حكايتي

السلام عليكم ورحمة الله وبركاته .


راح اكتب قصه صديقتي المقربه لي لاني عايشه مأساتها وعارفه ظروفها.

وحبيت تساعدونى وتقدمون لي نصايحكم وخبراتكم .


هيه اكبر البنات بين خواتها :s كل ما يتقدم لها شخص

اهلها يرفضونه بحكم انها من قبيله معينه ومعروفه والمتقدمين لها لا ,

وأول ما تقدم شخص للاختها الصغيره وفقو عليه وتم الزواج

وتقدمو اشخاص للاخت الكبيره بعد رفضوهم :( تحاول تعرف السبب

وهو نفس السبب ما يناسبونا مب من مكانتنا والبنت ما تحاول انها تناقش

الام او الاب لانهم متمسكين بالعادات والتقاليد , وبعد فتره تقدم شخص

لاختها الاصغر هم وافقو عليه وتم الزواج وفي الاخير تقدم شخص للكبيره

بس متزوج في الاول الام وافقت بس بعدين رفضت هذى المره حاولت

تناقش الام بس بدون فايده .

قالت الام للبنت اذا تزوجتى هذا الشخص راح توقفين نصيب خواتج بحكم انه مب من نفس القبيله ..

هذا الكلام قبل ما يتزوجون البنات , تقول سكت عن الموضوع ومرت سنوات

وتزوجت اختي الصغيره والام كانت تتوقع ان ممكن من حفلت العرس يتقدم

احد للاخت الكبيره بس لا وتقدم لها نفس الشخص مره ثانيه ولام بعد

رفضته قالت ممكن في عرس اختج الثالثه يتقدم لج احد وتم العرس وما

تقدم لها احد , البنت تقول الين متي بترفضون قالت لها أذا وصلتي سن

الثلاثين ومحد تقدم لج في هذى الفتره راح اوافق علي هذا الشخص ,

الحين في الثلاثين من العمر ...

صديقتي حالتها النفسيه تعبانه وااااااااايد تحاول تشغل عمرها باي طريقه

بس لما تشوف خواتها تتضايق والدموع دايما في عينها تدرون تكلمني

وهي تصيح تقول الين متي بيرفضون اهلي يقولون في بنات تزوجو اكبر

عنح , بس أذا ما تقدم لي غير هذا الشخص بعد بتردونه ..

سامحونى لاني تعبيري ضعيف اشوي
:o بس ان شاءالله وضحت اشوي من معانتها ..

في انتظار ردودكم

تحياتي
بنت ديره
:shy: