شتلب العروس بعد العرس و من وين اشتريه

غالبا العرايس يلبسوا جلابيات مطرزة او مليئة بالفصوص والكرستالاات

الغالية ادري حيرتج في هالفترة والله يعينج ويعين كل عروس انشاءالله على تجهيزات العرس ويوفقكم جميع انشاءالله..

أنا عني لما كنت اجهز لعرسي فصلت ثلاث فساتين فخمة للمناسبات مثل عرس او مناسبة كبيرة ممكن تصادف ايام عرسي فافضل اني البسها لاني ماازال عروس والعين تظل علي حتى بعد العرس بثلاث شهور..

وفصلت ثوب عربي..نسميه في الامارات "كندورة وثوب"...وسويته فخم شوي من الدانتيل الغالي وعليه خوار وفصوص..وطبعا مع الذهب العربي اللي خذته مع الزهبه ويتكون من المرتعشة اللي تنحط على الرقبة والمرية الذهب والاساور العربية والخواتم العربية ...وفعلا الثوب نفعني لبسته في عزيمة غدا بعد العرس باسبوع والصراحة الكل تجنن عليه وعجبهم وايد..واحيانا كثيرة العرايس يلبسون الثوب الاماراتي في يوم الصباحية..

وفصلت تقريبا سبع فساتين من الشيفون الناعم موديلاتها خفيفة وبسيطة ولكنها تعطيج فخامة ودلع في اللبس وكنت البسها لما انزل عند اهل زوجي في اول الايام في المسا او اذا حد زارنا اول ايام العرس للتعرف على اعروس او لما اطلع معاه ..

وطبعا غير الجلابيات المخورة والشغل فيهاشي ثقيل وشي بسيط ممكن تلبسينها وانتي قاعدة في البيت خاصة اذا كنتي عند اهل زوجج ساكنة فهي بتكون انسب لج..وطبعا كم لبسة من الجلابيات اللي تفصيلها بحريني بسيط بعد تعطيج فخامة في اللبس..بس نصيحتي تاخذين اللي يناسب لونج وجسمج وابتعدي عن المبالغة فيها..


وانشاءالله اكون افتدج

تحياتي لج

ام سعيد:shy:

شوفي حبيبتي بما اني بعد بعرس الحين شوفي انا مخيطه جلابيات وايد



ومخاوير وجلابيات باكستانيه وهندي



بس الايام اللي بعد العرس تشكلين فساتين ناعمه او جلابيات



او تيرات ماركه او بديات فخمه وتنانير على حسب الضيوف اللي بيونج




غرب ولا قرايب انشا الله اكون فدتج :shy::shy:



لاتنسين تدعينلى والله محتاجه للدعاء خاصه هالايام:pain:

أزهار كل شيء ممكن تلبسه العروس عادي بس المناسبة تحدد اللبس :cool2: والأهم تكون هذه الملابس كشخه ومن محلات راقية :shy: والأهم في ذلك كله البسسسسسسساطه وعدم التكلف .

وموفقة يارب .

يعطيكم العافية يا حلوات الله يوفقكم

انا تبهذلت بالسوق فريت كل محلات الماركات ما لقيت تيورات مناسبة اعتقد ان الفترة الحالية كلها ملابس عادية و صيفية لدرجة اني قلت باشتري اقشمة و افصل تيورات :confused: مع انها متعبة

فاذ شفتوا شئ حلوا بمحلات قولو لي جزاكم الله خير

نقل الموضوع لركن الطلبات
المكان المخصص له
ثانياً الف الف الف
مبروك وعقبال الجميع ان شاء الله
عزيزتي انا اشوف انه ضروري تكون فساتين
وفساتين راقية كمان علشان انتي العروسة
والعين عليكي وضروري تكون
مثل النجمه

تحياتي