واحد من جابه الله بس يامر ويعصاني0000 الوحيد اللي اخافه غصب وامشي معه سيده

انت منت اللي عشقته انت اكيد انسان ثاني
كيف صرت بهالبرود وهالاحاسيس البليدة:confused:

وين حبك للزعل000وين العناد الاولاني
وين حنيه زمان وفرحة العمر الرغيدة

وين ذاك اللي ليا اقبل ما يبان الا باماني
وين راح اللي ليا اقفى ما يروح الا فقيدة:o

واحد من جابه الله بس يامر ويعصاني
الوحيد اللي اخافه غصب وامشي معه سيده:o

ما بغيت اطيح بيده لين ما ربي بلاني
والا انا لو هو بكيفي ما بغيت اطيح بيده

ذاك بس اللي ليا من شفته يلخبط كياني
ذاك من نظره ينشف دم قلبي في وريده:shy:

قبل اشوفه اجمع له احلى القصايد والمعاني
وان لقيته ما عرفت اقول لي جملة مفيدة

الف مره قبله اعد القصيده من لساني
ولعنبوه ان جيت عنده قمت اخربط بالقصيده:

امدحه وانا ادري انه لو تباطاني نساني
انطحه وانا اعرفه مجنون وافكاره عنيده

من يسوي بي سواته بالرهيف الاسمراني
منهو من الناس غيرك غلطته ترفع رصيده(u)

ان تبعتك اتبعك من طيبي وواسع بطاني
والا انا لا جيت اكيد انسان تدري كيف اكيده:down:

اقدر انزع ثوب طيبي والبس ثياب الاناني
واقدر اطلع من عذابي والعب بدورك واجيده

وان بغيت اكسب رهاني باي وقت اكسب رهاني
واخدعك باحساس كاذب واتحدى من يصيده:up:

أبك00انا لاشفت خلي حط غيري في مكاني
والله اني لا تركه واصد واعشق سيد سيده:clap:

خلني داخل حدودك واجبر بخاطر زماني
اكذب فباقي وعودك واصدق بلحظة سعيده

انتشلني من برودك لوتولع بالمحاني
عطني احساس بوجودك واخذ كل اللي تريده(u)

تكفى واذا قلت تكفى بيع خلق الله عشاني
لا تضيع من يديني فرصة العمر الوحيدة:clap:

جيت مابيك تحقرني جيت ابيك تعز شاني
جيت ابي فزعة ضلوعك من مشاعرك البليدة

يعلم الله شفت منك ومن غيابك ماكفاني
كان ما تقدر تخفف هم قابي لا تزيده

شف غيابك وش يسوي بالصدور وبالمباني
وانت تدري كيف كانت صدمة غيابك شديدة




اتمنى ان تنال اعجابكم


منتظره ردوووووووووووركم