ياترى العيب فيني

السلام عليكم ورحمة الله وبركاته
اختي /رد قلبي
دقي على صديقاتك القدامه وسأليهم الزياره ماا اتووقع يبخلون عليج بالزياره جربي
وما اتوقع يقصرون معاك بالزياره 000
تحياتي
اختك
ام عبدالمحسن

سلام
انا الصراحة ما افكر اروح بيت صديقاتي المتزوجات لين ما هم يعزموني لاني اخاف انهم مشغولين او شي ..

فمثل ما قالت ام عبدالمحسن
انتي اعزميهوم و شوفي شو يصير :shy:

سلام
شوفي انتي تعملي حالك مو مهتمة كثير
وتروحي تشتري لهم هدايه وتوديهم لهم مو هدايه كل وحدة هديه لا او مو غاليه بعد زين
وبعد كم يوم تتصلي فيهم على انك تبي تسئلي عن اخبارهم كالعادة يعني
شوفي ردودهم تغيرت ولا اشلون انا جربت هالشي والله او نفع
حسيت انهم حسو فيني بس انا الي تركتهم او بعدين رجعت لهم
علشان كذا حسو اني ابي ارجع لهم او صار الشي عادي
بس انتي جربيها او شوفي عطيني خبر ادا نفعت بحطها موضوع هاهاهها
يالله بااااااااااااي

اختي "رد قلبي" تبين الصدج، مب زين الواحد يتم بليّا ربع أو أصدقاء .. بس همّ مو كل من رابعناه صديق.

بالأول فكري من من صديقاتج القدامى اللي تبين صدج ان تستمر علاقتج وياهم! من منهم تسترحين لها أكثر ومن منهم تستانسين بيلستها! ولمن تحددين الهدف أبدي انت واصليهم بالأول أمن عن طريق الزيارات أو التلفون وشوي شوي سوف تعود المياه الى مجاريها ....

الواحد دايم يواصل اللي يواصله ... ومن تتزوج الوحده صديقاتها الغير متزوجات يحسن انهم يثقلون عليها وما يدرون امتين هو مناسب للإتصال أو الزياره والى آخره .....

وعسى اكون افدتج وعسى الله يسعدج بصديقه مخلصة ... :smile:

عزيزتي الغالية

أتمنى انج تستفيدين من كلماتي المتواضعة

انتي اللي مهدي الطريق للقاء
فمثلاُ دقي على ربعج وصديقاتج وعزميهم على عشاء مثلاً أو فنجان قهوة

واغتنمي المناسبات الاسلامية والاجتماعية للم الشمل
وبعدها بتعودينهم على هالشي

يعني بعدين كل وحدة بتسوي لها عزيمة وبتضيفكم عندها

و ان شاء الله بتشوفون بعض على طووووووووووول





تحياتي...:shy:

اهلين اختى رد قلبي:shy:


الصراحه انا افكر مليون مره قبل ما اكلم صديقاتي المتزوجات .. كيف لما ازورهم ..:eek2:


رايي من راي البنات انك تزورينهم و نعزمينهم و تبلغينهم عن الوقت المناسب لك ..:up:


:shy:و اكيد هم ما راح يقصرون ..:shy:

و ان شاء الله تشوفينهم حواليك ..

[السلام] السلام عليكم ورحمة الله وبركاته[/السلام]


لا و الله أختي...هي فعلا المشاغل...


الواحد هذه الأيام حاسس إنه يادوب الوقت مكفي ...كفاية عليه عمله...و البيت من توضيب و كنس و تلميع و طبخ ...هذا غير اهتمام الواحد منا بمظهره....يعني فعلا أشياء كتير....


إذا كنت فعلا نفسك ترجعي لهم....اعزميهم مرة الصبح عندك بأي مناسبة....و قولي لهم كيف اشتقت لمثل تجمعاتهم...


لا تقطعي معهم و لو بالتليفون...و دايما اسألي عليهم و باركي لهم في مناسباتهم....


يعني ابدأي بنفسك....و أهم شيء تراعي ظروف صديقتك إذا مشغولة أو تعبانة...


و إن شاء الله ترجع العلاقات بينكم أحسن من الأول....:smile:




.................................................


مـخـتــــارات من مواضيعــــي :


يـا صنــاع الحيــــاة....تـعـالـــوا قــولــوا لنــا أفـكـاركـــم في الإيـجـابيـــة....


~'*¤!||!¤*'~(( مسابقــــة: مـواقف و مـشاكل زوجيـة تـحتاج مـنا إلى حـكمة و حسن تصرف...شاركينــــا ))~'*¤!||!¤*'~

ويييييييييييييييه تعالي انا موجودة بجمعج الربع كلهم




ههههههههههههههههههه

والله حبيتي حاسة فيج صدج الجمعه حلوة

وانا اللحين بعدني مو متزوجة ويالسة اطلع حرتي في الطلعه والتجميع الربع

واني استغل صفة البنت بكل شيئ طبعا بالحلال مو بالحرام


المهم اختي لا تحطي في بالج انج انتي الغلطانه في تكوين الصداقة

صح انه التعرف وكسب الربع فن يحتاج إلى مهارة

بس مو صعبه سهله وانتي مدام متزوجة يفضل انه ربعج يكون في سنج

ومعرسة مثلج .... بس اللحين مثل ماقالوا العضوات انه البعض مو فاضي

بس انتي حاولي انج ترجعين ربعج وبالطبع الاخوات ماقصروا في الرد ..


والله ويااااااااااااج

تسلمو على ردودكم ...الحلوة..


بس المشكلة اني تعبت من محاولاتي وياهم ودايما اتصل واسال وازورهم...وكم مرة عزمتهم وماحد يجي يعتذرون باخر لحظة ..تصوروا ...اني مرة سويت عشاءوخذت اجازة من الدوام علشان اسوي العشاء وجهزت كل شئ ...تخيلو علي العصر بدت المكالمات ...الي مرتبطة بموعد مهم...والي تعبانة والى ماتبي تشوف فلانة لاني عزماها ..طيب لاهى جت ولا التانية...!!!


والله جمت ابكي وزوجى يقولي ...هذولا مب كفو حد يصادقم ليش مااعتذرو من قبل ...بدل كل هالتعب..

صدقوني انا مب زعلانة بس مقهورة...لان بعد كم يوم وحدة منهم سوت عزومة وعزمتنى ...وانا رحت ..المفروض مااروح لانها ماجتنى بس انا عذرتها لانها عندها بيبي صغير.. تخيلو لما رحت شفتهم كلهم موجودين ماقدرت استحمل جلست شوي واتصلت بزوجي علشان يجي ياخذني ...وقررت اقطع علاقتي بيهم ...قلت يمكن لانها عايشة بقصـــر...وانا بشقة متواضعة مايبوني يجوني....





انا بصـــراحة ابي اكون صداقات جديدة...من تساعدني..
انا من مســـقط:shy:

بالعكس لمه الشقه احلي واحلي لان تاحذي حريتك في الكلام ...بس انا باقولك شوفي اقرب وحدة لك في صديقاتي ..وفي طبايعها ...وتحبيها واستمري معاها وطلعوا خلي بعد زوجك يرابع زوجها وبكذا تكونون صحبة ومعارف وبكره اولادج لما يكبروا يحصلوا اصدقاء ليهم ومن نفس الطينه وتطمني ليهم . اتمني اكون افدتش .. انا معظم صديقات الجامعة متزوجات وعندهم عيال بس لما نكون في لمه هم يجيبون عيالهم والله وناسه معاهم والله الحين ولد ربيعتي يحن عليها "بنروح بيت خالتي " يالله طبقي وشدي الهمه وبشرينا

اختي العزيزة رد قلبي

انا في رايي ان انتي الغلطانة لان اذا ما احتكيتي فيهم فما بيحتكون فيج

يالله رد قلبي افتحي الباب جايتك الحين ونسولف الين مانطفش ههههههههه
حبيبتي جربي تتعرفين على زوجات اصحاب زوجك
جربي تعزمينهم تكلمون بعض وحددوا اوقات تكلمون بعض فيها بحيث ماتكونون مشغولين