غذاء طفلي؟؟؟ - منتديات عروس

ا

الجوهره الثمينه

عروس نشيطة

11-04-2004 | 03:50 PM

السلام عليكم ورحمة الله...

كيفكم عزيزاتي :up:

ان شاء الله الكل بخير..

حبيت اسألكم عدة اسئله عن غذاء الطفل بعمر سبع شهور..

الان انا اعطيه بالاضافه الى الوجبه الاساسيه(الحليب) سيريلاك بالقمح

والفواكه وبعض الايام اسويله موية التمر..

حبيت اسألكم ايش الغذاء الي ممكن اقدمه لطفلي بهذا الشهر؟

وكثير قالولي سويله خضار مهروسه بس انا ماأعرف طريقتها؟ الي تعرف

الطريقه الله يجزاها خير تقولي عليها..

لاتستغربون لانو هذا اول طفل عشان كذا ماعندي اي خبره:down:

تحياتي...

ا

الجوهره الثمينه

عروس نشيطة

12-04-2004 | 06:15 AM

:confused:

يعني كم وحده دخلت وماردت علي تكفون بنات

الي تعرف شي وعندها خبره تعلمني الله يجزاها الجنه

لانو للحين وانا مادري وش اعطي طفلي غير الحليب

والسريلاك وابغى صحته تصير حلوه ...

الله يعافيكم ساعدوني..

ولكم مني جزيل الشكر:shy:

ع

عروس دبي

مشرفة سابقة

12-04-2004 | 06:37 AM

[ALIGN=RIGHT]انا العصر كتبت صفحة كاملة وين راحت :pain:

ما عليه بعيد عشان خاطرج .....

اختي الجوهرة ولدج من عمر بنتي الله يخليه لج.......

بالنسبة لولدج لازم تبدين تعطينه ثلاث وجبات يعني من بكرة اعطيه

السيريلاك الصبح وخضار الظهر وبعد اسبوع اعطيه وجبة ثالثة ......

مثلا انا اعطيها اول ما تصحى سيريلاك والساعة 2 الغداء عبارة عن خضار

والساعة 6 آخر وجبة فواكه.......

وطبعا ما بينهم يكون الحليب .........

بالنسبة لشوربة الخضار اول شيء ابدي اعطيه نوع واحد وكل 3 ايام

زيدي نوع عشان تتأكدين انه ما فيه حساسية ....وانا ازيد على الشوربة

شوي من ماي التمر عشان تتقبل طعم الخضار ....

وشوربة الخضار تتكون من بطاطا ، كوسا ،قرع ،جزر ممكن بعدين تضيفين

باميا مع شوية رز مصري والطريقة تقطعين الخضار وتغسلينهم وتغلينهم

وبعدين لما تلين كويس تخلطينهم بالخلاط مع شوي من ماي السلق لأنه

يكون فيه الفيتامينات ويكون قوامها مثل الزبادي يعني لا سايلة كثير

ولا جامدة ......

بالنسبة للفواكه ممكن تعطينه نوع واحد بعدين تخلطين نوعين او ثلاثة...

مثلا ابدي بالتفاح قشريه من برا واغليه بشوية ماي واخلطيه بالخلاط

نفس الشيء بالنسبة للكمثرى .....

وممكن بعض الفواكه ما تحتاج غلي مثل الموز والأفوكادو انا اخلطهم

مع بعض ...

وتجنبي بعض الفواكه مثل الكيوي والفراولة والعنب ........

نسيت اقولج الأفضل تعطينه سيريلاك الأرز اخف على المعدة من القمح

واضمن لأن القمح يسوي حساسية طبعا هالكلام ناصحني فيه دكتور

كبير واجلي القمح لشهر ..

ان شاء الله تكونين استفدتي واي سؤال انا حاضرة......

ا

الجوهره الثمينه

عروس نشيطة

12-04-2004 | 06:57 AM

مشكووووووووووووووره اختي عروس دبي ..

الله يوفقك ويخليلك بنتك ..

بصراحه مادري شقول افدتيني مره يالغاليه لاني كنت

محتاره وش اسوي..

وبالنسبه للاسئله انا ماعندي اي سؤال كفيتي ووفيتي

الله يجزاك خير:clap:

تحياااااااااااتي:up:

الجوهره الثمينه..