يا ريت منكم المساعدة الغاليات ... موضوعي يخص النظر ...

و عليكم السلام مواااادعة الروح


مافي شي من الي ذكرتيه يرجع النظر ...


ما اليك الى الليزر ..زوري المستشفيات المتخصصه في هذي الاشياء و هم بيعطونج كل التفاصيل عنه و عن احدث انواعه ....

:cool2:

الغاليه اللي عرفته ان الليزر محد يقدر يستعمله الا اللي بعمر 25

فما فوق .. والله اعلم ؟..

فشو تقولين بهالموضوع ؟؟!!

مرحبا اختي ..مواااادعة الروح

مافي شي يرجع النظر الا عملية الليزر .. والعملية تعمل لمن أكمل

العشرين عاما .. وهي عمليه ناجحة بس اهم شي الدكتور الي بيسوي

العملية .. يعني لا قدر الله أقل خطأ في العملية يسبب العمى ..

اختي اذا كان نظرك مو بهذيك الدرجه ضعيف مايحتاج انك اتسوينها

لاني أنا فكرت أسويها بس قلت انه في مخاطر وااايد تنتج عنها فقلت

أتم على ضعف نظري و ألبس عدسات أحسن من العمى ...

وماعليج من الدكتور اذا قالج أبدا مالها مخاطر ...لانه حتى احتمال ليس

بكبير انه بعد خمس سنوات يرجع النظر بالضعف ...

والسموحه اختي ...

[CELL=filter: glow(color=red,strength=5);][ALIGN=center]السلام عليكم ورحمة الله وبركاته
أختي موادعة الروح

النظر مو شي سهل
لازم تراجعين الطبيب وو راح يحدد لك
العلاج
أما عن طريق لبس النظاره لحفظ النظر
أو عن طريق عملية الليزر
وأنا ألاحظ أن كثير من الناس عملو العمليه
والحمد الله نجحت 100%
فأنصحت بمراجعة الطبيب ومعرفة نوع العلاج

ماتشوفين شر
عذبة الأحساس[/CELL]

هلا أختي .... بقولج شي انا كنت مثلج نظري ضعيف ومتعبني وايد .. لا والمشكله اني ماأحب البس نظاره وعيوني واااايد حساساه وماتستحمل عدساات ...أنزين شو الحل؟

بقولج شو الي سويته...

سويت عملية ليزك...ليزك مب ليزر أنتبهي ... الليزك هي العمليه اليديده الي يسوونها اما الليزر فهي من العمليات الجديمه والمؤلمه مثل مايقولون...سويتها ووالله اني ماطولت في غرفة العمليه اكثر من عشر دقايق ... والحمدلله الحين نظري سته على سته....بس اهم شي الدكتور الي يسويها لج...انا سويتها هني في دبي عن برفيسور يوناني وكان :up: اذا عندج اي استفسار اختي انا حاضره

وانا نفس الشئ كان نظري ضعيف واكره لبس النظارة وقبل سنة بالضبط عملت عملية الليزك مثل ماقالت الاخت يااسري مو الليزر ..
والحمد لله مرتاحة ..
راجعي طبيب وهو يحدد لك ويشوف نظرك .

والله فيكن الخيييييييييير خواتي

صدق ما قصرتوا ...

خلاص شوركن وهداية الله

لكن ..

بغيت استفسر اختي ..
(( يا آسري ))

شوه اسم الدكتور اليوناني ؟؟؟

ووين فدبي بالضبط عيادته ..

وتسلميييييييين انتي وكل من حدر و نصحني

تحياتي :shy:

موادعة الروح..

أنا زيك أعاني من ضعف النظر.. وأنا لسا عمري ماتعدى 20 سنة.. عشان كذا مااقدر افيدك الا بالشي القليل..

أنا ابويا قال لي انو حيسوي لي عملية الليزر في مستشفى مغربي.. الكل يمدح شغلهم وماشاء الله على مستوى..

وكمان اعرف وحدة سوت الليزر في مصر..

أما عن اللزك أنا حكلم ابويا عنه نشوف يمكن احسن من الليزر زي ماجربوا البنات :)

المهم.. فيه عندي كتاب جابه ليا ابويا اسمه ( الاستغناء عن النظارات ) لـ ( د. هاري بنيامين ) اشتراه من معرض الكتاب.. حلووو جدا لو استمريتي على الاشياء اللي فيه :)
وكثييييييييييييير وصوووني على الجزر.. كليه اشربيه سوي فيه اي شي..



يارب أكون أفدتك :)

مرحبا عزيزتي

الليزك افضل بكثير من الليزر

بس الاول تروحي لاخصائي حيفيدك اكثر لانو اذا بتستخدمي
عدسات ممكن يديك نظام خاص قبل لا يعمل لك عملية

ومساءك جوري

هلا أختى موادعة الروح...طلباتج اوامر ...المركز الي سويت فيه العمليه اسمه مركز الليزر الطبي للعيون..ومن اسمه باين ..هذيلا متخصصين في عمليات الليزر والليزك .. هو في مركز مزايا الي في شارع الشيخ زايد..بس أسم الدكتور والله ماأتذكره ..تعرفين عاد انتي اسم يوناني صعب شوي..بس تقدرين أختى تتصلين فيهم وبيخبرونج لانه ايي زيارات .. انا قبل لاأسوي العمليه مدحولي اماكن وايد مثل البحرين يقولون انهم شطار هناك .. والمستشفى الامريكي في تايلاند بعد .. بس تعرفين شو الي خلاني اطمن اسويها هني عن التعب والسفر؟؟ ان هذا البرفسور هو الي مخترع الليزك اصلا... :smile: