للموظفات كيف طريقة وضعك للمكياج بالعمل تكفون ردو

حياكي شموخ ..

المكياج حبيبتي حسب الوقت ..:o

يعني لو متأخرة كريم الحماية و كحل وروج و شعري اسرحه في الدوام :D2

لو فيه وقت احيانا احط كريم اساس خفيف و بلاشر و ماسكرا و يمكن خط شدو :o

بس في الغالب ما فيه وقت .:shy:

البلايز و التنانير اكيد برومود و ايتام و مكس و ......... .

لكن مشكلته انه تتوقعين اكثر من زميلة لابسين مثلك :pain:


بعدين شموخة عن اللقافة :o

هلا شموخ

عن نفسي انا احط كريم اساس ستيك لانه يكون طبيعي وخفيف وعملي حق الدوام طبعا كحل وماسكارا وشوية اي شادو مااحط بلاشر بس اكيد روج او قلوس

المكياج عادةً يكون ناعم وبسيط بس انا تعجبني عيوني تكون مكحله

عن الثياب طبعا بلايز وتنانير ومثل ماقالت اختي من برومود مانجو بس انا احب اشتري من اماكن مختلفه عشان مااكون مثل باجي البنات وهالاماكن انتي سيري بوظبي مول وبتشوفين

اكيد عندج ذوق معين في اللبس يعني يكون مثلا بسيط او عملي او انج تحبين الاشياء اللي فيها لون واضح يعني شوفي انتي شو خطوطج في اللبس واتبعيها وحاولي تاخذين من اماكن مختلفه عشان ماتكونين مثل باجي البنات

وعليكم السلام ورحمة الله وبركاته

المكياج على حسب :

اذا كان دومك بالنهار او بعد العصر
واذا كان خلط يعني ممكان يدخل اي عامل

اذا كان دوم بين بنات قسم خاص بمدرسه يعني هنا تاخذين راحتك حنا يصير عندنا تحدي بالمكياج واللبس كذا احلى مكياج نهاري وعلى حسب اللون اللبس راح يكون المكياج والتسريحه بعد

اما اذا كان مكان العمل يدخل في عامل انصحك تروحين مثل ما انتي بدون ولا اضافه يعني بس مرطب نهاري للبشره للحمايه


وبس دمتي :smile:

انا عن نفسي احط كريم اساس و كحل و روج خفيف..

لاني اشتغل بالبنك و الناس داخلة طالعة و كل اللي حوالي شباب..

تخيلي انا البنت الوحيدة بالفرع..

اما عن اللبس الصراحة انا البس عباية لان الناش طالعة و داخلة واستحي من الناس وخصوصا الشباب منهم..

كاتب الرسالة الأصلية : غدووورة
الصراحة انا البس عباية

غدوره

الكل يلبس عبي :D2 ليش فيه حد مايلبس عباه؟

بس هي تسأل عن اللبس تحت العباه

انا مو موظفه لكن طالبة جامعه
وعن طريقة مكياجي وأغلب البنوتات
روج وردي او لحمي ...هو شفاف بس لمعته ورديه او لحميه
او بيج على بني
والكحل داخلي اسووود وأحييييييانا احيانا مو دااايم مسكره
وشدو وردي او سماوي او اي لون هادي ومايكون
غامق وبارز
وباقي الوجه واااااااااقي من روك او جفنشي

ولاتحطين كريم اساس او بودره او خرابيط تخرب وجهك اذا كثرتي منها

السلام عليكم ورحمة الله وبركاته


افضل مكياج للعمل واللبس كوننا اننا مسلمات ...

مكياج هادي ... مثل :
(( كريم اساس او غيره , بودره , سائل او جهال ، وروج . ))

اما باللبس ان يكون لبس مريح على راحتج .. بس فوقه عبايه وشيله .... :smile:


بالنسبه لي انا اوكي اما انتو ما ادري شو رأيكم ...:cool2:

مرحبــــــــــــا


انا موظفه في دائره حلوميــــه..

* مكيــاجي سمبــــــــل

بشرتي قمحيـــه

احط بودره مظغوطــه من مــاك عالخفيف ..

جحـــال واحيانا مسكره

شوية بلشــر عالخفيف

ماحط روج احيانا احط قلوس

حتى اللي يشوفنــي يتحراني مب حـــاطه ميكاب..

* وعن اللبـــــــــــــس

تنانير وباديــات .. بدلي من مانقو، برمود، ستريدي، فاريوس، برشكا،
واحيانا افصل بس يظهر جنننه زاهـــب.. :up:

بعني فالصيف الوان الملابس احب انها تكون فاتحه وماحصل تنانير بهالالون ،، اشتري قطع الوانها فاتحه ،، مثل فوشي برتقالي ابيض وافصل تنانير..
والبديات طبعا اشتريها جاهزه.. :shy:

والبس بنوانطلين بعد بس البس عليها عباه اسلاميه مسكره .. وطبعا البوانطلين وااايد سهله حق الحركه..:up:

وعزكم الله نعلتـــي صنادل خفيفه ..


وسلامتكم

بنـــــــــــــات شفتوا موظة هالايام


يلبسون بنطلون قصير "برمودا" وعليه بوووووووت طويل

شرات ملابس الفروسيــه .. :smile:

وايدات اشوفهن يلبسن جيه ..
بس طبعا برع الدوام فالحدائق والمراكز وغيره ..!!
شورايكم :rolleyes:

السلام عليكم ورحمة الله وبركاته
يا ليت اقدر افيدج لكني لحين طالبة باخر سنة ثانوية لي ..
نروح المدرسة وويهنا حالته لله .. مولاي كما خلقتني لا ميك اب ولا حتى بلايز .. الا مريول الله وكيلج لاعت جبدنا امنه ..:D2
في أمان الله