أفضــــــل دكتــــوره فى مستشفى هــــادى Q8

يا هلا بأختي تحرير

إن شاء الله بنات الكويت بيساعدونج

و دايما غديران سباقه في الرد على بنات الكويت

:cool2:



:up:

تحرير


أهلين



بالنسبة لمستشفى الهادي انا اراجع عند دكتور (عاصم الحاروني)اهوا سوري


بس بالنسبة لدكتورة في 2(بهواني)و(أنيتا) واهما وااااااااااايد زينين بس (بهواني )أحسن



والله يرزقج الذرية الصالحة يارب وتفرحينا بحملج قريب


واي استفسار انا حاضرة :up:

:eek2:

بسم الله الرحمن الرحيم


السلام عليكم ورحمة الله وبركاته



شكرا أختى فوانيس


الله يوفقك دنيا وآخره


*~*~*~*~*~*~*~*~*~*~*


شكر ا لك أختى غديران


ويا هلا فيك والله

أختى حبيت أسألك أنت تعالجين عند الدكتور عاصم الحاروني

عن شنو بالضبط ، ومن متى وأنت تراجعين عنده

يصراحه أنا ما ودى برجل هل هو يفحصك 000000 ؟؟؟؟؟



أختى أنا جربت بهوانى من زمان وقعدت معاها تقريبا شهرين

لكن ما تعجبنى كثير ،،، يعنى شغلها كله بسرعه بسرعه

ما تعطيك مجال للكلام ولا تفهمك أخذى الحبوب وتوكلى على الله

لا وأزيدك من الشعر بيت

إذا صار عندها حالة ولادة ،،، راحت وخلت عشرين وحده

تنتظرها بالساعة والساعتين

اللــــــــه يعينـــــــــــا


لكن أنت تقولين عنها أحسن ،،، أنت جربتيها أو أحد تعرقينه جربها


انطرك لا تتأخرين على


*~*~*~*~*~*~*~*~

شكرا فاطمه

تحرير



هلا والله


آسفه لاني تأخرت عليج

بالنسبة حق دكتور (عاصم) انا اول ما تزوجت من خمس سنين ونص اول دورة رحت وعلى طول راجعت عنده وعقبها والله حملت على طول بس طرحت وعقب الاربعين حملت مرة ثانية بس بالنسبة للفحص اهوا اول ما تروحين يفحص ويسوي لج سونار علشان يتطمن على المبايض واذا حملتي بإذن الله ما يفحص عليج الا للولادة وهذا اذا تأخرتي على موعد الولادة وفي حالة ثانية يفحص عليج اذا مع الحمل كان فيه التهابات وترى اهوا استشاري حمل وولادة وأطفال انابيب وعلى فكرة انا اي شي يصير لي على طول اراجع عنده لاني ارتاح له وايد ويقعد معاج يفهمج عدل عن أي شي تبين


اما بالنبسة (بهواني) انا بنت خالتي تراجع عندها وهيا تمدحهاوايد لانها ما تحب تراجع عند دكتور


و أي استفسار انا حاضرة :shy:

تحرير بدايةً مرتين ارسل لج بالخاص ومايوصل شيء بسبة صندوق بريدج المليان :s2


المهم ..

سألت لج وتقصيت وفي وحدة نفس حالتج عالجت عند ( الدكتورة : ماجدة اليتامي - بعياده خاصة ) والله رزقها الحين في بنت وولد .

عسى الله يفرج لج ويرزقج بالذرية الصالحة واتمني اني فدتج .


ولاتنسينا من صالح دعائكم

بسم الله الرحمن الرحيم



السلام عليكم ورحمة الله وبركاته



وين بنات الكويت


وينــــــهم :no: :no: :no: :no: :no: :no: :no: :no: :no: :no:

السلام عليكم ورحمة الله وبركاته

أختي تحرير أنا أعالج عند دكتورة إسمها دلال السالم عجيبة بعيادة بالجابرية فوق هارديز الجابرية خووش دكتووورة ومتخصصة ف يكل شي

بسم الله الرحمن الرحيم

وعليكم السلام ورحمة الله وبركاته


أختى ranen

جزاك الله خير على الرد

عفوا أختى ممكن أعرف عن شنو تعالجين 00000 ؟؟؟

وهل طلعتى بنتيجه 00000 ؟؟؟


ومشكوره مقدما


*~*~*~*~*~*~*~*~*~*~*~*~

بسم الله الرحمن الرحيم


السلام عليكم ورحمة الله وبركاته


الحمدلله والصلاة والسلام على رسول الله وعلى آله وصحبه أجمعين

أما أنا مع غديران ...

الاستشاري عاصم الحاروني رووووعه ...




مع حبي:shy:

السلام عليكم ورحمة الله وبركاته
حبيبتي تحرير


انا سمعت ان بهواني لك عليها,,, ومادية شوي

شرايك باستشاريه نساء وولاده وعقم (ناهده العلي) خوش دكتوره:clap:
انا اراجع عندها لان التبويض عندي صفر,,, والحمدلله استجبت للعلاج,,
وماجده اليتامى بعد زينه,,


تلقين رقمهم بالجرايد

ودمتم..............

فوة اختي تحرير

بالنسبة لمستشفى هادي أحسن دكتورة بهواني ..وايد وايد شاطرة ترى

بس كله مو بالعياده يا عندها ولادة أو مسافرة من كثر الزحمة اللي عليها ماشالله بس ترى وايد شاطرة

بس لأن عيادتها زحمة وايد وكله عندها ولادات ومسافرة انه غيرت رحت عند دكتورة (( معصومه مخصيد ))

وايد شاطرة وكويتية عيادتها بحولي صايرة .. بس ترى وايد وايد شاطرة ووايد ناس حملوا على ايدها بس ماعطتهم العلاج

وغير هذا أجهزتها يديده ومتطورة وأحلى شي تسجيل الفيديو عندها .. تسجل السونار على شريط فيديو بكل موعد تروحين وهذا شي حلو

ومواعيدها مضبوطه مع الزحمة اللي عليها طبعا .. وو عندها بعد جهاز السونار اليديد الثلاثي الأبعاد الملون

نصيحه روحيلها .. حتى زوجي يقولي هذي خوش دكتورة وايد مرتاحيلها انه معاه الحمدلله :)

تحياتي

:shy:

السلام عليكم

حبيت اشارك معاكم بالموضوع أنا كل دكاترة الكويت رحت لهم تقريبااا

بالمستشفيات الخاصه والحكومي

ورحت لمستشفى هادي وماستفدت شي ورحت للدكتوره معصومه مقصيد نفس الشي ماكو فايده

لكن الدكتوره ماجده اليتامى مارحت لها والكل يمدحها لأن في ناس وايد سوت لهم عمليات اطفال انابيب والمواليد كله توم ماشاء الله


اتمنى الشفاء للجميع