ساعدوني يا اخواتي أأأأأأأأأأأأأأأأه

:confused: الله يكون في عونك حبيبتي ..
استني عليه أشوي لحد ما يهدى يومين ولاا ثلاثة وبعدين .اسئليه وش فيه وش السبب الي خلاه يوديك بيت أهلك ..

,انشاء الله يارب الأمور تتصلح ما بينكم و تردون شهر عسل جديد ..

هلا والله اخيتي شوفي قلبي حاولي تصبري لان مع العسر يسرااااااااا

وراح تنفرج لك انشاء الله اذا ما كلمك بعد اسبوع حاولي ترسلين له رساله بجواله تسالينه عن حاله بس واذا رد عليكي اتصلي واستفسري عن سبب الي سواه فيكي لا تتسرعي بقرارتك تريثي بحكمك يمكن عليه ضغط في العمل وما حب يضايقكي فيهااا ويحط حرته فيكي

[السلام] السلام عليكم ورحمة الله وبركاته[/السلام]


الله يكون في عونك أختي يا رب و يوفقك...


أختي انتظري يومين ثلاثة شوفي شو بيصير....بصراحة أنا مش فاهمة أبعاد المشكلة كتير...بالذات بعد ما قرأت مشكلتك على هذا الرابط :


المشكلة من هنا


و بعد هذه المدة حاولي تكلمي والدته...اسأليها شو اللي يصير...و ليش هذا حصل...طالما هي انسانة طيبة يمكن تفيدك...بس انتظري تهدى الأمور...


طمنينا عليكِ أختي....


.................................................


مـخـتــــارات من مواضيعــــي :

من وجهة نظري حبيبتي هم شجون ... انك تعالجين أساس المشكلة إذا كنتي تعرفين أسبابها وهل المشكلة تستحق انه يخليك ببيت أهلك والا لا ؟؟

بس إذا كنتي تجهلين الأسباب ففي هذي الحالة مثل ما قالو لك الأخوات انتظري يومين ثلاثة وجوفي شوي يصير وبعدها خبرينا عشان نقدر نساعدك لأننا بصراحة مو عارفين سبب لمشكلتك !!!

والله يوفقك حبيبتي ويهدي زوجك ياااااااااااااااااااااارب .

عزيزتي هم شجون الله يكون في عونج والله يفرج كربتج

لازم تبحثين عن النقص وشنو سبب الي يخليه يتركج

حاولي عزيزتي تجلسين معه جلسة مودة وتفتحون صفحة جديدة والله يوفقج (u)(u)

وعليكم السلام ورحمة الله وبركاته..
غاليتي هم شجون..
مثل ما قالو البنات اصبري يومين و لا ثلاثه يهدى فيها ..
يمكن فيه شئ مضايقه و ما يبي يشغلك ..
و حاولي في هذي الفتره تراجعين نفسك و علاقتك معاه ..
يمكن فيه شي مضايقه منك ..

اكثري من الاستغفار و الصدقه..
(من لــزم الاستغفار جــعل الله لـه من كل هم فـرجا،
ومن كل ضيق مخرجا، ورزقه من حيث لا يحتسب ).
و لا تنسي الدعاء..
الله يهدي زوجك و يفرج كربتك ..

............................................

الله يكون في عونج اختتتتتتتتتي (u)

انا طبعا هب عارفه شو حجم المشكلهاللي امبينج ومبينه بس اهم شئ انتي ما تراضيه حتى لو انتي غلطانه عليه خليه هو يراضيج احسن على شان ما يتعود على اي سبب يزعل ....:up:

يا حبيبتي,,,,,الله يكون بالعون,,,ما أقدر أقول شي فوق كلام البنات,,,,,أتحملي و أتصبري و أطلبي من الله سبحانه و تعالى أنه يفرجها عليج,,,وبعدين ياحبي أكسبي أم زرجج خلي أمج و أبوج على صوب و كلميها و قوليلها أنه ما عندج أحد من بعد الله سبحانه غيرها و أنه أنتي مثل بناتها تمام وأنفخي في راسها لأنه ولدها أكيد بيسمع منها أكثر من أهلج و أصبري والله قلبي معاج لأني بس من شهرين وأنا أمر في سالفه مشابهه وهديت الناس كلهم (مع أن الكل عارف أني مو غلطانه) مسكت عمي و قلتله من هالكلام الحو و الحمد لله أنه صار واقف في صفي,,,بس هما عاد شوي راسهم يابس هالريايل,,,,,,,
ياأختي ألتزمي بصلاتج و الدعاء وكلما حسيتي عمرج متضايقة أتوضي و صلي لج ركعتين و أقري القرآن وأن شاء الله ما بيصير الأ الخير,,,,
طمنينا عليج ياحوة وأن شاء الله بعد البشارة بنعطيج أفكار ثانية,,,

الله يريح بالج.. يارب

ممكن اذا في شخص عاقل وخدوم من اهلج ترسلينه لزوجج عشان يسمع منه ويحاول يصلح بينكم..

ومثل ما قالولج خواتنا الغاليات.. عليج بالصبر وكثرة الدعاء والاستغفار..

[CELL=filter: glow(color=white,strength=12);][ALIGN=center] بسم الله الرحمن الرحيم
السلام عليكم ورحمة الله وبركاته
اختي الحبيبه هم شجون انا كنت متابعه مشكلتج من البدايه والظاهر ان زوجج صغير واايد وما توقع ان الحياه الزوجيه بتكون بهالشكل من التزام ومسؤليه وغيره وحس انه ما استانس في حياة العزوبيه والوناسه والحريه والربع والروحات والجيات:cool2: غير اذا فيه حد من ربعه ماتزوج ويشوفه في سنه او اكبر منه قاعد يقوله خلك مع الحبسه حنا بروح كذا وكذا :pain: فلاخ توهق الحين مو عارف شيسوي فقام يختلق المشاكل معاج عشان يظهرج غلطانه ويوديج بيت هلج عشان يحصل على الحريه مره ثانيه بدون مايفكر فيج وفي مسؤليتج :shy:
احم احم
<------ شوي شوي يا الدكتوره فوزيه لا ينط لج عرق
اذا كان تحليلي للموضوع صح
فانتي لازم تكونين المرأه الذكيه اللي تبي تحافظ على بيتها وما تهدهمه بهالسهوله لنج طبعا عارفه مجتمعنا الخليجي وصعوبة هالاشياء فيه انتي فاهمه قصدي
فلازم عليج هني انج تنتظرين كم من يوم بدون ما تكلمينه ولا حد منت هلج يكلمه ولا تكلمي امه اوكي انتي بعد سوي مثله بس داخل البيت يعني لنه اذا فيه طلعه لازم تستأذنينه انسي الهم وفكري في حياتج واستانس مع هلج وتصفح النت واستفيدي من الخبرات اللي فيه المواضيع اللي تفيدج من الناحيح الزوجيه وكيف تتعاملين مع الزوج ومن هذا القبيل يعني وبعد فتره تاكدي ان الموضوع ما بيسمر على هالشكل لازم هو او حد من هله بيتصل لكم ويبي يعرف شالموضوع اذا اتصل حد من هله قوليلهم صار خلاف بينا وعصب علي وقلت له ودني بيت هلي عشان تهدي وبعدين نتفاهم طبعا هذا الكلام لازم بيوصل له والف بالميه راح يتصل لج على طول وانتي هذيك الساعه فهمي منه شالموضوع وليش هو عمل كذا وتكون فرصه تفاهمين معاه فيها على حياتكم وشنو الاغلاط اللي كانت فيها وكيف تصلحونها وتعيشون حياه سعيده حاولي قد ما تقدرين يكون كلامك هاادي وحلو يعني مثلا ياحبيبي حنا نبي نعيش في سعاده ما تنتهي ومن هذي الكلام يعني وقولي له انج مسامحته على اللي سواه بس لا تقولين له انت كنت غلطان وانت سويت كذا وفعلت كذا ترى بعدين يعاند اكثر:down: انتي بعدين كل ما اجتج الفرصه فهميه بالين والسياسه
وه وه وه وه
كاني طولت عليج وااايد
يالله انشالله بس افيدج :smile:
وفي النهايه لاتنسين الدعاء والصلاه في الثلث الاخير من الليل وتاكدي ان اللي فيه الصلاح الله بيكتبه لج
ولا تنسين تبشرينا عنج
الله يوفقج ويسعدج
تحياتي[/CELL]

السلام عليكم ورحمة الله وبركاته بصراحة البنات كفو وفو بس حبيت اضيف ان لازم ان الاهل مايدخلوووو الا اذا تطلب الامر لاسمح اللة لانة لو انتهى الموضوع بين الزوجين مراح ينسون الاهل وتسير مشاكل بسبب موقف الاهل انتى شوفى وين المشكلة حاولى تحليها مع زوجك واتمنى لكى حياة سعيدة

أطلبي الله ان يصلح ما بينكم .



اتمنى انج اطمنينا عليج

ريم البواادي من قالك ان العزووبيه وناااسه,,,, هذاااا استاانسناااا,, ضحك,,, ولعب وهبال,,,, طيب يبقي للوجداان,,,, والعوااطف,,,, ونااااسه مانلقهاا عن رب:angry:عنااااا ,:angry:


المهم نرجع لحديثنااا :think:

والله انا مثل ماقال الي سبقني,,, في انه ترجعين لاصل المشكله,,, وبعدين رااح تعرفي السبب وااضح,, هل هووووو عاامل نفسي,, اوو ضغووط,,, او عدم القدره علي الاستمرااار

عموماا انا اكتب في نصف الليل,, وانشالله فيه دعوه مستجاابه في الوقت هذااا

اسال االله العضيم رب العرش الكريم,,, ان يجمعك بمن تحبين,,, علي رضاا العزيز الكريم,,, اسال الله ان يفرحك دووومااا ويسعدك في الدارين,,,, اللهم امين

(t)

أختي العزيزة هم شجون

أبعاد القضية غير واضحة والمشكلة الأساسية غير واضحة

هل صارت بينكم مشادة كلامية قبل أن يأخذك لبيت أهلك

هل كنتي تشعرين بعدم رغبته في وجودك معه فقام يتلكك ليأخذك لبيت أهلك

يعني يا أختي من الصعب أن يأخذك لبيت أهلك دون مبرر يذكر أو حتى مناقشة عادية أو حادة كان فيها رأيك خلاف لرأيه

عادة بداية الزواج تصير الكثير من المشاكل والتصادم بين شخصيتين مختلفتين لكل منهما طبائعه الخاصة به

الانسجام يأتي بالعشرة ومع الوقت فلا تتوقعي الانسجام الكامل قبل مرور فترة كافية لذلك تعتمد على قدرة كلا الطرفين على الانسجام والتنازل في مقابل استمرار الحياة بأقل حجم من الخسائر وحتى يفهم كلا الطرفين شخصية الآخر على أرض الواقع لا في فترة الخطوبة أو على الهاتف .. الكلام بالهاتف فيه الكثير من التظاهر وإظهار الجانب الجميل

ثم الحياة الفعلية يكون فيها المحك الحقيقي لطبيعة كلا من الزوجين

راجعي أمورك وانظري إن كنت قد أخطأت وهو لا يريد ان يرضى الآن اتركيه قليلا حتى يهدأ

ثم في اللحظة المناسبة بإمكانكم فتح أبواب الحوار بينكم بهدوء ومحبة واللي أخطأ عليه ان يعتذر دون تردد

لا كرامة بين الأزواج

وللاعتذار فنون فليس شرطا استخدام لفظ أنا آسف أو انا آسفة بل هناك الكثير من الطرق مما تجعلها أكثر سهولة عند من يعتقد أنها صعبة جدا ونفسة تأبى الاعتذار

قول عفوا لم أقصد .. قول سامحني .. لمسة اليد وقول ما تزعل مني .. وغيرها من الأساليب مما يحفظ للشخص إحساسه

لكن لو توضحي لنا الأمور أكثر نستطيع إفادتك بشكل أكبر

الله يصلح حالكم ويرجعكم لبعض أحسن من الأول كمان

طمنينا عنك عزيزتي

السلام عليكم ... اختي الفاضله .. لابد ان هناك مشكلة ما .. او شي ما ... حصل بينك وبينه شنو السالفه شصايره .. يمكن قبلها بفتره واتحسين انه متغير لازم فيه شي ... اختي قوليلي شصاير من فتره واقولج الطريقة الصحيحه اللي تتعاملين فيها مع زوجج .. ناطرتج

هلا اختي هم شجووون

الله يفرج همج ويسعدج ان شاء الله

ويهدي زوجج ويصلحه ويحنن قلبه عليج

ويرزقكم بالذريه الصالحه

ومثل ما قالووو لج خواتي عليج بالصلاة و الأذكار و الأدعيه والقرآآن

وبإذن الله راح تنحل مشاكلج

أختج ** الـدانه **

والله رجال غريبين الطبايع
الله يفرج همك

<<<<تفكر ماتتزوج

ربنا يصلح الحال ويبعد عنكم الشيطان