اللي عندها خبره بأوربا تساعدني

السلام عليكم ورحمة الله وبركاته

انا الصراحه ما رحت غير لندن صراحه عجيبه من ناحية التسوق والمطاعم بس غالية.....

انا سمعت ان المانيا حلوه ومن المانيا تقدرين تسيرين بقطار الى النمسا وبلجيكا ما اخذ وقت وايد وبالنسبه للسوق كل الدول الاوروبية سوقها حلو وبالنسبة للسينما مستحيل ما تحصلين سينما بس بغيت اقولج ان اوروبا اسعارها ارتفعت وايد عن قبل لان اليورو مرتفع.. انا تراني متغربة في اوروبا وان تيون وتستانسون ....بس حاولوا تنظمون حجز الفنادق من الانترنت وايد ارخص....

روحي باريس ... بتستانسين آخر وناسه ...... المدينه الوحيده إلي في اوروبا ما ينامون اهلها .... ةفي شهر سبعه عندهم سولدر يعني تنزيلات ... واتحصلين الماركات عليها خصومات توصل إلي 50 % ..

بس الأحسن انكم تكلمون احد في السفاره هناك عشان يرتبولكم السكن والسياحه .. يعني ايون ياخذونكم من المطار .. ويجولونكم كل يوم ... والسايق يكون عربي .. راح يعلمكم على الأماكن وتاريخ كل منطقه ...
وفيها سنمات في الشانز وبعد فيها مطاعم عربيه وهنديه إلى جانب الماكدونلدز .. وغيره وغيره ...

فيها كوفيات على كيف كيفج ... بس انصحج انج تيلسين في فوكت كافيه :up:... لانه يكون متروس خليجيين من الساعه تسع المسا ...

وشو بعد هممممممممم .... ايواه العطور .. إذا حبيتي تاخذين عطور .. لا تشترين من سافورا او اكوا إلي في الشانز .. ترى ما يسون خصومات عدله .. جربي العطور عندهم .. بس قولي للسايق يوديج لزينه:up: واشتري من هناك العطور لانها ارخص بوايد عن اسعار سافورا او الأسعار إلي عندنا ...

وبعد لا تنسين اتروحين اليورو دزني ... تقدرين اتمين فيها يومين على الأقل

ومن بعدها اتروحين على بلجيكا بالقطار ... وطبعا بلجيكا سوقها ارخص .. إلى جانب انج تقدرين اتروحين فيها رحلات .. يعني اتروحين هولندا من الصبح وتردين المسا ... وبعد يودونج رحلات داخليه تقدرين تطلبينها من الكونسيرج إلي في الفندق .. وهم يتكفلون بالرحله ...

والله هذا كل إلي عندي واتمنى اني اكون ساعدتج


اورفوار

لــــــــــورا

شكورين خواتي وايد المغتربه ولورا :up:


لورا حبيت أسألج اذا بسوي سيرج على باريس اي منطقه بالتحديد في باريس ابحث عنها؟؟؟؟؟؟؟؟؟؟؟؟؟ واذا عندج خبره بالفنادق ؟؟؟؟؟؟

والله شوفي باريس مرره غاليه لان اليورو عالي
وتراها بتكلفكم كثيير
بس اذا انتوا مقتدرين حلوو :cool2:
لازم تسألون عنها وعن اسعارها

والله شوفي....بالنسبة للسفر أنا أنصحج بالسفر إلى دول شرق آسيا إذا انتي ما اتحبين الأسعار الغالية....وفي أوروبا...الأسعار كلها هناك صارت غالية وايد ...وأرخص الفنادق فندق 3 نجوم...
وبهاي الفلوس اللي بتخسرينها في أوروبا ع الفاضي...بتستفيدين منها أكثر في دول شرق آسيا وفي فندق 5 نجوم مثل ماليزيا...والتسوق فيها أروع وأروع....

تحياتي

مشكورين خواتي على الردود

ريناد أنا عارفه أنها غاليه عشان جذي ما أبي أقط فلوسي بمكان مايعجبني أبي أروح مكان حلو و في شغلات حلوه نشتريها بعني سياحه وتسوق :cool2:

goldendune أنا مليت من شرق أسيا عشان جذي بغير حفظت شرق أسيا عدل وماليزيا بصراحه ما عجبتني وايد التسوق فيها لج علي أنا عجبتني تايلند أكثر :up:

تريدين نصيحتي روحي لعاصمة تشيكيا براغ
حلوة بكل معنى الكلمة و رخيصة و محلاتها ما تنتهي و المطاعم فيها رخيصة و بعد هي مشهورة بالكريستال
اذا حبيتي معلومات اكثر اساليني و انا اجاوبك
:up::up::up:

يمدحون برشلونه في اسبانيا...انا مازرتها وان شاء الله قريب بروح لها ...مدينه فيها كل شىء تبينه...

ما قلتي شو رايك ببراغ؟؟؟؟؟؟

مشكورين خواتي على الردود :shy:


هلا سوزي سامحيني تأخرت بالرد لاني ماأدخل كل يوم

واذا أنت مستعده حق أسألتي اللي ما تخلص ياليت تقولين لي كل شي بالتفصيل :o

أول سؤال : أي وقت من السنة مناسب لها ؟

ثاني سؤال : اشلون أسعار الفنادق فيها وأحسن فندق ؟

ثالث سؤال : المجمعات المشهورة فيها ؟

رابع سؤال : الرحلات السياحيه ؟

خامس سؤال : فيها أمان وأشلون معاملة الشعب التشيكي للعرب ؟

سادس سؤال : متى تغلق المجمعات ؟

سابع سؤال : أشلون الأكل عندهم ؟

ثامن سؤال : كم المده الكافيه للاقامة فيها ؟

تاسع سؤال : أي شهر زرتيها وأشلون كان الجو ؟

مستعدة لاسئلتك و اجاوبك عليها
أول سؤال : أي وقت من السنة مناسب لها ؟
الجواب: الصيف يعني الشهر السابع و الثامن لانه الجو يكون جميل جدا

ثاني سؤال : اشلون أسعار الفنادق فيها وأحسن فندق ؟
الجواب: اسعار الفنادق رخيصة و السنتر فيه فنادق كثيرة و في فنادق على شكل شقق صغيرة

ثالث سؤال : المجمعات المشهورة فيها ؟
في كثير مجمعات في السنتر او خارج السنتر لانه السنتر كبير جدا و جميل و فيها متاحف و قصور للزيارة

رابع سؤال : الرحلات السياحيه ؟
فيها رحلات نهرية و رحلات لمدن اخرى لانه هناك اكشاك سياحية و فيها تحجزين للرحلات و هم يعطوك دليل السياحة و الرحلات السياحية

خامس سؤال : فيها أمان وأشلون معاملة الشعب التشيكي للعرب ؟
من ناحية الامان لازم الواحد شوية يكون حذر بيها و التشيك صاروا يتعاملون احسن من قبل مع السواح و خاصة العرب لانه صاروا يتكلمون انجليزي


سادس سؤال : متى تغلق المجمعات ؟
المجمعات تغلق بوقت متاخر
السنتر يبقى الى السعاة 8 او 9 بالليل
و المجمعات اغلق الساعة 12 بالليل

سابع سؤال : أشلون الأكل عندهم ؟
كل انواع المطاعم عندهم حتى العربية و الهندية و الايطالية و اليونانية يعني عندهم الاكل منوع


ثامن سؤال : كم المده الكافيه للاقامة فيها ؟
المدة اسبوعين او حتى شهر

تاسع سؤال : أي شهر زرتيها وأشلون كان الجو ؟
زرتها بالصيف و الربيع بالربيع امطار تكون فيها و الصيف حلو عندهم الحرارة ما تتعدى الثلاثين و حتى اقل


انشاء الله اكون افدتك بالمعلومات و اي سؤال انا حاضرة

و انا عندي معارف حتى هناك هم يدلوكم على كل شيء
و بعد فيها مصحات للعلاج لانه فيها مياه معدنية و هاي المصحات و الاماكن مشهورة عالميا

تحياتي لك

:up::up::up:

مشكوووووووووووووووووووووووره سوزي بصراحه شوقتيني كثير للبلد و قاعده أبحث بالانترنت عنها يعطيج ألف عافيه حبوبه والله يوفقج قولي أمين:up:

بس عندي أسأله بعد :o

أول سؤال : المحلات الموجوده في ملابس و أحذيه وشنط للنساء يعني ياليت تقولين لي شنو بضايعهم بالضبط و اذا في محلات مشهوره ؟؟

ثاني سؤال : فيها مدينة ملاهي ؟

ثالث سؤال : فيها سينما ؟


سامحيني على الاطاله :shy:


وبدعيلج من كل قلبي ياسوزي :clap:

تتدللين حبيبتي

و انشاء الله يتوفق الجميع
امين

أول سؤال : المحلات الموجوده في ملابس و أحذيه وشنط للنساء يعني ياليت تقولين لي شنو بضايعهم بالضبط و اذا في محلات مشهوره ؟؟
فيها كل شي من ملابس و احذية و شنط نسائية و كلشي الحقيقة و فيها كل المحلات المشهورة حقيقة حقيقة كلشي عندهم


ثاني سؤال : فيها مدينة ملاهي ؟
فيها مدينة ملاهي بس شوية فقيرة و عندهم عروض النافورات اللي تتحرك على الموسيقى و عندهم حديقة حيوانات حلوة و الله


ثالث سؤال : فيها سينما ؟
السنتر و كل المجمعات فيها دور سينما

و اذا عندك اسئلة ثانية انا حاضرة

:cool2::cool2::cool2:

مشكوووووووووووووره سوزي ما ننحرم منج انشاء الله اذا في شي بقولبج يعطيج العافيه :up:


سوزي ما رحتي دول بأوربا غيرها ؟؟؟( مصختها وايد :pain:

لا و الله بالعكس تتدللين هذا من واجب و لو
:shy::shy::shy:

رحت دول اوروبية كثيرة الحقيقة منها:
هولندا
الدانمارك
المانيا
اسبانيا
البرتغال
المجر ( هنكاريا )
ايطاليا
النمسا

بس انا انصحك بتشيكيا
:up::up::up:

تسلمين أختي بصراحه أنا وزوجي من أول ماتزوجنا وحنا نفكر باسبانيا و المانيا فشرايج أقرب سفره أروح التشيك يعني و أخلي اسبانيا أو المانيا لبعدين ؟؟

و يعطيكي العافية
انا في الحقيقة زرت دول اوروربية كثيرة منها:
هولندا
الدانمارك
المانيا
تشيكيا
النمسا
المجر ( هنكاريا )
ايطاليا
اسبانيا
البرتغال

و اذا عندك اي سؤال انا بالخدمة
اوكي؟؟؟؟

و الله اللي تشوفيه
انا في الحقيقة افضل تشيكيا و بعدين المانيا قريبة على تشيكيا تقدرون تروحولها بالقطار من تشيكيا و بهاي الحالة تضربوا عصفورين بحجر
و اسبانيا تخلوها للسنة الجاية

:smile::smile::smile:

:cool2::cool2::cool2: