشالله خير :smile: :up: :shy:

اختي HOLIDAY LOVER ..:smile:
عجبني كلامج و تسلمين حبوبة..
مشكورة على المرور.. اسفة ادري وايد متأخر :s2: :D2