اريد تصميم لفيلا سكنيه من دورين

ع

عضوة

19-04-2004 | 07:35 PM

السلام عليكم ورحمة الله وبركاته

صبحكم الله بالخير والعافيه خواتي:smile: بصراااحه انا زعلت لانه محد اهتم بموضوعي من قبل يعني معقووول كل هالاعضاء ماشاء الله موجودين ولا احد عنده فكره:pain:

طبعا انتوا ما فهمتوا انا شو اريد:D2 يا خواتي العزيزات اريد تصميم لفيلا سكنيه من دورين ولاسره خليجيه مكونه من خمسة افراد بالاضافه للخدم طبعا...عجزت اني الاقي تصاميم تناسب في المواقع وبعضهايعرض بيع التصميمات..

ولان البيت مملكة بالنسبه للمرأه لازم يكون تصميمه راقي ويناسب الاسره الخليجيه..وانا ما صدقت بعد هالمده يكون لي بيت بروحي :confused: طبعا تدرون بنات اللي عاشت فتره طويله في بيت اهل زوجها..يعني ما تقدر تآخذ حريتها كامله خاصه اذا كان هناك اخوان زوجها:o بنات بدعيلكم من كل قلبي اريد مساعدتكم..اكيد فيكم المهندسه واللي عندها ذوق فالتصاميم....ترى انتظر ردودكم على احر من الجمر.

م

مرموم

نائبة المشرفة العامة

20-04-2004 | 02:53 AM

[السلام] السلام عليكم ورحمة الله وبركاته[/السلام]

أختي الخزامى...

لو بحثتي في الركن تلاقي تصاميم في منتهى الروعـــة...

أحس إنه صعب أحد من العضوات يقعد يصمم في فيلا دورين...و هذه الأشياء لها ناسها من مصممي ديكور و مهندسين...

لذلك...إنت ممكن تاخذي جولة في الركن...تشوفي إيش اللي يتناسب مع ذوقك...و تطبعيه و تقرري تنفيذه..

و على فكرة...أروع شيء إنه البيت يكون على ذوقك...و تكوني ساهمتي في كل ركن فيه...

أتمنى لك التوفيق...و مبروك البيت الجديد...:smile:

.................................................

مـخـتــــارات من مواضيعــــي :

:idea: مسابقــة : مواقف و مشاكل زوجــية تحتاج منّا إلى حكمة و حسن تصــرف :idea:

:handdown: زوجك أو أخوك أو أحد من معارفك يدخن..تعالي نطبق معاً هذا الحـــل :handdown:

:flower: موسوعة الهدايــا...للزوج...و الزوجة...و الأب...و الأم...و كل المناسبات الرومانسيــة :flower:

(f) سـلاسـل...أقـراط...اسـاور....خواتـم...بـس لعرايـس المنتدى الحلويـن (f)

:handup: طريقتي الروعــة و السهلة في أطعم أرز بالدجاج و الخلطــة :handup:

:z_clap: حــلا سهــل...طعمه روعــة...ما يحتاج فرن أبــدا :z_clap:

:o سلسلـــة شهـــور الحمـــل التسـعــة...ملخـــص شامــــل :o

ع

عضوة

20-04-2004 | 09:18 AM

السلام عليكم ورحمة الله وبركاته

الغاليه مرموم هلا وغلا والله .......يسعدني مرورك:smile: انتي تدرين اختي ومعاك حق باللي ابديتيه من رأي ...بس كان بودي اسمع اقتراحات من الاخوات فالمنتدى وفالاخير آخذ اللي يعجبني.

واكيد كل لمسه فالبيت بتكون على ذوقي...بس ما خاب من استشار...وعموما الله يبارك فيك ويعطيك العافيه:shy: وراح امشي على رأيك وادور فالمنتدى.

K

KiM

مشرفة سابقة

20-04-2004 | 08:03 PM

أختي العزيزة الخزامى

لقد قمت بتغيير عنوان الموضوع لعنوان أوضح

أرجو من جميع الأعضاء أختيار العنوان المناسب للموضوع

من حيث الوضوح والدلالة على المضمون

لأتاحة أكبر قدر ممكن من التجاوب والتفاعل مع الموضوع

وشكراً

K

KiM

مشرفة سابقة

20-04-2004 | 08:11 PM

أختي الخزامى

أول شي مبروك على البيت الجديد وعسى الله يبارك لكم نزوله

بالنسبة للتصاميم

طبعاً مثل ما قلت لك عروستنا مرموم يعطيها العافيه وكفت ووفت

أن كل شي لازم يكون على ذوقك

والتصميم لازم يكون على يد مصمم معماري

يعني شخص متخصص

بس أحنا طبعاً نقدر نفيدك "بإذن الله" عن أشياء محدده

ممكن أنك تستفسري عنها

أو ترجعي لمواضيع المنتدى المطروحه

وأي خدمه تحتاجينها أو أي أستفسار يخطر على بالك

أحنا وجميع من في المنتدى

سنسعد بمساعدتك

ع

عضوة

20-04-2004 | 09:42 PM

السلام عليكم ورحمة الله وبركاته

اختي الغاليه KiM مشكووووه اختي وما قصرت:smile: وفعلا يمكن لاني ما وضحت العنوان الخاص بالموضوع ما لقيت تجاوب...بس البركة فيكم خواتي..

و كنت حابه اني آخذ اكبر قدر من الاراء عشان اشوف الشي الاصلح لي وطبعا انا وزوجي رحنا للاستشاري عشان التصميم ..بس تفاجأت بكثير من الامور ما كانت عالبال:shy:..واللي طلبته كان فوق التكلفه.

واذا ممكن الآقي افكار من الاخوات بيكون افضلومنها:-

1_ اريد جناح خاص بالاولاد وجناح خاص للبنات بالدور الثاني والجناح الخاص بي انا وزوجي يكون بالدور الارضي

2-واريد رأيكم اذا غرفة الخدامه تكون تابعه للفيلا والا اخليها بالخارج؟

3_شو رأيكم اسوي مجلس للرجال ومجلس للنساء بدون غرف طعام تابعه لهم؟؟

4_بالنسبه لغرفة الضيوف وين يكون موقعها.؟

5_المطبخ التحضيري اخليه تابع لفرفة الطعام الخاصه بنا..والا بروحه.

خواتي اللي عندها اقتراح لا تبخل عليه به لاني بصراحه محتاجه لآرائكم وسامحوني اذا توهتكم معايه:shy:

m

mulook

عروس جديدة

03-05-2004 | 07:35 AM

اختي مبروك مقدما وان شاء الله يكون بيت عامر بذكره سبحانه.

انا ما عندي تصميم معين ولكن حابه اوضح لك بعض الشغلات

اولا:-

تعرفي عدد المجالس والغرف وكيف تحبي يكون ترتيبهن.يعني هل المجالس في الدور الارضي او مجلس الرجال منفصل عن الفيلااوتحبي نظام الصالات المفتوحه مع وجود الابواب السحابه.

ثانيا:-

هل انت محتاجه لغرفة ضيوف؟وين تريديها ؟هل قريب من المجالس؟او تكون في صالة العائله؟وهذا طبعا يعتمد على نوعية الضيوف هل هم من الاهل او اصدقاء؟

ثالثا:-

عدد الصالات

رابعا:-

المطبخ هل هو خارجي ؟هل تحبي نظام المطبخ المفتوح؟وين تريديه؟

خامسا:-

الدرج وين تريديه؟في مدخل الفيلا؟في الصاله؟او في جهه مخفيه؟

سادسا:-

الغرف كم عددها؟هل بدورات مياه مشتركه او منفصله؟هل غرفة الالعاب وغرفة الكمبيوتر ضروريه؟

وبعد ما تحطي تصور بيكون اسهل للاخوات انهم يساعدوك.ولاتنسي ان الميزانيه هي الاساس واتمنى ان ميزانيتك تسمح بان تحققي كل ما تتمنيه في بيت العمر والله الموفق

م

مسامره

عروس مشاركة

05-05-2004 | 10:03 AM

مبروك عليك البيت الجديد..
مقدره حماسك و الله يعينكم الين تلقون التصميم اللي يرضي جميع الاطراف...
لاني امر في نفس المعاناه ... بس يا زينها من معاناه...
موفقه يا اختي ....

بالنسبه لطلبك شوفي ...
هذا يعجبك!!!
http://go.3roos.com/gjwvnmNSGtx
روحي الى منزل الاحلام و هناك تشوفين تصاميم حلوه

موفقه