يا هوى روحي

لا تبخلي في مطلبي وأنتي اللي
لك يا هوى روحي على القلب منزال
حبك على عرش الضمير أمتعلي
لو زال اجا حبك بقلبي فلا زال
يا راحتي يا شمس قلبي وضلي
لا تقهريني بين الا قفاء والإقبال
شفتك وشفتيني بخوف وذلي
وأ قفيت ودموعي على الخد همال
غصب على دمعي من العين هلي
وكم من شجاع بحكم الهوى ذال
وما صار لي يا عشقتي قسمه لي
وعلى كذا الدنيا على كل الأحوال
فرشت لك في مهجه الروح زالي
واهديت لك روحي وحالي مع المال
وأقول لك كلي فداياك كلي
عظمي ودمي واللحم لك والآمال
ولياء عطشتي لك دموعي تهلي
وادفيك عن برد الشتاء وحامي اللال
لا شك صدودكم باينن لي
تبين تشقيني لا جل تمرض الحال
إنا المريض الحائر المستشلي
وداوي مطلوبي منك كان هو ضال
حبك لقلبي صار سم وسلي
طيبي معي مالك ويا القول والقال
ليه الجفاء من بعد عطف حصلي
واسقم حالي من غرابيل اطوال
أصبحت اهوجس بك إلى حيت اصلي
حبي وانأ من ضمن الأموات رحال
والشوف في حكم الشريعه يحلي
طلب رخيص ويغفر الله الاعمال
انتي هوايه مابغيرك نهلي
لو صارت احكولي من اسبابك اثقال
انتي لحالي كالمطر ياستهلي
تخضر به غصون الحشاء عقب الامحال
واسفي خلي ماهو شايف لي
قدرا وانا له طول ما عشت ميال
ولكان خلي ناويا بالتخلي
ما يتبع المقفين بالناس رجال
خلاص يكفيني منك ما حصل لي
النفس طايبه منك ياهو ى البال
طول علي صدك وانا بحبك اللي
اهديت لك روحي هديه بلا مال
وما جاز لك ياعشقتي جايز لي
وداع ياغض النهد حلوا الاقبال
يبو خديد كالقمر حين طلي
وجسم يشابه ناعم البان يامال
ياللي جزيتي حبنا بالتغلي
ما تعلمين ان الغلا سقم سلال
اوادعك من خاطرن مسفهلي
لو دمع عيني ياتذكرتكم سال
ولو قلبي المسكين منكم يتلي
تلت اسبوق الطير وان طالع ازوال
القاء بدالك لي حبيب يهلي
بدالك ان القاء وتلقاء لك امثال
وعساك ياخلي لنا سامح لي
عن ما مضى والعمر لو طال رحال

لافي الشمري