قصيده خيانه صديقه لي صديقتها يا بناااااات و الله تبكي القصيده

هذي قصه حقيقيه و عشانها كتبت القصيده
كا تبه القصيده هي الشاعره اخت سلطان كتبت القصيده بعد سماعها قصه صديقتها و احساسها بي الام اتجاهها لي خيانه زوجها لها مع اعز صديقاتها القصيده موجهه الي صديقتها الخائنه


ما الومك فيه
من يقدر يشوفه و لا يعطيه
ما الومك فيه
من يقدر يحبه و لا يفديه
كيف الومك و انا بحبه ما اقوي ملامه

كيف الومك ولي اليوم احبه و لاني ندمانه
هو صحري و رماله دافيه
هو نهر جاري و مويته صافيه
هو حبيبي و الكلمه كافيه
كيف الومك و انا بموت واحيا عشانه
ذبل الجسد ونحل ظله من فقد حنانه
انتظاره نار تحرق رجا الليل و تهدد امل النهار
اتركيه لعشي الدافي رديه
اتركيه و روحي فاقده قلبي و محتاجه له جروحي
ارجوك اكبري بعيني
رجعي رفيق سنيني
وريني الشهامه باصلك
وريني الوفا بعدلك
قلبي من يومها ما دق لله قولي كلمه حق
اوفي وبكرا الزمان بيوفيلك
و انا و هو و الدنيا كلها ما ننسي جميلك
اتركيه لقلبي
ترا قلبي من يومها ما عاد قلبي
خايف يقتله طول السكوت
شايف الاماني كلها تموت
و الايام تجري و قطار العمر يفوت
اتركيه و بترده لقلبي الايام
اتركيه يوفي لعشره الاعوام
و اساليه وش قلت عنك لما شفتك زمان
سرني الي شفته منك يوم شفت فيك الانسان
و جت طعنتك بي الظهر
ما فكرتي بمراره ليلي و القهر
حطي نفسك بمكاني
تخيلي همي و احزاني
تخيلي لو يخونك او تنحرم منه عيونك
الي حبيتيه في شهر و ما قدرتي تبعدين
وش حال قلبي المكسور الي حبه سنين
اسمعه في نبضي
و اشوفه في وجهي المقهور و اتعذب في كل حين
سمعت الموت يناديني
تمنيت التراب يواريني
ما عاد لي الا الصور و ذكريات احيانا تعذبني و احيانا تواسيني
خذي سنيني وعطيني يوم
لو يكون بعمري اخر يوم
بس اقضيه وياه
وشكثر محتاجه دفاه
ليه ما حلا بعينك الا حبيبي
ليه حرمتي نومي و حللتي تعذيبي
ابي موقفك قصه للزمن تحفظها السنين
و اوصفك غاليه و لا لك ثمن ونادر وجودك بين المحبين
ما اطلبك شي لنفسي
ودي ترجع الدنيا بخير
ودي اضحك لي ذكرت امسي
و لا احد يطمع بحق الغير
احلفك بي الي ما تنام عينه
احلفك بلي كلنا تحت رحمته و بين ايدينه
و لاجل كل ركعه ركعها امام المسلمين
و لاجل كل سجده سجدها جبين
و كل دمعه من عين محروم
وكل اه من صدر مظلوم
لا جل الامل الباقي و انا اعيش لي تحقيقه
ردي لسواد عيني بريقه
سعادتي كلها في شيمه من شيمك انتي
و ان كانت حياتي لها قيمه هذا العشم فيك وما قصرتي
و ما الومك فيه بس الومك بجرحي
ومكتوبي تامليه وعجلي بفرحي
لا تهللي ابد و لا تفرحي بخاين
لا تسكتي ابد للي داس علي ورد الجناين
و الحين بعد الحب الي وصفته
تركت الحكم لي ضميرك
ان عشتي السعاده علي حساب غيرك عيشي و انسي الي كتبته
و ان حكم لي ضميرك با العدل هذا من طيبك و الاصل