صديقتي تكتب عني في المنتديات !!!!ما اصدق

الصراحه اناقاعدة اكتبلكم وانا مصدومة واحس اني مشتته من كثر التفكير ومن قوة الصدمه......

انا عندي صديقة هي اكثر من اخت معرفتي فيها لها اكثر من عشر سنين من ايام الدراسه واحنا دايما مع بعض.....

صديقتي هذي عطيتها الكثير والكثير وساعدتها معنويا ووقفت معها وقفات مستحيل تنساها وهي بنفسها تعترف بالشي هذا وحتى لما مرت بازمه نفسيه لمدة سنه كنت معاها اكثر من خواتها انفسهم.......والله عمري ماتعبت وقلت خلاص انا طفشت منهاوهي مريضه ابداااا بالعكس كنت اكلمها بالساعات الطويله عشان تنسى المشكله الي هي فيها ......واشجعها وارفع من معنوياتها..

حتى لما انخطبت كنت بطير من الفرح من حبي لها ومن كثر ما اعزها......
وساعدتها مادياوانا والله ما امن عليها ابداااا وعمري ماجرحتها بكلمه او حسستها انها اقل مني في شي بالعكس عاملتها مثل ما اعامل اختي واحسن بعد كنت ما ابخل عليها بشي كنت كريمه لاقصى درجه لانها تستاهل.....
يمكن محد يتصور شكثر ارتبطت فيها لدرجه انها ليلة زواجها جلست ابكي خايفه تفرقنا الايام في وقت الصديق الصادق نادر وجودة...

المهم انها تزوجت وربي بارك لهاوحصل خلاف بينها وبين زوجها ومنعها تكلمني او تكلم اي احد.....صرت اناالي اتصل عليها عشان ما اسبب مشاكل بينها وبين زوجها واستمر الحال هذا سنتين كنت في خلالهم انا الي اتصل عليها!!
بعدها تزوجت وصار زوجي يلاحظ اني اكلمها وهي ما تكلمني ويستغرب المسجات الي ترسلها لي وتقول فيها اتصلي ضروري ومن هالكلام....
قلت لزوجي هي مسكينه وزوجها مشدد عليها وهذي صديقة عمري ما اقدر اقطع علاقتي فيها عشان مكالمات.....مع انها في مدينه وانا في مدينه ثانيه

زوجي تضايق قال مو معقولة ماتقدر تتصل لو مرة وحدة!!
المهم قبل فترة كلمتني وقالت ان زوجها صار احسن من قبل وصارت تجلس على النت وتشارك في منتديات انا فرحت لهاوقالت انها مشاركه في المنتدى الفلاني باسم كذا....وقالت لي اسمها...
بعدها بكم يوم فتحت المنتدى الي تشارك فيه واشوف موضوع لها!!وربي يريد اني ادخل الموضوع الي هي منزلته وقريته وانا مثل المغمى عليه!!!!
معقولة صديقة عمري تكتب هالكلام وعن مين عني انا!!!!! ما اصدق صرت اعيد واعيد يمكن اكون غلطانه لكن للاسف ماكنت غلطانه.....
كان الموضوع عبارة عن طلب واستشهدت بي وقالت كلام انا ماقلته ظلمتني وبههتتني وانا والله والله ماقلته مدري ليش جحدتني وانكرت!!!
يعني اول ماتكتبين تكتبين عني انا!!!
والله اني مصدومه منها قفلت النت ذاك اليوم وهات يا بكى ماني مصدقه اني كنت مخدوعه عشر سنين في اعز واحب صديقة عندي؟؟؟؟؟؟؟؟؟!!!!!!!