ساعدوني

مشكلتك نفس مشكلتي بس انا مااخذ مغذي ..
صرت اخذ تحاميل .. جربي.
وجربي البروفين 400 ( حبوب)
وقبل كذا روحي لدكتورة مختصة لان تكيسات المبايض لها سبب بالالام وعدم انتظام الدورة..والالتهات.

والله انتي شكلج تعانين مثلي:pain:


انا آخذ حبوب للدورة اسمه ponstan و احط كمادات حاره على بطني و البس شي ظاغط...الحمدالله الحين الألم خف واااايد عن قبل..


الله يساعدج اختي...والله حاسه فيج:pain:

طيب اوكي انتو ايش تنصحوني فيه انا تعبت كثير مع هاالالم ؟؟؟

والله يا اختي الحبوب مو زينه للبنت خصوصا في الدوره تخرب ... جربي اشياء طبيعيه ..والعوار كل البنات يحسون فيه.. حتى انا احس بآلام بالظهر و تقلصات بس عادي لانه من الدوره و عمري ما فكرت آخذ حبوب لانه تخرب و تؤثر .. ..شنسوي نتحمل بس نصيحه لا تاخذين تحاميل ...روحي للطبيبه و اكشفي يمكن فيج شي اما تستخدمين حبوب وانتي ما تدرين اكبر غلط ..حاولي تبتعدين عنها كثر ما تقدرين .. اهم شي شربي شي حار خصوصا الطبيخه و اكلي مردود و رشاد و عنزروت و شوفي شلون تصيرين :up: لا عوارات ولاشي و تنظفين بسرعه .. بس استمري ..

مجرد نصيحه

انا الدكتوره عطتني حبوب اسمه Divido
ولما قريته دواعي الاستعمال التهابات المفاصل الحاده والمزمنه والتهيجات المصاحبه للأمراض الانتكاسيه للمفاصل والعمود الفقري
وقالت لي الدكتوره هذي الام طبيعيه بس انا الدوره عندي مو منتظمه يعني ماتيجيني بتاريخ معين يا انها تتقدم قبل ب5 ايام او تتأخر ب5 أيام فهي تقول لي شي طبيعي وعادي لو انها تتاخر عليكي شهر ممكن هنا الخوف بس انا خايفه من المغذي والابر و الحبوب مع اني مااخذهم مره وحده بس خايفه تأثر علي مستقبلا وانا يصراحه ماارتاح الا على واحد من هالثلاثه
بس سؤالي وشو الطبيخه والعنزروت والمردود؟؟

أختي أحلى بنوتا

الله يعافيك يا رب

انا كمان بتجيلي نفس الآلام

بأغلي الكمون المطحون واسكره واشربه سخن

أو النعناع الناشف

أو خلطة فيها حبة البركة والنعناع الناشف والكمون الثلاثة مع بعض أغليهم وأشربه مع تحليته بالسكر زى ما تحبي

المهم ان كل الحاجات دي بتجيب نتيجة هايلة في أقل من 15 دقيقة

وربنا يساعدك على الأم

نسيت اقولك حاجة مهمة

كمان اتعودت أرقي نفسي بالرقيا الشرعية مكان الألم (وبعدها الحمد لله الألم بيروح ان شاء الله)

السلام عليكم ورحمة الله وبركاته

هلا أختي أحلى بنوتا والى جميع البنات والمتزوجات......

أنا لمى تجيني الدوره أكرمكم الله تجيني الآم فضيعه احس اني بموت وأعرق ودوخه ولوعه والآم في البطن كله وارحامي والظهر ورجلي وخاصه سيقاني

المهم ياعزيزاتي ... اللى أسويه قبل لا تجيني بيوم أو اذا نزلت فجأة بنفس اللحظة أروح أكل باندول وأشرب دارسين أو كافي يعني أهم شي يكون الشراب دافي,,, وبعدين اروح أدهن مع التدليك الخفيف لازم ((فكس)) في مناطق الآم وحطوا فكس شوي بس على منطقة السر مب تدخلونه واجد لا حطوه عليه عادي يعني أمسحوا السر بالفكس وتلحفوا ببطانيه وناموا نص ساعه وبتقومون وأنشاءالله مافيكم الا العافيه ...

وهذي طريقتي وعلمتها كل اللي اعرفهم :smile:

وانشاءالله ترتاحون:up:

واللى بتجربها أمانه تعلمني أوكي وأي أستفسار أنا حاضره ياعزيزاتي