ليش كل هذا يصيرلي

الله يهديك بس على العنوان:o

ليه كذا تقولين !!!!!!!!!!!!!! استغفري ربك هذي ارادته,,,,, اجل تبين تستمري معاه على الغلط وتتعلقين فيه وبعدين يتركك او حتى يمكن يوصلك لمواصيل مابعمرك بتفكرين فيها!!!!!!!!!!


احسن جت منه وراح ,,,,,,,,,,, من تصرفه هذا وضح هدفه انه مو زواج:down:


وتأكدي ان ربي رادك عنه عشان اللي احسن منه ,,,,,,,,,, بس انتي ثقي بالله وبارادته وتشوفين :smile:


وبعدين تقولين انك تتصدقين من فلوسك............اولا ماله دخل هالشي بالموضوع :s2

ثانيا:انتي تتصدقين عشان نفسك وعشان تتقربين من الله وتلقينها في الاخره ...........

لا تحاولين تفكرين بالصدقه بعد ماتسوينها عشان ما تدخل من ظمن المن (فيه آيه ماني حافظتها نصا بس يقول ان المؤمنين لايلحقون ماانفقوا منا ولا اذى) وعشان مايروح اجرك اذا قعدت تحسبين اللي تصدقتي فيه وكأنك متفضله على الله بهالشي ولازم انك تشوفين اثرها بالدنيا:s2

:smile: توي انتبه اننا نفس الصوره(الورد الاحمر):smile:

[السلام] السلام عليكم ورحمة الله وبركاته[/السلام]


أختي sadlove....


استغفري الله أختي...ما أصابك لم يكن ليخطأك....و ما أخطأك لم يكن ليصيبك....


إنت جاء نصيبك مع واحد غير مقدر لأي شيء و كان بس يلعب....و الحمد لله انكشف قبل ما توقع الفاس في الراس...


و اللي حصل يومها إنه جلس مع أصحابه يضحكوا و يقول لهم : فلانة تنتظرني أروح أخطبها....


و أتوقع بعد مدة تلاقيه اتصل و قال لك صار لي ذاك اليوم كذا و كذا من مبررات و أعذار...


أختي....الحين صعب تلاقي الحب اللي غرضه شريف و هو الزواج...الحمد لله إنك ما اتورطتي معاه أكثر من ذلك....لكن هذا درس لك إن شاء الله....لا تثقي أبدا في هذه النوعية من الشباب...


اللي يريدك يظل يسأل عليك و على أهلك لحد ما يعرف داركم...و يدخل من الباب على والدك علطول...لا تثقي بمن يأتي من الشباك...لأنه لن يرى والدك صدقيني....


الله يعوضك يا رب بشاب فاهم و مثقف و محب لك....و تحسي وقتها بطعم الزواج الي يأتي بالطرق الرسمية...


طمنينا عليك يا أختي و ننتظر أخبارك...



.................................................


مـخـتــــارات من مواضيعــــي :

:flower: مـــوســوعـــــــــة شــــامــلــــــة لــلهــدايــــــا....لكــل الـــمنــاســبــــــات الـرومــانـسـيــــة :flower:


~'*¤!||!¤*'~(( مسابقــــة: مـواقف و مـشاكل زوجيـة تـحتاج مـنا إلى حـكمة و حسن تصرف...شاركينــــا ))~'*¤!||!¤*'~

ان ماحدث معك يحدث يوميا وانا ارى ان تصرفك كان عين العقل

خصوصا ان عدم اتباع الاصول هو نوع من الهزل واللعب ولا يدل على الجديه

اضم صوتي للاخوات الفاضلات المشاركين في موضوعك واتمنى لك التوفيق وان يعوضك الله بما هو خير

عزيزتي sadlove

( قل لن يصيبنا إلا ما كتب الله لنا )

يعني كل شي صاير لنا بهالدنيا مكتوب ومقدّر علينا نشوفه سواء بغيناه أو لأ سواء حبيناه أو لأ

وانتي المفروض انج تشكرين ربج وتحمدينه ليل ونهار إنج ما تورطتي مع هالشخص أكثر وإن رب العالمين بفضله ورحمته كشفاه جدام عينج قبل لا ترتبطين فيه

وصدقيني عزيزتي

الواحد يتحسف وينهار ويزعل ويصيح لأشياء غالية تروح منه ويخسرها مو على أشياء ما كانت شي أصلاً وضرتنا

استغفري ربج وصلي وأدعي وتحمدي له لأنه يحبج عشان نجاج منه

وبالتوفيق

مرحبا أختي ..

لو نظرتي الى الموضوع نظرة إيجابيه ...

تعلمتي درس أن الغلط عمره ما يدوم .. وأعذريني على كلمتي مع اني اشوفك سويتي الصح لم حبيتي تمشي على الأصول ..

غير كذا كشفتيه على حقيقته وانتِ لسى على البر ..
وراح الحين احسن من انه يروح بعدين ..

و تعلمي .. شئ تعلمته يوم اني صرت بموقف شبيه لحالتك ..

إني انا ما غلطت يوم صدقت واستمريت لأن الصدق مبدئ ..
لكنه هو الي غلط يوم انه كذب عليكِ .. وانت ما كان بيدك غير انك تصدقي
لان كل إنسان ونياته .. وحطي في بالك أنتِ مانتي مغفله يوم انك صدقتي
لان أنت مرأه .. ولكِ مشاعر .. ممكن تميل مع الكلام ..

و..موفقين ..

تحيه وبعد..

الله يوفقك حبيبتي ..

والحمدالله انه راح عنك قبل الزواج احسن من انه يتزوجك فتره ويطلقك..

الحمدالله شي احسن من شي..

تحياتي

بنت كيوت

وعليكم السلام ورحمة الله وبركاته..

بالعكس حبيبتي sadlove بدال ما تقولين ليه صار لي كذا ؟؟ قولي الحمد لله يمكن هذا الامر خيره لك..
و بعدين هذا الشخص ما يستاهل حتى انك تفكرين فيه ..
و لا تندمين على معروف سويتيه ابداً لان المعروف ما يضيع و اذا ما لقيتيه بالدنيا أن شاء الله تلقينه في الاخره..
و البنات ماشاء الله ما قصرو بردودهم الي تبرد القلب..
و ربي يكتب لك و لنا الي فيه الخير بالدنيا و الاخره ..

السلام عليكم ورحمة الله وبركاته


أخواني وخواتي وكل اللي رد على مشكلتي جزاكم الله ألف خير.. والله انكم خففتوا عني ... صحيح اني للحين متضايقه ومتأثرة من اللي صار لكن ما أقول غير الحمدلله على كل حال


يمكن اللي مخلني متأثرة لهالدرجه هو عمري.. نعم عمري.. انا بيني وبين الثلاثين شهور والى الان لم ياتي نصيبي وبسبب عمري صارت الفرص قليله جدا .. طبعا الحمدلله كله من رب العالمين .. وانا اكبر خواتي وحاسه اني انا اللي موقفه حالهم... وعشان شذي انا متضايقه جدا :pain:

واللي أستغرب منه اني انسانه ولله الحمد محترمة والكل يمدح فيني وفي خواتي .. ومتدينه واحاول قدر الامكان ارضي ربي ووالدي .. وبنات كاسيات عاريات 24 ساعه يحوطون بالمولات لا حسيب ولا رقيب .. والموبايل بايدها .. وثاني يوم اسمع انها تزوجت .. انا عارفه انه لا اعتراض على مشيئة الله.. لكن اتسأل ليش كل شي الحين صار يمشي بالعكس.. ليش الاخلاق ما عاد لها مكان ليش الناس تنبهر بالمظهر ولا تدور الجوهر
حتى اني مرة سألت شيخ دين وقالي سبحان الله يابنتي انه هالكاسيات العاريات هما اللي سوقهم ماشي ويتزوجون اما المحترمة المتدينه ما حد يقرب منها.. وقالي اصبري هو اختبار من الله.. يعني لهالدرجة الناس ما عاد عندها عيون تميز الصح من الغلط :eek2:

انا ما اعترض .. وراضيه بقسمة ربي.. لكن اللي قاعد يصير شئ يحير

اعذروني.. لكن اكيد اللي وصلت نفس عمري بلا زواج اكيد بتعرف شعوري
اتمنى اكون ام :confused: .. حتى أمي وأبوي أشوف في عيونهم الحزن عشاني ..

وهذا اللي خلاني اتعلق بأي خيط امل يلوح قدامي

سامحوني صدعتكم (u)

[السلام] السلام عليكم ورحمة الله وبركاته[/السلام]


لا أختي sadlove...ما صدعتينا أبدا...إحنا هنا علشان نسمعلك و نخفف عنّك...


أختي طيب شوفي الكاسيات العاريات بعد ما يتزوجوا شو يصير ؟؟؟


أولا : الطيبون للطيبات....و الخبيثون للخبيثات...


يعني لازم راح تلاقي واحد زيها...


بعدين اسألي عن انتشار نسب الطلاق بطريقة فظيعة...لماذا ؟ لأنه البنت مش قادرة تتحمل المسؤولية...كان على بالها الزواج لعب و خروج و فسح و دلع...اكتشفت إنه في زوج يرجع من الشغل معصب...اكتشفت إنه في أيام تخلص فيها الفلوس....اكتشفت إنه في أطفال و مسؤولية...


و تلاقي نسب الطلاق في ازدياد...


لذلك...إنت ربك إن شاء الله راح يجيبلك شيء كويس....يعني زوجك بإذن الله راح يكون إنسان متدين و خلوق و يحبك...و طبعا في المجتمع الحالي...مش راح تلاقي هذا النموذج بسهولة....لذلك الموضوع ياخذ وقت....


صدقيني في شباب زي الورد يدور على بنات زيك....بس مش عارف كيف يوصل...في شباب يريد البنت المتغطية اللي ما تطلع كل يوم.. البارّة بوالديها...


إنت لمّا تدعي..اعدعي الله يرزقك بواحد منهم...و إنه حياتك تستمر و تكون حياه مثالية جميلة كما تريدينها...و لا تستعجلي...حتى لا تأتي لك حياه كلها مشاكل و تعب...و تقولي كان أفضل لما كنت في بيت أهلي....


اصبري لحد ما ربك يبعثلك نصيبك اللي يفرح قلبك و يعوضك خير...و الله أخت لنا كانت تعيش نفس حالتك...و الله بعد شهر من الدعاء اتزوجت و لله الحمد....يعني الأمر مش بعيد على الله....


إن شاء الله نسمع عنك كل شيء كويس قريب ....و ننتظر البشارة :smile:


.................................................


مـخـتــــارات من مواضيعــــي :

[السلام] السلام عليكم ورحمة الله وبركاته[/السلام]


أختي شوفي هذا الموضوع...اقرإيه....و إن شاء الله يطمن قلبك (u)


الموضوع من هنا


.................................................


مـخـتــــارات من مواضيعــــي :

مرحبا أختي sadlove ..


وش دعوا صدعتينا .. احنا هنا جايين نسمع ونداري بعض ..

وكلنا خوات :up: ..

وبقول لك شئ حسيت انه لازم ينقال ..

ترى لو بتضلين على ليش وليش ... بتتعبين ...

الجواب واحد .. الدنيا صارت تمشي بالمقلوب ...

والمهم ان كلامنا خفف عليكِ .. والأهم .. أن هذه مرحلة بعمرك وتجربة تتعلمي منها .. كلها وقت وتنسي جراحتها ..

وتأكدي مادمتي محافظة على نفسك .. مو مهم الخلق راضيين عنك .. المهم ربك راضي عنك ... صح ..

والله يوفقك حبيبتي ..

ونسمع عن اخبارك الحلوة قريب :smile: ,,



وموفقين ..

[SIZE=5]" قدر الله ما شاء فعل"

اللي ربج كاتبه بيصير... بس انتي لا تزعلين من هالنهاية و لا تيئسين... لازم تعرفين ان الله يحب عبده و يباله الخير... صح في البداية بتتضايجين بس اهون من بعد الزواج... يمكن اذا صار نصيب و تزوجتي هالشخص اتصيرلج مشاكل في المستقبل بعدين انتي راح تندمين... الحمدلله على كل حال... ادعي و صلي و حاولي تنسين هالشاب... اذا دقلج لا تردين عليه و خليج قوية... هو راح يخسرج و بيندم على اليوم اللي خانج فيه و الله ما راح يتركه في حاله... انشاءالله يرزقج بواحد يحبج و يقدرج...[/SIZE]

اختك...
طير السلام

عزيزتي انا حاسة فيك لني جربت احساسك لما يقابل خيرك وصفاء نيتك بالغدر والطعن ادري أنه شعور قاتل مرير .
ولكن صدقيني ستكتشفين بعد زمن طويل أو قصير ان الله اراد بك خيرا

وفي النهاية الطيبون لطيبات

واستعيني دائما بالله وعند كل بلاء رددي (حسبي الله ونعمل وكيل)

:o راح نزعل منك اذا قلتي مرة ثانية انك مصدعتنا .. لاتيأسي حبيبتي ...ولا شي ... سمعي هالقصة ..
هاذي بنت عمت أمي وحدة حبوبة وصار عمرها 30 وما تزوجت مع أنه تقدمو لها شيوخ بعد بس كلا من أهلها لآنهم معلقينها بخالي وهو ما قال انه يبيها ولاشي ولما تزوج خالي صار زعل شديد منهم بس ما همونا .. هذا الكلام كان من زمااااااااان لما كانوا صغار وعلى سن زواج وظلت البنت وفرصة الزواجصارت قليلة لها ... وصبرت وصبرت .. ليييييييين قبل سنتين ما سمعنا الاا فلانة ببتزوج :eek2: ومين تتوقعين الي أخذها ولد عمها وهي أكبر منه ب6 سنوات وهوالي أختارها لأنه قال هاذي بنت عمي وأنا أحق فيها وهي مدينه ومشاء الله عليها دايما سيده مع أنه ربي عطاه جمال ماشاء الله علية وهو أحلى منها وفرحنا لها واجد وهي الحين جابت منه ولد والحين هي حامل وقريب تولد ... ويمووووووووووووت فيها وهي تموووووووووت فيه ...:up:
شفتي مين كان يفكر ولا كان احد حاط في بالة أن مصيرها بيكون بهالشكل وان نهاية صبرها الفرج ... وكل هاذا والسبب اتكالها على رب العالمين والدعااااااااااااااااااااااااء الدائم وفي وقت السحر وأخر الليل كل هذا يعطي مفعول ..
خلي أتكالك على رب العالمين وبتشوفين أمورك بتتيسر بأذن الله ..

أسفة طولت عليك ...
بالتوفيق يا الغالية ..

السلام عليكم ورحمة الله وبركاته


الله يفرج عنكن .. امين ويخفف همكم .. ويجعل الجنه نصيبكم



أميييييييييييين

الحمدلله على كل حال وهذا نصيبي من الدنيا

خواتي مشكلتي لها جزء ثاني.. صحيح ماشي عرسان يتقدمون لي ولخواتي.. لكن في شئ خجلت اقوله لكم من البدايه لأنه يخص احدى قريباتي لكن مضطرة اقوله يمكن يكون له علاقه باللي قاعد يصير

خالتي .. اخت امي. نعم خالتي تكرهنا جدا.. لأسباب عده منها انه احنا ارفضنا ولدها بسبب انه مرة تطاول على ابونا قدام الناس وشتمه وكمان لأنها هي وللأسف ما تعير كلام المجتمع اهميه وتتصرف مثل بنات هالجيل وكل يوم متعرفه على واحد وهذا كان سبب كافي انه احنا نرفض ولدها..

من وقتها ونحن موب متوفقين في حياتنا وبيتنا كله مشاكل وما حد يتقدم لنا.. وبصراحه اكثر من مرة نشوفها قدام باب بيتنا ترش اشياء غريبة حتى الجيران شافوها.. لكن ما حاولنا نواجهها لأنها اخت امنا وخفنا امي تزعل رغم انه امي عارفه حقيقة اختها وتدعي انه الله يبعد شرها عنا.. ترى خالتي تروح لدجالين من اللي يعملون اعمال والعياذ بالله سفليه او السحر الاسود.. وهي بنفسها قالت انا لما شخص يضايقني علطول اعمله سحر حتى انتقم منه..

تعتقدون يابنات انه لها دور في اللي قاعد يصيرلي انا وخواتي

وكيف نحمي نفسنا منها .. ترى هي تستغل انها خالتنا وتعمل نفسها جايه تزورنا بينما هي في الاصل جايه ترمي في بيتنا سحر وانا وخواتي مضطرين نطلع نسلم عليها والله العالم شو تكون وقتها حاطه في ايدها وتمسحه فينا.. حتى انا مرة لقيت عمل تحت مخدتي

ارجوكم ساعدوني .. :confused: قلت لكم انا مشكلتي مشكله :confused:

السلام عليكم

اختي يا حبيبتي والله ما يستاهل الي تسوينه بنفسك هو الحين مستانس ومب مصدق روحه من كثر الوناسه لانه ضحك عليك وقالك انه بيجي يخطبك وبالاخر طفش

تدرين والله قبل تقريبا 5 سنوات وحده من اعز صاحباتي حبت واحد والمصيبة انه كان من اهلها وخطبها بس مب رسمي يعني تكلم مع اهلها واهله كانوا يعرفون فجاة ومن غير اي مقدمات قالها انتي بنت كثير كويسه بس ما يصير انا نتزوج

والله البنت تحطمت وكان بيصير فيها شي حتى صارت انسانه ثانيه وكانت والله تكسر الخاطر

تدرين شو صار بها الولد

عنده اخت بنفس عمر صاحبتي انخطبت رسمي لواحد من أهلها وكانوا بيتزوجون بها الاجازة والمسكينة تجهز لعرسها تدرين شو صارلها خطيبها اتصل فيها وقالها انتي بنت كثير كويسه بس ما يصير انا نتزوج

شوفي قالها نفس العبارة لصاحبتي بس طبعا ها الشي بعد كم سنه


كانت صاحبتي فترتها انخطبت لواحد ولا أحسن ادب وأخلاق وجمال وكل شي ما شاء الله عليه

يعني شوفي الله يمهل ولا يهمل يمكن هو تالم على اخته اكثر من ألمه على نفسه

حبيبتي اذا من ناحيته هو فلا تخافي مصيره راح يندم على الي سواه وبعدين الطيور على أشكالها تقع يعني هو بيتزوج مين بالاخير اكيد وحده مثله

حبيبتي دام انك ما شاء الله عليك تحاولي بكل ما تستطيعي انك ترضي ربك واهلك فخلاااااااااااااااااااااااااااص لا تهتمين فيه بالمره


اهم شي ربك وأهلك الي مستحيل يتركوك لو ايش ما صار

واذا على اخواتك صدقيني نصيبهم ما وصل والا انتي مستحيل تكوني السبب الي يوقف نصيبهم الله لما يكتب نصيبهم بيتزوجون

وبعدين على الفلوس الي تصرفينها على المحتاجين فها الشي لا تذكرينه ابدا عشان ما يروح أجرك عليها



* ‏لا تتمننين بأي فعل يصدر منك

وانا متاكده انك بس ذكرتي ها الشي لانك متضايقة


ولا تخافين ان شاء الله الله بيرزقك بالزوج الصالح

حبيبتي تقربي من ربك بالدعاء والذكر الدائم وصدقيني راح تحسين بتفاهه االوقت الي نقضيه واحنا نبكي على حظنا

اكيد الزواج شي مهم بالنسبه للبنت بس اذا الله كاتب ان نصيبك يتأخر اكيد بيكون بالاخير لشي بمصلحتك

ادري طولت عليك بالكلام بس ابغي اقولك موقف صار لصاحبتي تصدقين اختها الي أصغر منها ب 7 سنوات تزوجت وهي لا وهي كان عمرها أكبر من 27 وكانت محطة للغاية تصدقين بعدين انخطبت لواحد كان ياخذ الماجستير بامريكا وكان متاخر لانه يدرس ويبغي يكمل دراسته ولما صارت الاوضاع بامريكا والكل قام يرجع بلده شافها وخطبها مباشرة والحين ما شاء الله تزوجوا حسب ما اذكر لما تزوجوا كان عمرها 29 وهو 31 وكان غاية في الادب ومتدين ومحترم كثير وشغله ولا احلى

واختها الي اصغر منها وتزوجت قبلها والله قبل فتره اتصلت فيني وكانت بتموت من القهر من كلامها امبين انها بالمره مب مرتاحه مع زوجها


يعني مب شرط تتزوجين بسرعه ان شاء الله في تاخيرك الخيره

وهذا امتحان من ربك على قد صبرك بتلقين الاحسن ان شاء الله

وان شاء الله اول ما تقرين ها الرد ننخطب انا وانتي وكل بنات المنتدى :cool2:

يلا بسرعه تعالي اقري عشان ننخطب
:shy:

القمر sadlove..... اولا اشكري ربك الف مرة.....ربنا بيحبك كتير عشان كدة ابعد هذا الانسان عن طريقك.......

انت بتسالي ليه البنات الغير ملتزمات يتزوجون اسرع من الملتزمات....اتعرفين كيف يتزوجون؟؟؟؟؟؟؟وممن يتزوجون؟؟؟؟ اخر شئ يسالو عنه هل هذا الشاب متديت ويتق الله في؟؟؟؟هل يصلي مثلا...الاشياء دي ماتخطر لهم علي بال.....لذلك بعد فترة تلاقي الحياه انهارت او لو دخلت من جوه حياتهم تلاقيها فارغة من بركة الله فارغة من معية الله وكرمه........ومشاكل لا حصر لها ولا اخر...طبعا مش الجميع

اصبري واصبري واصبري......وادعي الله كثيرا ان يرزقك الله بالزوج الصالح...صدقيني امثالك لان الله يحبهم يختبر صبرهم وايمانهم..واستغفري الله ولا تقولي مرة تانية" ليش كل هذا يصيرلي"..حتي لا يضيع الشيطان اجرك

قريبا جدا انشالله هتفرحينا وتقوليلنا"انا انخطبت"......بس متنسيش تعزمينا علي الفرح..

اكثري الدعاااااااااااااااااااااااء..وتفائلي بالله خيرا:shy:

استعيني بتلك الايات حبيبتي:
"ما جئتم به السحر ان الله سيبطله"........81 يونس

"انما صنعوا كيد ساحر"........69 طه

"وقدمنا الي ماعملوا من عمل".....23الفرقان

واية الكرسي...وكل من سورتي الفلق والناس
والاعمال الصالحة والابقاء بقدر الامكان علي الوضوء...
وضعي يدك عليك ثم قولي"بسم الله" ثلاثا...ثم قولي"اعوذ بعزة الله وقدرته من شر ماجد واحاذر" سبع مرات

وكرريها كثير...مع تيقنك ان كل شئ بامر الله العزيز القادر وهو وحده بيده الشفاء..

ابعد الله عنك كل سوء يارب...ولن انساك من الدعاء انشالله

واليك هذا الرابط لعله يفيدك

http://go.3roos.com/WOkDmL8Ws9u