وش تسوين مع خطيبك

يا ربي 11 وحده دخلت ولا احد عطاني حل :down:

أولاً .. مبرووووك يالحلوة و عقبال الزواج إن شاء الله

و ثانياً .. ترا أيام الملجة أحلى أيام استغليها عدل بس باسلوب

صح ان بعدني ما ملجت (للحين مخطوبه :o وما ادري لين متى :D2 ) ..

بس بحاول أفيدج من واقع اللي شفته ويا اختى وربيعاتي

يوم بيتصل بج اليوم .. خلج حيية ولا تطيحيين الميانة من أول مكالمة يعني

اتكلمي برقة و انوثة و صوت خفيف و اسلوب حلو و إن حصل واضطريتي انج تنادينه فاذكريه باسمه بدون ما اتدلعينه أو تستخدمين كلمات مثل حبيبي وغيره ... ( هذا عقب ما تتعودون على بعض )

خلي هو اللي يبده بالكلام و السوالف و انتي بس ردي على اجوبته و لا تسألين وايد خلج راكدة و رزينه و حسسيه انج عاقلة و فاهمة ( و ربشتج طلعيها بعدين )

الله يوفقج حبيبتي و ييسر لج حياتج و يهنيج

:up:

السلام عليكم ورحمة الله وبركاته

هلا أختى الغالية مبروك عليكى

في البداية أحب أقول لكِ بأنها هذه فترة خاصة

لا تتكرر مع الجميع بنفس الطريقة

يعنى كونى على طبعتك وعلى أحساسك

ومع الأيام راح اصير كل شيء عادى

وراح تكون هذه اللحظة ذكريات حلوه لكِ

تحياااااااااااتى :smile:

اشكرك اختي المياسة

على هالمعلومات

نور الهدى فعلا لحظات اكثر من رائعة

وعقبال كل العزابية :D2


وين البنات الباقيات خلونا نفيد ونستفيد حنا يالمخطوبات :smile:

تحياتي :up:

الله يوفقج ويهنيييج ان شاء الله

هلا حبيبتي....
اولا اقلك الف مبروووووووووك وعقبال الزواج...
ثانيا انا كمان مثلك ملكت في شوال وكنت محتاره ومرتبكه اكثر منك لأنه مايقربلي وماكنت اعرف عنه اي شي...بس اكيييييد راح افيدك لأن لي أكثر من شهرين مملكه..............
شوفي حبيبتي خليك على طبيعتك وانت تكلميه...حاولي تنعمي صوتك وانت تكلميه...في البدايه لاتسأليه كثير حتى وان كنت ماتعرفي عنه اي شي..مع الوقت راح تعرفي كل شي عنه...خليك دائما :smile: و:D2 بس مو مره...اذا بدأ يدلعك ويقولك كلام حلو او يمدحك ردي عليه وقليله تسلم او اي شي لاتسكتي...لأن سكوتك يخليه يبطل يدلعك ولو مادلعك حتقولي ليه ماصار يدلعني....والسبب مو منه ..منك انتي لأنك ماتتجاوبي معاه..حاولي انتي كمان تدلعيه بس على خفيف..مثلا اذا كلمك وقال لك انا رايح المكان الفلاني قوليله انتبه على نفسك...اذا كان مسافر قوليله توصل بالسلامه طمني عليك اذاوصلت.......
بصراحه فيه كلام كثييير ابغى اقوله لك بس ماأقدر اكتبه كله الحين وفيه اشياء ابغى اقولك ماتسويها لأني سويتها وندمت فما أبغاك تندمي ...
لكن انشاء الله المره الجايه ...

الرجاء من الجميع المشاركه لأني أنا كمان محتاجه مساعدتكم... ياريت كل وحده مملكه او متزوج او حتى تكون سمعت او شافت اخواتها او قريباتها تقولنا عشان نستفيد...

والله يجزى بنت الحارثي على هذا الموضوع لأني كنت محتاجته من اول والحين بزيااااااااااااااااااااااااده....



تحياااااااتي...

موضوعــــج وايد حلو يا بنت الحارثي ..

الله يسعدج ويهنيـــج ياربـــي . وبالبركه انشالله ..:shy:

أنا بعد مخطوبـــه من ست شهور .. وخطيبـــي طلب انه يكلمنـــي بس انا مارظيت لان طبعا اهلي مابيرضون.. ومن فتره قريـــبه بس قالتلي اخته انه يبا يكلمج يقولــج شـــي مههههم واااايد ..
وماكنت ادري انها حيله بس عشان يكلمنــي.. والحين يتصل من فتره لين فتره يطمن علي..

بس طبعا انا طبيعتــــي خجوله وهاديه وايد .. يعني هوو اللي يرمس وانا اجاوب بس.. واحاول انهي المكالمه بسرعه لاني استحــي وايد وما اعرف شو اقول.. :pain:


بطــــةرائد .. نتريــــــــــاج :shy:

اشكركم حبيباتي على المرور

ووين الباقين وين المتزوجات يعطونا من خبراتهم :smile:

تحياتي للجميع :up:

يا صبايا


وينكم :down:

هلا اختي فريت مشكلتك وانشالله يكون الحل عندي

انشاللله المرره الجايه اذا كلمك ردي عليه ولا تخلين احد ثاني يرد عليه

واذا كلم سلمي عليه ولا تعطينه فرصه يتكلم وقولي له

يا فلان ودي اقولك كلام وابي اقوله لك قبل لا تبدا بكلامك

انا بنت ناس عمرها ما تعودت تاخذ وتعطي مع رجال غير اهلها

ولا يعني هذا الكلام انك غريب لكن انا لين الحين ما نعرف بعض

فلاتتوقع مني اني اتكلم او اخذ واعطي ولاتزعل لو ماقدرت على هالشي

وربي يوفقك ويكتبلك الخير

المياسه والله انك كذا :up: (حلوه لاتطيحين الميانه ) :s2


بنت الحارثي : اهم شئ خليك على طبيعتك ولا تبالغين بالدلع ابدا :shy:

يعني بحدود المعقول ( الا اذا كنتي بطبيعتك دلووووعه)

لأنه بعدين بتطلع الفضاااااايح :down:

والله خوش موضوع :clap: وانا بعد ابي استفيد ترى عن قريب يمكن انخطب:shy: دعواتكم يابنات:cool2:

طيب انا عندي سؤال

اش الاشياء اللي لازم مانقولها

يعني نتحاشاها خلال المكالمة :pain:

أهم شي إنج ما تقلبين رمستكم تحقيق يعني اتمين تتنشدينه وايد يعني قصدج الاهتمام لأنه الريال بطبعه ما يحب اللي تتسأل وايد .. إلا إذا هو قال سالفه عادي ارمسي في التفاصيل واسحبي الرمسه منه ..
ودوم حاولي حد يدخل عليج ولا تكلمينه في السياره مثلا وترمسين عن شي استوى في الشارع يعني خليه يعيش الجو وياج جنه يالس وياج ..
والله يوفق الجميع

انا اعاني نفس المشكله ملكت وبنفس الليله قال لاخته بيكلمني
بس انا رفضت وبعدها باسبوع هم بعد قال بكلمها ولما قلت ماابيه يكلمني


قال زين بس مسجاات وهم بعد رفضت

خصوصا ان العرس بيكون بعد 8شهور شرايكم تصرفي صح او غلط الله اني محتااره بع مثلج يا بنت الحارثي

هلاااااا بنات أنا مثلكم

بس أنا حطمت الرقم القياسي أنا انملكت

من 9 شهووووووووور :D2

أخت يناهت ليش ما تخليه يكلمك بعدين بتندمين

وأنصحك لا تردينه واجد قال بيكلمك خله يكلمك بس اول مكامة

مو تطول واجد او خليه هو الي يتكلم ونتي تسمعين وتردين

لان الوحدة لازم تستحي في البداية يعني انا ما تعدوت عليه

الا بعد شهرين ولا الحين وانا استحي بس اهون :o :o :o

وبعدين هذي فترة واجد حلوووووووووة لا تفوتكم

اتمنى افتدتكم من تجربتي واي سوال انا حاضرة

:shy: :shy: :shy:


وتحيـــــــــــــــ تي ـــــــــــــــا لكن

همسة بحر مشكوره اختي على النصيحه
بس انا خجوله بعدين لما احس باحراج
اقوول كلام خرابيط وتكثر بدلياتي
يعني مااعرف اقوول جمله صحيحه
فما ودي انه يكون انطباع سئ عني من اول مكالمه
اخااف اطينها
ويهون :down:
او اخاف هو يتمادى معاي باكلام وانا بطبعي خجوله حيل
ماادري والله احس انها صعبه
لاني مااعرف شي عن اطباعه
مدري شرايكم:pain::o

اختي بناهت

توكلي على الله وكلمية طبعا اول مكالمة بتكون :down: وغير مفهومة

لاكن بعدين :up:

انتي اللي بتتصلين علية

نصيحة كلمية اولا هذا حلالك ثانيا ينكسر الخوف شوي

وتعرفين عنه لو بعض الاشياء وماتنصدمين بعدين


تحياتي :clap:

والله حبيبتي ما ادري وش اقول لك .. بس انا في فترة الملكه زيك .. وانا اشوف انه يعتمد على الرجال نفسه .. يغني انا وا يمكن 5 من صاحباتي كلنا مملكات وكل وحده فينا لها طريقتها الخاصه ..

وحده فينا ما يقفل السماعه لالالالالالالالالالالالازم كل يوم يكلمها

ووحده ما بغى يكلمها جلس 3 شهور بعد الملكه ما يكلمها لو ما زعلت منه بس اهون يزورها

والثالثه من اول اسبوع اخذوا على بعض لدرجة انه جاى يصحح معاها اوراق الطالبات

والرابعه ما تكلمه خير شر تخيلي حتى يوم الملكه ما شافته

والخامسه حتى الكلام الخاص دار بينهم في وقت قصير

وحده هي لو ما تسأل وتدلل ما يسأل مو عشان ماعليه منها بس هو طبعه ما يحب التلفون ودايم يقول لها وكل كم يوم 3ايام تقريبا يرسل لها مسج وهي زعلالالالالالالالالالالالانه ماني عارف وش اقول لها هي حاسه انها مو زي البنات وتقول هذي المرحله مره وحده في حياتنا ما تتكرر :down:

فلازم تعرفين طبعه وهو من اي نوع من النوع الجري اللى لازم تستحين منه والا من النوع اللى لو ما تتكلمين ما يتكلم بعضهم يدللون والبعض لا فلازم تعرفين شخصيته وما كانت فترة الملكه الا عشان كل واحد يتعرف على طبع الثاني و منطقه حواراته اسلوبه لا تضيعينها في الدلع بس حاولي تبيتين بطريقه سلسه انتي ايش وطريقتك ايش؟؟

وترى انتبهي حركات الشباب في الملكه يحاول يختبرك ويقول مثلا انا ما احب كثرة التماشي .. انا ما احب .. والا............. فحاولي تكون اجاباتك دبلماسيه لا تبينين انك متضايقه او مواقفه

تمنياتي لك بالتوفيق حبيبتي ان شاء الله اكون افدتك:smile:

واللى تعرف وشلون اقتع زميلتي تهون زعلها يا ليت تقول لي انا دايم اقول لها اللى نا تلاقي الدلع ايام الملكه تلاقيه في الزواج بس ما ادري :down:

سي يوووووو:o