((((((((((((( وش اللى يجبر الشاعر )))))))))))))

[poet font="Times New Roman,6,white,bold,italic" bkcolor="transparent" bkimage="backgrounds/18.gif" border="double,4,darkblue" type=0 line=200% align=center use=ex length=0 char="" num="0,black" filter=" dropshadow(color=gray,offx=4,offy=4) shadow(color=gray,direction=180) glow(color=gray,strength=1)"]
أنا والليل والعبرة وجرح وخاطر مكسور
ونفس من هجير البعد والحرمان مقهورة
وقلب ظامي لشوفك ولا يروى ظماه بحور
وعين تحترى لحظة غياب الطيف وحظوره
ونار تنطفى مره ومره تشتعل وتثور
واقول النار مقدورة وهي ماهيب مقدورة
حسبت الليل بغيابك يمرن الليال دهور
وكني شايل بقلبي ليال الوقت وشهوره
تصبرت وتقدرت وبنيت من الخيال قصور
إلين ان الجفا شد الركايب وانتهى دوره
تحريتك على درب القصايد من ثلاث شهور
وحشا ما مات لك غصن يشف الماي بجذوره
وانا ما كان لي رغبه أبين واكشف المستور
ولكن الجمال أكبر من الخفاق وشعوره
جمال وود وعيون ودلال وكبرياء شعور
وفتنة تخذل عيون النهار وينطفي نوره
ولك في خافقي صوره تلاشت بين ضي ونور
وأخاف اسكت من الفرحة وتنطق باسمك الصورة
عرفتك وانتهت رحلة قساوة دربي المهجور
وألا يا جملة أيام الجفا والصد مشكورة
خذتني للجفا عزه واخذني للعناد غرور
وأخاف اكون بعنادى حبيب ومات بغروره
وإذا كانت مسافات الخيانة للغرام قبور
وش اللي يجبر العاشق يخون ويحفر قبوره ؟؟
وش اللي يجبر الشاعر يدور للشعر جمهور ؟؟
مدام انتي محبينه وعشاقه وجمهوره
[/poet]