منو يوافقني الراي

الصراحه انا اؤيد كلامج اختي مسحورة


وهم ليش ممنوع صور المذيعات والممثلات

هم يطلعون قدام كل الناس وفي المجلات والتلفزيون عادي

وماعندهم مشاكل


ليش ممنوع نحطهم في المنتدى اذا احنا غرضنا بس الاستفادة من المكياج !!!

يعني ما اظن فيها شي

خصوصا ان كل الناس يشوفونهم في كل مكان



وبخصوص تقطيع الصور

وايد تضيع من ملامح المكياج وتخلي الواحد متشتت وما تركب الصوره كاملة لنا

والواحد مايقدر يتخيل الشكل النهائي شلون راح يكون :pain:

مادري جني ماعرفت اوصل الفكرة

:D2

الخلاصة ان هالطريقة تخلي الواحد متشتت وضايع

وما يركز في المكياج عدل

انا مع رهف

المنتدى هذا نسائي

والرجل اللي يدخل في هالاقسام هو اللي ياخذ الذنب

لانه يعرف ان هالقسم للنساء فقط

وممنوع يدخله


وكل واحد ياخذ اثم لقافته وتطفله على مواضيع خاصه للبنات


يعني الاداره ماراح تقدر تراقب كل واحد اي قسم داخل

هذا شي راجع للضمير والمبادئ :up:

السلام عليكم ورحمة الله وبركاته

لا أوافــــــق

أخواتي الكريمات مع احترامي لأرائكن أعلاه ولكني لا أؤيد وضع صور فنانات أو غيرهم سواء كاملة أو حتى مقطعة , أصلا ومالفائدة المرجوة من وضع صور هؤلاء !! أن أردنا مثلاً معرفة طريقة المكياج فسنجدها في أقرب
محل تجميل .. فلماذا نضع صور لهن ونحمل وزرها ووزر من نشرها وشاهدها وافتتن بها سواء رجال أو نساء .
وبارك الله في جهود الإدارة التي منعت وضع صور فنانات ومذيعات حتى
لايتسنى وضعها في منتدانا, وآخر لوك لفلانه ومكياج حفلة فلانه !.

وهذا رأيي وبكل صراحة .

والله انا ضد ان الصور تتقطع و ضد منع صور الممثلات:down:....يعين محنا حاطينهم لأن معجبين فيهم او شي حنا نحطهم عشان البنات يستفيدون...شفيها يعني؟؟:pain:


يعني بس عشان في فئة قليلة من الناس بقلوبهم امراض والعياذ بالله مو معناته ان نمنع الباجي من الأستفادة...و بالنهاية البنت بتتزين عشان ترضي زوجها او جدام ربعها لا اكثر و لا اقل:smile:

وانا معاج يا مسحورره

يلا بنات ورونا همتكم

انا ايضا اوافقكم الرأي

وارفض تقطيع الصور

:clap::clap::clap::clap::clap::clap::clap:


صح الكلام الي قلتي

مرحباً بالجميع

الحمد لله اني قرات الموضوع حتى لااتعب نفسي وانزل موضوع كامل ومن

بعد تعب وجهد في ترتيب الصور وعرضها اجد الموضوع حذف .. نقول الحمد

لله ... وانا ارفض ايضاً تقطيع الصور .. ولكن الإدارة حره بقرارتها وكل شيء

راجع لهم الحلال حلالهم وهم ابخص .. بس لازم يحطون ببالهم انو الأعضاء

راح يقل تواجدهم ومشاركتهم في الوقت اللي انتشرت فيه المنتديات

النسائية

ياليت الاداره ترد علينا او احد من المشرفات مايصير التطنيش

بعدين المنتدى اهي الاداره المسئوله عنه بس اهي مسويته ليش تسويه عشان الناس وحق الاعضاء كل واحد يعبر فيه عن رايه عشان جذي من حق الاعضاء انهم يعارضون او يوافقون عن شي يشوفونه اهو صح والراي يكون حق الاغلبيه صح والا انا غلطانه

وياليت احد يرد علينا من الاداره


وينج يالاموره ؟؟؟؟؟؟؟

كاتب الرسالة الأصلية : مسحوره

ياليت الاداره ترد علينا او احد من المشرفات مايصير التطنيش


وياليت احد يرد علينا من الاداره

:think: :think: :think: :think: :think: :think: :think: :think: :think:









وينكم يالمشرفات

أضم صوتي لصوتكم

السلام عليكم ورحمة الله وبركاته

أهلا بكم أخواتي الكريمات
نشكركم على ابداء آرائكم ، ومشاركتكم دليل حرصكم على منتداكم

تأخرنا في الرد لم يكن تجاهلا ، إنما هو عدم تواجدنا خلال الفتره الأخيره

أخواتي، جميعا يعلم بأن المرأه فتنه، خصوصا اذا كانت بكامل زينتها كما هو الحال في صور الماكياج

ولكي يكون المجال تعليمي فقط، لا للتمتع في النظر، فقد سمحنا بوضع الصور مقطعه للاجزاء المهمه من المكياج.. وهي العين
وشكل العين غالبا هو الذي يحدد طريقة الماكياج ، ولا حاجه للنظر في كامل الوجه

اما بخصوص ارفاق الصور، فبالاماكن ارفاقها في ملف واحد
بهذه الطريقه



مقدرين جهودكم وتعاونكم معنا فيما يعود بالخير للجميع


ولكم تحياتنا
الإداره

طيب و للي ما عندا فوتوشوب ايش ايسوي؟؟؟

كاتب الرسالة الأصلية : saroona1984
طيب و للي ما عندا فوتوشوب ايش ايسوي؟؟؟

أنا معاك يامسحوره

بس اللي ابي اعرفه سواء كان فيه تقطيع ولا الصوره كامله ليش ممنوع صور الفنانات
اذا عالأثم العارضه زي الفنانه وعلى قولة الأخت اللي تقول موذنبنا تطفل الرجال والعارضات والفنانات ماليين التلفزيون والنت
واحنا نبي نتعلم كل جديد بالمكياج سواء على فنانه ولا غيرها ونفس الشي نبغى نشوف جديد بالموديلات سواء على فنانه او غيرها ولا ايش اللي حببنا بالمنتدى إلا انه يوفر علينا الوقت نتعلم اشياء كثيره واحنا جالسين قدام الكومبيوتر صحيح نقدر نروح مراكز تجميل بس مو كلنا فاضيين وتعب علينا بعد

sorry عالأطاله بس هذا رأيي
:smile:

الصراحه انا مو مشردني من المنتديات الثانيه الا هالسالفه

لانها تشتت الواحد ومايقدر يركز بالمكياج عدل


بس اذا هذا قرار الاداره ما نقدر نقول شي :confused:

مع العلم ان الخشم هم مهم في المكياج

لان له مكياج خاص للتصغير والتكبير والتضبيط... الخ

مشكورة أختي مسحورة على هالمشاركة
ويعطيج ألف عافية:up:

وانا بصراحه أأيد كلامج وبقوة

مع احترامي لقانون الادارة:o

شكرا لكم يابنات على مشاركتكم الحلوه وموافقتكم

واشكر الاداره على ردها واقول لها انج صراحه غلطانه في هالقرار وقصدج تقولين انه فتنه فاانا اقولج انه العين اهي الفتنه لانه تكون فيها الاغراء ومن خلال قص العين بروحها تخلين مجال للاغراء اكثر والا ليش البنات الحين المنقبات اكثر ناس تلاحقهم لييييييييييييييش

واذا كنتوا مصرين على هالقرار صراحه انا اعلن انسحابي من هالقسم لاني وبكل صراحه مو موافقه على هالقانون بتاتا لانه مااشوف فيها شي مو طبيعي