الله يخليكم ساعدوني مستقبلي بيضيع

ارجوكم قولو لي انا انتظر ردكم شو اسوي؟؟؟؟؟؟؟؟؟؟:confused::confused::confused:

السلام عليكم ورحمة الله وبركاته
اختي ممكن توضحين المشكله اكثر لني قريتها والصراحه ما فهمت شي :o
وانشالله يفيدونج الخوات:smile:
تحياتي

اختي ممكن اعرف عمرك كم؟
يمكن تستغربين من سؤالي؟بس تدرين ليش؟

صديقتي صارت لها مثل سالفتج..انخطبت لواحد وهي مب مرتاحة له نهائيا بس تحت ضغط خواتها وامها وافقت على امل انها ترتاح له بعدين..بعد الخطبه حست نفسها ماتقدر تتأقلم معاه..وكان مايرضى على امه وخواته ويقول لها ديري بالج تقولين عن امي وخواتي شي ترى هم اغلى شي عندي بالدنيا مع انها ما تتكلم عنهم الا بكل خير ..وبعدين اكتشفت انه بخيل وان عقله صغير ..ومايحسسها بأنها مخطوبة او عندها خطيب يحبها ويغار عليها..جت هي تستشيرني بصراحة قلت ليها انها هي صغيرة ومازالت في مقتبل العمر ..ومادام انه بعده ما طاف وقت طويل على الخطوبة فلازم تنفصل عنه..لانها عايشه معاه وهي ماتحمل له اي مشاعر داخلها وحاولت مع الايام انها تستلطفه وانها تتقرب منه وسوت المستحيل علشان لا توصل لقرار الانفصال لكن ما في فايده..وبصراحه حرام تظلم نفسها وتظلمه معاها..

نصيحتي لج..انج حاولي تقعدين معاه قعده توضحين له كل اللي في قلبج لانه يمكن يتفهم وضعج ويتفهم المشاعر اللي تمرين فيها..وعمتج حاولي انج تنالين رضاها بأي طريقة ..جلسي معاها كلميها اخذي واعطي معاها بالسوالف حاولي انج تشترين لها هدية تتقربين بها لها..وفكري انتي بعد بوسائل ثانية تتقربين فيها لزوجش وعمتج تلطفين بها الجو..واذا حسيتي انه ما نفعت كل الوسائل وانج ماتقدرين تستمرين معاه خلاص انفصلي ..ونقطه مهمة اختي ابغي اقولها لج:انتي في كل امورش توكلي على الله وادعيه دايما بأن اللي فيه لج فيه صلاح يقدمه ادعيه سبحانه من كل قلبج وباخلاص انه يلهمج الحكمة في التصرف..فاذا كان الانفصال هو الحل الله بيسبب اسباب تؤدي الى الانفصال واذا كان الاستمرار هو الافضل الله بيسبب اسباب تخليكم تستمرون مع بعض وبيسر الله ليكم كل العقبات..بس مثل ما قلت لج اهم شي الدعاااااء ها.

مسامحة على التطويل..اتمنى من كل قلبي ان الله يوفقج ويسعدج ويكتب لج اللي فيه الخير والصلاح ..اااااااااامين يارب العالمين....

مع تحياااااااااااتي:smile:

الله يعينك ويسر امورج يارب

مافي غير المواجهه والمصارحة

واحس انج عايشه ويا اهل ريلج

والحل الاكيد انج تتطلعين لبيت بروحج

الله يسهل عليج

صراحه انا مافهمت وايد من مشكلتج عشان اقدر افصل لج الحل

بس مافي غير الصراحة

اي شيئ يهزبج فيه قولي له تأكد من الموضوع

الله يعينج
ويسهل لج

صمت الامل وهفوفه وازهار وريم البوادي شكراً لكم واااااايد والله صدقوني ام ريلي وااااااايد طيبه وانا احبها رغم الكلام الي تقوله عني بس انا متاكده انها تقول هالكلام لانها تبغى مصلحتي وراحتي ........ ودليل انها تخيطلي ثياب من نفسها هي وتشتريلي بس المشكله ريلي يفهم الموضوع غلط يحسبها انها تشتكي ........ بس والله انه هو يروح عندها ويسالها شو سويت وياهم؟؟؟؟؟؟
وعلى اشياء تافه
وطلع لي الحين عشان الحمل ومرات عشان اهله وكل مره يهددني بالطلاق ولانفصال
بس اهله ناس وايد طيبين بس السبب ريلي
بس اني ابغى بس انا خايفه على امي واهلي والناس وكلامهم ومستقبلي بيضيع شو اسوي يا ربي
امي مريضه وانا متحملة عشانها:confused::confused::confused:

انا اسفه اختي صمت الامل عمري 20 سنه

اختي اصبري وادعي من الله انه يصلح لج ريلج ويسخره لج ويوفقج واقري كل ليله سورة البقره وصلي وادعي (مجرب) وانشالله الله بيسوي اللي فيه الصلاح والخير لج وللجميع:smile:
الله يساعدج انشالله
تحياتي لج

السلام عليكم ورحمة الله وبركاته

مالك إلا الدعاء والقربه من الله اكثر وأكثر

والصلاة في جوف الليل وقراءة سورة البقرة ... مثل ما قالت ريم ..

والله يفرج عنا وعنك ويسخرلك زوجك

وان شاء الله ربي يساعدني والله صدقوني اني حاسه اني تعبانه وضايعه ما انام ليل وطول الوقت اسهر افكر او اجلس ابكي على انا فيه

اخوتي ساعدوني محتاجتلكم وايد ما لي الا ربي وانتو ...............

اختي الغاليه
اللي فهمته من كلامج ان الزوج هو اللي يسبب المشاكل
ومن كلامج انه زوجج صغير بالعمر لانه ياخذالامور كلاها بعصبيه وما يحاول يفهمها اول
اختي الغاليه مالج الا الصبر والدعاء وبعدين اذا شاف انه امه تحبج وتحترمج هو راح يحبج ويحترمج لانه تاثير الاهل قوي على الزوج
وعندي لج دعاء ادعيه بعد كل صلاة والله يوفقج:

((اللهم اغفر لي واغفر لزوجي وعافناواعفو عنا اللهم احفظه من بين يديه ومن خلفه وعن يمينه وعن شماله ومن فوقه ومن تحته اللهم اختم بالصالحات اعماله واطل في عمره اللهم اجمعني وزوجي بالفردوس الاعلى اللهم اجعله حبيبا لي رحيما علي يا ارحم الراحمين))

اختي عمرج صغير وتوج في مقتبل العمر..
اني قلت للوالده سالفتج عصبت وايد يوم قلت لج تنفصلين ..قالت الوالدة لازم تتفاهمين مع زوجش وتدعين ربج انه يجعل لج من امرج فرج ومخرج..وان اللي يتوجه لربه ابد ابد ما يخيب لان الله عطوف ورحيم على عباده ومستحيل سبحانه يتركهم في حيرة او هم ..

اختي الحبيبة احنا بعد خواتج مستحيل ننساج من الدعاء ..الله ييسر امورج ويجعل ايامش كلها سعادة واطمئنان ااااااااامين يارب العالمين..

مع تحيااااااااااتي:smile:

[السلام] السلام عليكم ورحمة الله وبركاته[/السلام]


أختي ...


واضح إنه المشكلة عند زوجك...هو مش مستقر نفسيا...و خايف إن علاقتك ما تكون كويسة بأهله...


لو مرة ثانية اتكلم معاك بهذه الطريقة...قفي و قولي له : لماذا تتهمني و كل هذا لم يحدث...اذهب و اسأل والدتك....افهميه أن ما يظنه ليس له اساس من الصحة...


يعني لا تخليهم يلعبوا فيكي....الله عملتيه تتحاسبي عليه...غير ذلك ما تتحملي ظنون الناس...


تكلمي مع والدته...أحسني عشرتها...و خلي ذلك على مرأى منه حتى يصدق....


و لا تشيلي هم و شجون أبدا...الحياة الزوجية صعبة جدا في أولها...كلها مدة و تمر إن شاء الله و تتعودوا على بعض بإذن الله...


ادعي الله دوما : اللهم اجعلني في قلبه...و دايما اعملي ما يحببه لك...و الله يرزقك الذرية الصالحة إن شاء الله...


طمنينا عنّك اختي...


.................................................


مـخـتــــارات من مواضيعــــي :

بسم الله الرحمن الرحيم ،،،

اختي العزيزة مثل ما قالو لك الأخوات بالمنتدى حاولي انك تصارحينه وتفهمينه انه شكوكه مو في محلها . وحاولي تقولين لأم زوجك أن زوجك يفكر انك مو زينة ويا اهله يمكن يكون حق امه دور في انها توضح له الأمور اكثر ويصير يفهم ويقتنع بعلاقتك معاهم انه حسنه .

والله يوفقك ان شاء الله ويهدي باله يارب ويكفيكي شره وحاولي تشيلي من بالك فكرة ان تنفصلي عنه عشان تقدرين تحلين امورك .

وإحنا إن شاء الله ما ننساك من الدعاء .

سؤال...انتي الان حامل؟؟

السلام عليكم ورحمة الله وبركاته.. أختي العزيزة هم شجون

[ALIGN=JUSTIFY][SIZE=4][SIZE=6]
الحمدالله رب العالمين أن أهل زوجج ناس طيبين وأجاويد وأتوقع من رسالتج أنج أول عروس أبن لهم وهذا أمر عادي جد جدا ، وخاصة أنج صارلج فترة قصيرة معاهم أختي العزيزة كوني صريحة معاهم خاصة مع أم زوجج وكسبيها مادامها طيبة شوفي شوى تحبه سويه كوني ذكية مع خوات زوجج أسمعي منهم سايريهم مثل الأطفال خذيهم على قد عقلهم ، يمكن عمتج حاليا في هذا الوقت تحس أنج دخيلة عليهم وعلى ابنهم ويمكن تحس بغيرة بسيطة ، وفي نفس الوقت طيبتها تخليها مو قادرة تتبلى علعيج انتهزي الفرصة يا حبيبتي وتداخلي معاها في كل كبيرة وصغيرة في البيت ، مثلا روحي معاها الواجبات والزيارات اللي بناتها مو قادرات يرحون معاها فيها بحكم أنهن بنات سيري معاها وشجعيها وتعرفي على جاراتها وصديقاتها اقعدي معاها وافهميها وخليها تحكي لج عن حياتها بداية زواجها ومشاكلها أستشيريها حتى لوكنت تعرفين الجواب ومقتنعة فيه ما عليه تراهم أكبر منا واعقل منا أمدحيها وخليها قدوتج ,وانتهزي الفرص لتهدينها هدايا على ذوقج يمكن ما تعجبها قولي لها أردها يا عمة واشوفلج شي ثاني تحبينة لا تزعلي خلي قلبيج كبير وأنا أقولج باذن الواحد الاحد أذا كانت فعلاًً طيبة بتبان طيبتها بتخليج عيونها اللى تشوف فيها ولسانها اللى يتكلم عنها ، وزوجج تراه يمر بمرحلة عادية أنسان يمكن يكون سامع عن حريم العيال ومشاكلهم مع العمات ويبي يفرض نفسه وهيبته قبل ما يطيح الفاس في الراس ، أنا أنصحج نصيح أوصلي لأمه كأنج وصلتي لزوجج ولخواته واهله كلهم من صغير لين الكبير وأنا أقول لج عن تجربة 10 سنوات متزوجة وهذا أمر طبيعي حتى لما أتذكر اللى كان يصير والله اَضحك الحمد الله أنا الحين واصله لمستوى فوق الطبيعي تخيلي تصير مشكلة بيني وبين زوجي الكل معاي من أمه وأبوه وخواته وأخوانه ضده هالمسكين الفقير لدرجة أنه يكسر خاطري وانا في عز المشكلة كأني أنا بنتهم وهو زوج بنتهم .


أختج الداعية لج دوما ..... العتــــــــــــــــــــــــــــب :shy::shy:[/SIZE][/SIZE]

يا اخواتي العزيزات سا عدوني ريلي عقني في بيت اهلي واحاول اني اقنعه بس موب راضي لا بالمسجات ولا بالتصال شو اسوي سا عدوني :down::down::confused::confused:

حبيبتكم الحزينه
هم شجون

الله يكون بعونك وترا الرجال كلهم كذا مايجي منهم الا الهم اصبري وادعي والله معك