لكِ هذا الحل أيتها الزوجة

بسم الله الرحمن الرحيم

لكل زوجة تعاني من السكوت طوال الوقت من زوجها يعني مثلا في السيارة لما تكونوا مسافرين مسافة طويلة وتحبين تسلين زوجج وبنفس الوقت تحلين مشكلة سكوته .
يعني مثلا تقولي له ليش ما تتكلم يا ابو فلان ؟
يرد عليج شو تبيني اقولج ما عندي شي اقولج أنا دايما اكون معاج ما عندي شي اقولج فيه .
فعشان جذيه فيه طريقه بسيطه جداً تخليج يا عزيزتي الزوجة تكبيرين في عينه أكثر لأنج في ها الطريقه بتثبتي له انج مهتمه بكل أموره حتى لو ما تحبين الكلام عنها انتي عزيزتي الزوجه حببيها لنفسج قبل لا تبدأي معها .
ادري اني أطلت في حديثي بس السموحة واليكم ها الطريقة :

1- اذا كنتي جالسه معاه وكان يقرا جريده وانتي ملانه وما عندج موضوع تتكلمين فيه اختاري اي هوايه يحبها وكلمي فيها بتحسي انه طلع من السكوت التام كلام ما له نهايه يعني بيطلع كل الكلام اللي فيها لانه يحتاج للتشجيع منج لا تنسين انه الطفل المدلل ( عذراً لكم اخواني الأزواج ) يعني مثلا يحب تربية الطيور ما في مانع انج تروحين معاه عند الطيور وتسأليه عن انواعهم وشو ياكلون واختاري طير معين تحبيه وتهتمي فيه وتكلمي معاه شوي عن ها الموضوع .
2- اذا كان من النوع اللي يستهوا السيارات ويعرف انوعها لما تكونوا في السياره اذا مرت عليكم سياره معينه اساليه عن نوعها وافتحي موضوع السيارات بطريقتك تقولين انه سياره معينه تحبينها وتحبي لون معين وشوفي النتيجه بعدين ما راح يسكت وبتتسلوا اكثر .وبيحس انج مهتمه باموره وهواياته .
3- اذا كان يستهوا ويحب كرة القدم لا تمنعيه من مشاهدتها عشان ما يطفش منج ويطلع في مكان ثاني عشان يشوف المباراة . بالعكس اسأليه من يشجع من الفريقين وشجعي معاه حتى لو ما تتابعين معاه وراعي عزيزتي الضغوط اللي بيكون فيها .
وفي النهايه اقولج اهتمي بهواياته عشان يحس باهتمامج ويطلع من حالة السكون اللي بيكون عليها .
وعذراً على الإطالة .
واتمنى انكم تستفيدون لانه هذي مشكلة دايماً يعرضونها لي الزوجات فكان حلي بها الطريقة وفعلا جابة نتيجة .
:)