بليز بنات الامارات وغيرهم ابي مساعدتكم

انا بصراحة ما اعرف وايد في الماركات :pain:


غشيمة :D2



بس في وحده اعرفها يوم عرسها راحت باريس غالري وهناك شافو نوعية بشرتها وعرضو عليها الانواع الي تناسبها وتناسب بشرتها واخذت منهم مجموعات الي عجبتها :up:


ونشالله البنات يفيدونج اكثر :smile:

تسلمين الغاليه


تدرين انا افكر اسوي تنظيف البشره والشعر
وغيره من شغلات عند باريس غاليري


ما ادري

ان شاء الله البنات يقدرون يفيدون

اخواتي مدمنين على باريس غالري في كل شي حتى وضع المكياج

والرياضة ............الخ :up:

هلا الغاليه


امممممممم حلو ممكن اتيبن لي معلومات اكثر عن وضع المكياج
والتسريحه واي احسن عندهم والا عند ساميه وريم او دولا او ام سيف

وكيف عنايتهم في كل شيء

تسلمين

مرحبا ..

انا خبروني عن تنظيف البشرة في باريس غاليري وقلت بسير عندهم اسوي ..

بس ممكن تقولولي قبل العرس بكمن شهر لازم اسوي وكم مرة ..؟؟

هلا اختي بجعا

تسلمين والله ما ادري كم مره بس اعتقد هم يخبرونج


اتمنى احد يفيدنا :smile:


مريم

بنات الامارات وينكم

والله محتاجه مساعدتكم

الله يوفقكن بليز ساعدني



تسلمووووووووووووووووووووووووووووون

:pain:

هلا الغاليه

تسلمين على مرورج



وين الباقين


مريم

حبوبه قبل العرس بفترة خلصي امورج عسب ما توترين عمرج مثلا متى عرسج بيكون ...؟؟؟

قبلها بوقت خلصي الفستان والاحجزي المكياج والتسريحه قبل كل شي عسب ترتاحين انا سويت جذيه كان عرسي في 1 وخلصت اموري في شهر 7 و8 ...

اما مشتريات المكياج وغيره قبل العرس بشهر ..

سيري باريس غاليري وخليهم يساعدونج ولا تنسين تاخذين المكياج على الوان ثيابج ولا تاخذين بزياده عسب ما تتوهقين ...

وتنظيف بشرة سوي لج برنامج بحيث لينيومالعرس يطلع ويهج اوكيه يعني انا سويته اكثرمن مره خلال الحمامالمغربي وبعده تنظيف بشره لان المسام يكون مفتوحه ويسهل التنظيف ..

واي شي ثاني انا حاضره ومن عيوني ..

هلا اختي مريم.....


انا بصراحه بعد ويا خواتي اقولج روحي باريس غالري وهم بيساعدوونج...
هاا بس عن يقصووون عليج... :smile: ترى مرات يغرووونج باشياء انتي بتكوونين مب محتاجه لهااا....


وابتدي بالحمام المغربي قبل العرس بشهر على الاقل... مممم قبل كل شي فكري بالفستان لانه بياخذ منج وقت وايد...



اختكم:

kind_Heart

:shy:

هلا خواتي

تسلمون والله ما قصرتن

انزين بغيت اتخبركن اذا سرت بالريس غاليري شو اقول لهم انا عروس وابي تشوفن الاشياء اللي تناسبني


واحسن اسير مركزهم اللي في الخالديه

والا عادي اسير اخذ الاغراض من اللي في ابوظبي مووووووول



تسلمون

اذا سرتي عادي قولي لهم انا عروس واريد اشتري ميك اب واذا حسيتي ان في شي ما بينفعج قولي لهم عندي منه عسب ما تنحرجين وياهم انا جيه سويت :D2

والله يوفقج ومبروك مقدما ..

واي سؤال انا حاضره ( اللي يسمعني يقولي في مدرسه حاضره وغايبه )

وسلامتكم ..

سيرى باريس غاليرى واخذى من كل ماركة شى لان مش ضرورى يطلع كل شى حلو من ماركة وحدة اذا حبيتى تاخذين الوان الشدو من ماركة فور ايفر الوانة حلوة وتصلح لج كاعروسه لان ميزتها زاهية وفيها لمعة واما عن المكياج انصحج اتسير الى ام سيف وبطلعين على يدها رررررروعة .

هلا والله

شاليمار
والغزال الشمالي


ان شاء الله بسوي بنصايحكم ونصايح البنات وانا بعد حصلت على ليسته من المنتدى كتبتها الام الحنون وايد عيبتني ويمكن تعطوني رايكم فيها


الليسه هيه كالتالي:




1- شنطة المكياج .
2- (غسول للوجه _ منظف للوجه والعين مع بعض افضل من Diorفي جل وفي بلحليب المهم حسب نوع البشرة - تونك ) وافضل من ماركة ديور او شيسيدو .
3- القطن الدوائر الطبي - المسحات القطنية الدائرية والمستطيلة - علبة اعواد اذاني طبي - سفنج لتوزيع كريم اساس ) طبعاً هذه لتنظيف بعد المكياج او قبل النوم او الصباح
وعود الاذاني عشان تحطين فية المنظف وتمسحين العين من تحت والرموش .
فرش للمكياج (( فرشه نحيفة جداُ لتخطيط من تحت العين وزاوية العين الداخلية - فرشة متوسطة الكثافة لوضع الشدو - فرشة لتوزيع اللون _ فرش لوضع الروج نحيفة ومتوسطة - رش اضافية لشدو - فرشة تحديد العين من اسفل بآي لاينر )) واسائلي عن طريقة استعمال الفرش قبل شرائيها . فرشاه البلاشر
4-الكحل ( اسود من ديور عشان بالبابونج مريح للعين - (ازرق - اخضر من اي ماركة انتِ مرتاحتلها) غامق - ابيض من ديور ايضاً )
5- آي لاينر اسود من اف سان لوران واحد واخر من لانكوم اثنين تكفيك اكثر من سنة .
6- ماسكرة اسود من ديور افضل شي واحدة تكفي _ واحدة زرقاء واخرى لون انتي تفضلينة .
7- قلم رسم حواجب برجوا او من ديور واحد يكفي .
8- كونسلر من اف سان لوران مريح وسهل الاستعمال .
9- كريم اساس انا استخدم من ديور رائع ولكن عندك نينا رتش او HR هلينا روبان تشي واستخدمي الي من الوري اذا كنتي حنطيهة
واحسن شيء خذي منه شوي وزعية على وجهك في المحل طبعاُ من تحت الغطى واذا رحتي البيت شوفي اللون اذا كان مناسب اشتريه بس اكتبي الرقم لاتنسين الي حطيتي منه .
10- البودرة من ديور لا يعلى عليها اختاري الي تناسب مع درجة كريم الاساس .
ملاحظة اشتري كريم الاساس والبودرة من نفس الماركة وبعضهم يحبون البودرة المضغوطة وبالتالي تغنيك عن كريم الاساس .
11- آي شدو الظلاال الي ما تروح صالونات كثير انصحها تشتري التالي
اقتني الماركات لانها افضل من الرخيص التي تسبب حساسية العين وافضلها من ديور ومن هلينا روبان تشي ولا مانع من فور افر والالوان الفاتحة من برجوا فقط هذه مجربة على مر السنين و اعرف افضل منها لاني ما جربت غيرها .
اكتفي ب 0 موف _ كحلي _ فوشي - اسود - احمر- الذهبي - بني - زيتي 0
الفاتحة 0 طبيعي - بامبي على لؤلي من برجوا - ابيض 0
واصلاً ما راح تتعبين لو اشتريتي من ديور او من برجوا الجديد لانه العلبة فيها اللون ودرجاتة وهذا يعتمد عليكي في دمج الالوان وتوزيعا .
12- اقلام تستعمل مع الشدو او بدل الشدو هذا اذا كنتِ ماهرة في وضع المكياج او تعلمي عليها لانها تثبت الالوان مدة اطول وموضة .
13- البلاش او محمر الخدود من ديور او فيه لون حلو من برجوا اسمة يمكن لؤلؤي توزعينة على الوجه كلة يعطي لون مرة رائع وانت ِ اشتري حسب استخدامك والي ترتاحين له بس لاتكثرين خذي من ديور له اكثر من استخدام ورائع ويكفيك سنه او اقل شوي
14- محديدات الروج اكتبي الالوان الي تبغينها بورقة واكتبي مع كل محدد الروج الي معاه .
15- المناكير شوفي الالوان واختاري المهم فقط ولاتنسين مزيل المناكير استخدمي ماركة زينه او اشتري من الصيدلية واشتري شنطة البدكير عشان تعتنين بيدك ورجولك ِ وتسرين احلى عروس .
16- امشاط وفرش لشعر ايطالية مرة رائعة اشتري خمس انواع تلاقينها عند القزاز لونها بني شفاف ( اذا كنتِ من السعودية )ولاتنسين مراية ومشط لشنطة اليد .

اتمنى منكم اتساعدوني وتعطوني رايكم

هيه بعد رقم 1 هيه قالت شنطه مكياج انا فهمتها الشنطه اللي تحتوي وايد اغراض فيها يعني بوكس مكياج متكامل اذا فهمي غلط قولوا لي اوكي


انتظركم لاني بحاجتكم والله


الغزال الشمالي اذا بتكلمين ام سيف عني وتظممنئين اطلع ملكه العرس ما عندي مانع

بس اول بشوف الوضع ويا باريس غاليري وان شاء الله خير


تسلمون والله ما قصرتوا الله يوفقكن دنيا واخره امين

:shy:

السلام عليكم ورحمة الله وبركاته


اسفه ما اقدر افيدك

:o

ومبروووووووك

(u)

تسليمن مرورج اكبر فخر لي


:smile:

انا بعد عرسي قريب .. بس الين الحين ما خذيت مكياج .. بس حاطة في بالي اكثر شي اخذ ماركة shisedo لانه يناسبني ومن زمان استخدمة

انا انصحج اسيرين باريس غاليري ويشوفون شو نوع بشرتج ويعطونج الي يناسبج..:smile:

هلا بجعا

ان شاء قريب بسير محلات باريس غاليري وبشوف انواع اللي تناسب بشرتي


اقول بجعا بسالج من وين خذتي فستانج وين بتسوين المكياج والتسريحه



يسلموووووووووووووووووووو

مريم