أبحث عن كريم أساس!!!

مرحبا بنات..



انا بشرتي دهنية جدا جدا جدا جدا جدا جدا جدا جدا جدا جدا جدا جدا جدا جدا :sad:

(مستعدة اكتب لكم جدا من اليوم لين باجر من كثر ما بشرتي دهنية :sad: )


يوم ملجتي حطو لي كريم الاساس مال الصالون .. وانا يالسة اشوف مكتوب على الكريم انه لجميع انواع البشرة .. واقول لها انا بشرتي دهنية ما ينفعني هالنوع ولازم يكون حق البشرة الدهنية بشكل خاص .. قالت لي ما عليج هذا كريم يايبينه من امريكا وما في احسن منه .. وحتى ما خلتني احط الكريم المرطب الخاص بالبشرة الدهنية قبل المكياج.

والنتيجة طبعا اني خذت اكبر مقلب في حياتي .. لان عقب اقل عن ساعتين كان ويهي كله طافح بالدهون ولمعته تشوفها اخر واحدة بالقاعة.

هذا طبعا غير الصور الفاشلة لان ويهي كان يلمع بطريقة بشعة :sad:


والمصيبة الاكبر هي ريلي اللي انتبه وقال لي ويهج كان فيه شي
غلط وكأنه مبقع :cry:



والحين عرسي قريب .. وما ابا اتفشل نفس الفشلة مرة ثانية.

طبعاً ما بارتكب نفس الغلطة مرة ثانية وباصمم استخدم كريم اساس من عندي .. بس ابا حد يساعدني ويدلني على ماركة زينة اييب منها الاساس.

حاليا عندي كريم اساس TEINT TENDRE MAT من جيرلان .. وصراحة هو حلو .. بس للأسف بعد فترة يبدا يزيت شوي .. ولو انه افضل من غيره صراحة.

بس انا ابا اساس فعال جدا للبشرة الدهنية ويدوم وقت طويل بدون ما يزيت الويه او يظهر لمعة .. يعني ابا اساس يدوم مفعوله خمس ساعات على الأقل .. ابا شي يريحني وما يخليني حاملة هم خاصة مثل ما تعرفون اني باكون في الكوشة ما باقدر حتى اني اسير مكان اشوف ويهي كيف .. ومب حلو بعد ايلس اطالع ويهي في المنظرة جدام الناس.



يا ليت تساعدوني.