خبرونا كيف جاكم الطلق عند الولادة

هلا أختي نصرى:smile:

موضوعك جدا رائع :up:

الآلام تختلف من البكر و من اللي ودلاتها المرة الثانية أو الثالثة

بالنسة لي لما كنت بكر.... أول شيء نزل الماء علي و بدون آلام ابدا

بس بالتدريج بدت الآلام تزيد..يعني الطلق الحقيقي بدأ الساعة 6 الفجر وولدت 4 العصر:pain:

بس الولادة الثانية الحمدلله كانت أسرع
و الطلق بدأ 4 الفجر و ولدت 7 الصبح:up:

بس كانت مركزه :pain::confused:


و الحمدلله على كل حال :smile:

مشكووووووووره أختي على الموضوع الرائع واللى أكيييييييييد الكل بيستفيد منه:clap::clap:
بالنسبه لي أنا حسيت بآلام الطلق في نهايه الشهر التاسع يعني حسيت بتعب وثقل شديدين عند أسفل الضهر وزادت الآلااااااام يوم نزل عليي ماء الولاده وأشوووووووووه أني كنت بالبيت ولا كنت أنفضحت جدام الناس:D2:D2
عموما.. أنا كنت ملازمه البيت من دخلت الشهر التاسع أحتياااااااطا وتجنبا حق أي موقف من هالنوعيه:up::up:
وبعدين يوم زااااااااد الألم عندي وزاااااادت كميه المياه المتدفقه لين ما أختلطت مع كميه بسيطه من الدم هنيييييييييييييييييه عرفت أني لازم أروح المستشفى :pain: لأن لحظه ولاده وجوفه بنتي.. قربت:smile::smile:
الصراحه شعوووووور وأحساااااااس ولا أروع:smile::smile:
وبسسسس:shy:

موضوع حلو
ومع انها جديمه بس الحمد لله على سلامتكم ويتربون في عزكم يا رب:shy:

فوانيس : مشكورة على معلوماتك والله يسهل علينا احنا الي جاينا الدور :confused:


عسولة : انا دائما احس بالام الظهر والبطن وما اقدر احدد هل هية الم طلق ولا بس لعب عيال :D2

يريت كل وحدة تذكر بتفصيل


فرح : يمكن الموضوع جديم بس التكرار يعلم الشطار :s2:shy:

اختى نصرى الافضل لا تخلينا نتذكر انا والدة عمر بنتي الصغيرة سنة و5 شهور وانا الان على وشك الانجاب مرة اخرى لا تفتحي جروحي على الرغم ان ولادتي بالبنت الثانية اسهل بكثييييييييييير من الاولى التي استر الطلق فيه 21 ساعة بينما الثانية خلال ساعة واحدة فقط كنت والدتها(صلو عالنبي) لكن الم الولادة لا يطاق لا يطاق غير تعب الباب بالاخير الله يسهل والحمد لله على كل حال :cry: انا كتير خايفة لسة ما نسيت الم الطلق ليش ذكرتيني :cry: :cry:

الله يسهل عليكم اني لساتني مخطوبه او قريب بزوج الله يعطيني او اجربه ههه بس صراحه خوفتونه:D2

وانا كمان مثل عبير الحياه مخطوبه

وربي انكم خوفتوني من الحين

عاد انا خوااااااااافه

انا عاد قصتي قصه

انا في بنتي البكر نزل عليه الماي وانا رايحه انام وما حسيت بأي وجع ولا الم بس كنت خايفه وكنت كل لحظه اسأل امي انا ما يعورني شي ولا اتألم وكنت اسألها ليكون انا بربي الحين


وكانت تضحك وتقولي بعدج انتي لسه في اول الدرب وتصدقون اول ما وصلت المستشفي شفت حالات ألم وحالات لحريم تعور القلب استغربت ليش انا بعده ما عورني ولا يأني اي ألم وعطوني غرفه وقعدت فيها يومين بدون ما ييني اي الم او وجع وكانوا كل شوي يتأكدون من سلامه الطفل هل هو بخير وكانت صحه بخير وما في اي شي.. وبعد ما كملت يومين في المستشفي وبعده ما ياني اي ألم ودوني غرفه العمليات وقالوا بيسون لي طلق صناعي بدأ الساعه 6 المغرب لين ثاني يوم الصبح الساعه 5 تقريبا وانا اصارخ وأتألم وأعاني وياريت في فايده الولاده كانت متعسره علشان الرحم كان ضيق والطفل مستحيل ينولد بس تعذبت و تألمت على الفاضي وبعد هذا كله قرروا يسون لي عمليه قيصريه وربيت الحمد لله



وهاي قصتي ادعوا لي الولاده الثاني تكون بخير وسهله ان شاء الله

نصرى





انا تجربتي حلووووووووة




لاني في حمالي (مرتين)


أتأخر في الولادة لين يخلص شهري وبهذا اضطر



اروح الطبيب بعد ما يفوت اسبوعين وانا خالصة شهري



للطلق الصناعي والكمام



انام وبعد ما اقوم من النوم



يقولون لي الحمد لله على السلامة :shy:





والله يسهلها على الجميع

مرحبا اختي نصرى ... انشاء الله تقومين با السلامه يا رب ...

وعن الالام الولاده اول شي طبعا تكون مثل الالام الدوره وبعدين تزيد وتقل مدتها ... وتكون منتظمه يعني كل ربع ساعه وبعدين كل عشر دقايق وبعدين كل خمس دقايق وجذي لين ما يكون الالم متواصل ....

وعندي لج وصايه اوصيج اياها .... يوم بتحسين انه الالام الولاده بدت فيج وزادت ... سويلج مغلي اليانسون.وحطي فيه ملعقتين من العسل الطبيعي . يسهل الولاده بشكل ما تتخيلونه ويهدي الاعصاب ... :up::up:

والله انا الى الان الله مارزقني بس دخلت اكسب خبره وخوفتوني بس ماعليه مستعده اتحمل الالم واكون في النهايه ام



قولو امين:shy::shy::shy:

موضوع شيّق و جميل وانا بابني و بنتي ما يجيني الطلق من شدة الخوف في المرتين اللي ولدت فيهم بيحطولي طلق صناعي و الله لا يفرجيكم الوجع ،،،
والحمدلله بالنهاية بننسى الوجع و أنا ذكرتوني بالوجع وانا كثير خايفة لاني بعد 7 شهور رح اتعرض لهالموقف ادعولي يا بنات

:confused::confused::confused::confused::confused::confused:
خوفتوني وايد ما اني ما حملت ولا ولدت بس خايفة الله يستر
بس انا جربت الم كنت طارحة في الشهر الثالث بس قالوا لي الم الولادة
اسهل من الم الطرح والسقوط
الحمد الله على سلامتكم خواتي
عقبالنا

البنات الباقيات،،،ما خبرتونا شو استوالكم؟!!!

حسيت بالطلق الى 3 ونص سم طبعا بدا تدريجي .. وبعدين ماقدرت أتحمل فأخذت ابرة ظهر ونمت الين صار 9ونص ... مشالله ...:D2 .. رااااااااااايقه .... وبعدين جبت بنوتي حبيبة قلبي:cool2: ...

:shy: اللله ذكرتووووووووووووووووني ... اتمنى تكون ولادتي كلهن مثلها .. بقوولكم كل شي .......... انزين :










فمت الصبح ولافييني شي الحمدالله و احس عمري نشيطة أكثر من أيوم آخر .. الظهر كان عندي مشوار لبوظبي طلعت عساه ثلاث الظهر و أناااااااا في الدرب حسيت بويع الظهر ( آلم دورة ) قلت يمكن هالويع يكون من اليلسة في السيارة .. ورجعت البيت في العين عالمغرب وكانووو أهل ريلي عندهم حفلة بمناسبة زواج أخت ريلي تلبست وكشخت ونزلت الحفلة و الكل يسألني ها متى بتربين أقولهم هاليومين و يردوون على مسكي عمرج عشان تحضرين العرس .......؟؟؟
ودخل علي الليل وانا على نفس الحاله أحس بويع خفيف في الظهر وطبعا بعد الحفله يلسنا سهرانيين نضحك و نسولف و انا كل نص ساعه أقوم من اليلسه و امشي وارجعلهم ... وخلاااااااااااص شفت عمري تعباااانة قلت يمكن ارهاق من نشة الصبح استاذتن منهم عالساعة 2 الفجر قلتلهم خلاص أنابروووح ارقد .
دخلت حجرتية وبدلت ثيابي و خلاص بحط راسي علالمخدة ... وفجأه احس الويع يروح يورد بزيادة . .. وأنا ماشالله مااتحمل الويع ؟؟ وقمت أصيح خايفة اربي اليوم .. ونش ريلي على صياحي قالي ألحين بوديج المستشفى قلتله لاااااااااااااااااااااااااااا صبر نص ساعه بيروح الويع وبرقد :pain: خلصت النص ساعة . قلت خلااااااااااااص استسلم بروووووح المستشفى .. بقولكم بعدين شو صار في المستشفى .

السلام عليكم خواتي:
شو رايكم تسمعون قصتي :confused::confused::confused:
في البداية الفجر حسيت بألم في بطني وظهري مثل ألم الدورة قبل موعد الولادة إلي عاطيني إياه المستشفى بيوم ..وسرت المستشفى على طول والألم طبعا يزيد فقالولي إنه الرحم توه مفتوح 2 سم..المهم كل ما تيني دكتورة تقول إنتي مطولة لأنج بكر.. تخيلوا بدا الألم يخف تدريجيا فقررت إني أطلع... فطلعت اليوم الثاني وقالوا لي إذا ما ربيت خلال إسبوع تعالي بنعطيج طلق صناعي المهم..خلص الأسبوع وما ربيت؟؟؟!!! راجعت الدكتورة وقالت لازم تاخذين طلق صناعي.. قلتلها شوفي البيبي فطلع كل شئ أوكيه فقلتلها خلاص أنا بطلع ويوم بحس بألم برجع طبعا ما رضت إلى بتعهد يعفيهم إذا صار شيءو قالت عندج 4 أيام.. في اليوم الثاني (كنت خايفه إنه يعطوني طلق صناعي) فسمعت إنه زيت الخروع إيب الطلق ويسهل الولادة فشربته يوم الخميس في الليل وحسيت بألم خفيف الساعة 4 الفجر بس طلع عندي ماي مع شوية دم لونه وردي فخفت!!!!؟؟ بدا الألم يزيد .. سرت المستشفى وكان يوم ولادتي فعلا فشربت زيادة خروع غشان يحمي الطلق و على فكرة شتان بين الألم الي ياني قبل وألم الولادة غير والله والحمد لله ربيت الساعة 2 ظهرا بس ما أوصيكم كثروا من الإستغفار وقراءة سورة الزلزلة و الله يسهل على الجميع....

الله يستر بدخل الشهر التاسع بعد اسبوعين ادعولي وبعده اعلمكم

أنا توني ببداية الشهر الثامن والله يستر بس أولد بخبركم:up: