احتمال اموت ..حتى الصبر مل مني؟؟

ولو ان كلامي يمكن ايكون شوي قاسي بس هاذا اللي انا شايفته بعيني و محد قالي...تحمليني شوي يا اختي العزيزة..


أولا هو صغير في السن وللحين ما كون نفسه و الفرق بينكم مو كبير يعني على ما يكون نفسه و يوقف على ريوله يبيله سنتين ثلاث و بهالوقت تكونين طقيتي ال24 25 ...و خلنا نكون واقعيين و بعيد عن العواطف اوكيه..

المره تكبر قبل الريال يعني لازم ايكون الفرق زين ( 5 سنين عالأقل)

ثانيا..العلاقه لمن تكون قبل الزواج تكون مبنيه على اساس مو قوي اللي هي العاطفه...يعني تفكرين بقلبج مو بعقلج..

و حسب اللي انا قاعده اشوفه 98 بالاميه من الزيجات اللي كانت عن حب فشلت مو بس بعد الزواج حتى في فترة الخطوبه..:down:

و انتي تقولين انه امه مو راضيه و هو للحين ما كون نفسه يعني لي متى بتنطرين؟؟

نصيحتي لج يا اختي انج تبتعدين عن هالإنسان ولو انه بيكون صعب لكن دوسي على قلبج شوي و فكري بعقلج و وازني الامور بعقلج و بس..ترى هذا مستقبل مو زواج يوم و ليله..

و انا عارفه انج شبعتي من الحجي اللي ينقال عن الزواج بعد قصة الحب و الغش اللي يحسون فيه الطرفين و عدم الثقه او ...و.. و... و ..

يعني ما يحتاي اعيد بالكلام.
هم شي تقبلين باللي يرتاحله عقلج انتبهي عــــــــــقلـــــــــج لأن بالخطبه التقليدية البنت تفكر بعقلها و بس عشان جذي تنجح الزيجات اللي من هالنوع.

و بالنهايه الله يوفقج و سامحيني على صراحتي و على التطويل...و دائما و ابدا لا تنسين استخارة رب العباد.:smile:

انا ماراح ادخل بتفاصيل قضيتك لكن لفت نظري عنوان موضوعك ..

مني يالغالية ثقي ماراح تموتين قبل يومك لايّ سبب ..:o

الجئي الي الله و استخيريه ولو كان الامر خيرة لك راح ييسره الله تعالى و ان كان العكس راح ينصرف عنك و تنصرفين عنه .


دعواتي لك اختي .. و قلبي و اياك :smile:

-----------

وعليكم السلام ورحمة الله وبركاته

بخير و نعمه اختى صمت الامل:

:down:ليه التشائم..:down:

:up:اصبري و اصبري و اصبري:up:..
ما تدرين وين الخيره فيه..

انا اشوف في سالفتك مشكلتين :
النقطه الاولى الماده ..
و الثانيه رفض والدته لك او عدم اقتناعها فيك.. و هنا المشكله الحقيقيه..

لو السالفة سالفه ماده بنقول لك اصبري و ان شاء الله الفرج قريب..

انتي استخيري..

و أن شاء الله ربي يكتب لك الي فيه الخير..
ويوفقك ..و يرزقك الزوج الصالح الي يسعدك في الدنيا و الاخره:o..


.................................................




اختى saroona1984 (u)

كلامك صحيح :up:..
ورايك يدل على انسانه ناضجه..
بس كأنك ظلمتي القلب شوي:confused::
اشوف ان التفكير يكون بالعقل و القلب..
ما نقدر نفصل بينهم..

لو تقدم لك شخص مثالي من جميع النواحي بس لم يؤدم بينكما ( اي ما حبيتيه ) بتوافقين ..
كيف بتكون حياتك:confused:..
اكيد الحب بيكون بعد الزواج .. وهذا الصح..
بس لازم تكونين متقبله هذا الشخص ..
و اكيد التفكير يكون بالعقل .. بس للقلب دور في الاختيار.. و دوره مو بسيط..
هذي وجهة نظري..:cool2:

اختي انا صارت لي نفس سالفتج بالضبط

ولكني صبررت عليه الى ان كوون نفسه رغم معارضه الاهل

ورفضت كل الخطاب والحمد لله بعد سنتين تزوجنا كان عمره 23 وانا 21

نصيحتي

تحملي كل الضغوط عشانه مثل ماهو متحمل عشانج

طبعا اذا حسيتي صج انه يحاول يكون نفسه

وانا حاسه باحساسج وادري كلام الناس مايرحم ولكن الله بيعوضج على قد نيااتج وصبررج خييير

بالتوووفييييق ان شالله:smile:

والله احسن شي استخيري والله ما بيضيع حد:shy:

اذا كان ماكون نفسة وهو صغير وامة معارضة لاتستعجلين بالموضوع

فكري وستخيري لان يمكن تصير مشاكل بعد الزواج


والله يوفقك انشاء الله وتتوفقين بالزوج الصالح

ويمكن اذا اللة ماكتب تاخذينة يمكن خير لك

اللة يسعدك دنيا واخرة

خواتي اشكركن جزيل الشكر على الاهتمام بالموضوع والرد عليه..

بس حبيت اوضح نقطه..وهي ان اللي مخليني اتمسك فيه هو احساسي بصدقه ..وتضحياته واخلاصه علشاني (يعني ما ظل مكان الا قدم اوراقه فيه علشان يحصل شغلة مناسبة والحين يشتغل في شغله ماشي الحال اوكي ..واكثر من شركة دخل فيها مقابلة وامتحان والحين ينتظر الرد وهو الحمد لله معدله تمام يعني احتمال قبولة كبير في اي من هالشركات ..يعني اني فكرت حتى لو قبلت بواحد غيره بظل متعذبة وضميري على طول يأنبني لاني اشعر بصدقه ومشاعره اتجاهي وجهده الكبير علشان نكون مع بعض وتوكله على الله ودعائه الصادق بأن الله يجمعنا على كتابه وسنة رسوله (صلى الله عليه و سلم) ومع هذا تركته ونسيت كل هذا وخليته وراء ظهري ..يعني ما تشوفونها حرااااااام؟؟؟؟؟ والا اني غلطاااااانة؟؟؟؟)


مع تحياتي لكن جميعا:confused:

الحب قبل الزواج يطير مثل ريش الدجاج (u)

صلي صلاة الاستخاره وربي بيسهل لك الخير معاه او مع غيره وانتي واعذريني علي هالكلمه ماتبين ترجعين بيت اهلك بعد كم شهر الولد صغير ولسه ماكون نفسه والضغوط الماديه والاجتماعيه مابتترككم وبتاثر علي سعادتكم الين تطيرها صلي لله استخاره والله مابيخليك ان شاء الله

انا ما الغيت دور القلب يا طل القمر...اكيد القلب له دور كبيييير في اختيار شريك الحياة ...لكن هو مو كل شي...يعني بالول لازم اتشوف اذا الإنسان اللي متقدملها مناسب من جميع النواحي و لا لأ و بعدين تحكم عليه بقلبها...يعني العقل ايي بالأول بعدين القلب..:smile:


اللي انتي قلتيه كان هو قصدي يا طل القمر :smile:

شكري الى اللي ردوا عليي من جديد
بس اختي دكتورة نوارة..اذا كان الحب قبل الزواج يطير مثل ريش الدجاج مثل ما قلتي شلون تفسرين لي الزواج اللي ظل قوي وراسخ والسعادة رفرفت عبره على كل من الزوجين على الرغم من انه سبقته علاقة حب؟؟؟؟مو شرط ان كل زواج يسبقه حب هو فاشل ومكتوب عليه الفشل وليس كل زواج تقليدي هو زواج مكتوب له النجاح والامثلة كثيرة على كل من الموقفين(الزواج عن أو بدون حب)..

اختي تركية..اني استخرت ربي ودائما تطلع معي اني اصبر ..والصبر مفتاح الفرج.والولد صح صغير..بس هو صغير من ناحية العمر لكن من ناحية النضج والعقل ما شاء الله عليه..والكل يشهد له.

على العموم اكرر شكري للجميع..واتمنى انكم ما تنسوني من دعواتكم واللي الله يكتبه فيه الخير والصلاح والحمد لله على كل حال....

مع تحيااااتي للجميع:smile:

انا افضل انج تنتظرين دام انه مضحي لازم انتي بعد اتضحين حرام هو يضحي علشانج وانت من ذاك الصوب تاخذين غيره واهم شي انج تستخيرن ودام انج مرتاحتله اصبري الصبر مفتاح الفرج وانشاء الله الله يجمع من بينكم قريبا وبعدين انا احس عمرج وعمره مناسب للزواج ماحس انكم صغار بالعكس مرحله حلوه للزواج في هل العمر هذي راي واتمنى محد يزعل منه(wink) :smile::smile::smile:

إذا كانت المشكلة مشكلة مادية فبما إنه اشتغل حالياً في شغل ماشي حاله مثل ما تقولين أعتقد إنه انحلت المشكلة وإن شاء الله كم شهر بالكثير وراح يقدر يجمع المبلغ المطلوب للزواج حتى لو كان بسيط .. وحاولي انك تقتصدين في كلشي وحتى لو طالت الخطوبة ميخالف اهم شي يقدر بعدين يعيشك مبسوطة صح :smile:

هذا رأيي وبالتوفيق ان شاء الله ويجعل الله أيامك كلها سعيدة وتفائلي الحياة قدامك والدنيا ما انتهت على جدي وبس وين الأمل يا صمت الأمل ؟؟؟ خلك متفائلة وثقي إن الله سبحانه وتعالى راح يختار لك كل ما فيه صلاح لك وله .

تحياتي

صمت الامل
انا نصيحتي انج تصبرين اذا كنت واثقه في حبه لج :up: لان مثل ما تقولين انه صادق في حبه و قاعد يحاول انه يحل المشلكة .

و بعد في شيء مو بس انتي اللي تعانين من هالمشاكل في وايد غيرج مثل حالتج و اكثر بس اهم شي الصبر و الدعاء :shy:

و الله يوفقج و يوفق الجميع

[السلام] السلام عليكم ورحمة الله وبركاته[/السلام]


أختي صمت الأمل...


ما شاء الله البنات ما قصروا معاك...


بما إنه جاء هو و أهله إلى بيتكم...معناها إنه إن شاء الله غرضه شريف و يحبك كمان....


لذلك...ما في مانع يكون في الحين خطبة أو قراءة فاتحة كربط كلام....و يجب عليك أن تقفي بجانبه و تسانديه حتى ينجح في حياته...و نجاحك من نجاحه....


أتمنى الله يوفقكم و يسعدكم و ييسر أموركم إن شاء الله....:smile:


طمنينا عليك دايما...


.................................................


مـخـتــــارات من مواضيعــــي :

:flower: مـــوســوعـــــــــة شــــامــلــــــة لــلهــدايــــــا....لكــل الـــمنــاســبــــــات الـرومــانـسـيــــة :flower:


~'*¤!||!¤*'~(( مسابقــــة: مـواقف و مـشاكل زوجيـة تـحتاج مـنا إلى حـكمة و حسن تصرف...شاركينــــا ))~'*¤!||!¤*'~

خواتي شواقي و حلم المستقبل و لؤلؤة البحرين ومرموم اشكركن جزيل الشكر على ردودكم اللي طمنتني وعطتني اصرار في اني انتظره واوقف بجانبه والله يتمم لينا على خير وللجميع ان شاااااء الله...

تقبلوا خالص شكري وامتناني:smile:

العفو اختي صمت الأمل واحنا في الخدمة على طول بس انتي آمري :smile:

تحييه وبعد..

ماشالله البنات ما قصروا والله يكتب لك الي فيه الخير يا رب

تحياتي

بنت كيوت

وأنا مع البنات شكل الولد يحبج وقاعد يسوي المستحيل لاجلج

لاتخلين الهواجيس تلعب بعقلج اصبري ( ان الله مع الصابرين)

والله يفرجها عليج ياغالية واشوفج مبسوطة ومتزوجه الي قلبج ارتاح له

وعن قريب ان شالله:smile: