جنون الموضه

السلام عليكم ورحمه الله وبركاته


اكيد محد فينا عاجبه التغير

الكبير اللي صار بمجتمعاتنا الخليجيه والعربيه

العيب صار عادي والحرام صار عادي..

يعني اكثر الشباب يسون الغلط مع العلم انهم يدرون انه غلط...


بس عاااااااااااادي علي قولتهم تحضر واحنا في القرن20 ((امــحــــق))


الله يستر علينا وعلي عيالناااا وبنتنااااا


ولطشت لكم قصيده واتمني انهاا اتعجبكم..


********************************


يهيـم الخـاطر المأسـور بوقتن كل طيبـه ذاب ........ وصرنـا نتبـع الموضـه ونكشف ماخفا فيها

ونتبـع رزة اقوامـن بها كل الفعل ينعاب.............. سرا نجمك عروبتنـــــا وشمعتنـــا نطفيهـــا.

وبعنــا روعة التاريخ ذهب فضة من اجل تراب....... عزانــا ياأصالتنــــا بمنهو دوم يحييهــــا

تجيني روعـة الدلـّه تعاتبني بطيب عتاب.............. تركتو صبت الفنجـال (لهندي) جا يلويهـا

رحمـه الله زمانن فـات يشـل البّن لا ماهاب........... رفيـع القوم يرفعهــا بيدن مايوطيهــــا

شبابن ضـاع في وقته ووقته دوم به ماطاب..........نســا نبضــات أيامن .. تربا في معانيها

واصبح وقته الشاغل رقم هاتف وزين ثيـاب.....لبس جنزه معا تي شيرت ( وتاج العز يرميها )

تناســا قدر شيبـانن لهم في هالعصور كتاب..........سقتـهم روعة الدنيـا حلاهــا في بلاويهــا

رجال بوصلهم شيمه وتاريخ الكرم أبواب ........... قروم المنبع الصافي ولااااا أدري شسميها

وبنتن تتبــع الموضـه تجيكم تعشق الاجناب........... تبي تصبح مثل ( رازان ) حسافه يامربيها

تجيك مصبغـه تحلم بموضه لو تصير غراب ............ تضن انها تكحلها واضن انها بتعميهـا

غريبه يازمن وشلــون نسينا روعة الأحباب ............. بذكرى لاذكرنــاهــا تأزمنـا ونخفيها

نسينــا ضمـة الملـّه بها خلطـة سدر وخضاب....... وعشنــا في وصل ذا الميش نلونها ونمحيها

نسينــا روعـة التصوير اذا قالو الشعر ينساب .........تفننــا بشعر ال ( بوي ) نقول انه يحليهـا

نسينـا لبسة (الدفه) مع الملفع وطوق حجاب..........لبسنــا ثم تخصرنــّا وضيعنـا الستر فيها

تعذرنـا بهالموضـه ومن يتبع خطـاهـا صـاب.............وأظن العاقل الفاهم يجنـب دوم طاريهـا

سمعنــا بالشعـر ( نزّار) وصفقنا لعمر ذياب...............تفننا بعاداتـن عقول الجهــل تبنيهـــا

نسينـــا جرة الونــه لبــن هذال وصوت حجاب .........بدينــا نسمــع (الديسكو) الا ياشين تاليهـا

رضينـا غيرنـا يأمر ويتحكم بدون اسبـاب............. وزادت عندنــا لبيــه لشخصن مايساويها

نسينــا الحر لاواجـه ابد ماينثني لصعاب............. على راس الرجم عالي يحلق من أعاليها

نسينـــا الحـر لاواجــه ابد ماينثني لجنــاب ............. ولايخفض جنـاح العـز سوا لعيون غاليها

جزيرتنــا جزيرتنــــا ترا ماللخطـا أسبـاب .......... سوا نركض ورا الموضـه وتعسفنـا خطاويها

جزيرتنا بزغ نجمك وأظنه لانوا بغياب !!!...... يــدور عن عروبتنـــا يدور عن معانيهــا

ورغـم الااااااه والشكـوا ورغم ان العقل مرتاب ......... لنـا في هالزمن خطوه بنبقـا دوم نبينهــا

وببقا دوم أرفعهــــا وتاج العز ماينعـــاب ............أصالتنــا وسط نبضي ونبضي دوم يحييها



**************************

اتمني انها تعجبكم


((ملطووووووووووش))




اختكم .:.متعالية.:.