عروس .. وساعدوني في اختيار أطقم الشيل والعبي

مرحبا
بالنسبة للمحلات عندج محلات ابوحليقه موجود في بوظبي مول عندكم في بوظبي و بعد في السوق الجديم
سويت ليدي شي فالشارجه و دبي و العين و موزان في العين و بلودان في جميرا
بالنسبة للموديلات اخر موديل نزل اللي هو الحركة تكون على طول الايد مثل الزم كسرات من الجتف الى الايد
اغلب الحركات على الايد
عندج حناين منزلين ديزاينات اليديده بس شوفي الكتلوجات
السموحه

ياليت اللي عندها كتلوجات للشيل والعبايات ياليت تزل الصور على شان نستفيد


:shy:

حيالله بالعروس ألف مبروك اختي والله يسعدج إن شاءالله

شوفي اختي انتي اكيد خلصتي ملابسج من عربي ومغربي واللازم منه
صح انزين فيه محل اسمه مشاعر في بوظبي ممكن تاخذين مغربي عندج عليه شغل شك او تطريز بارز تاخذينهم للمحل واتقوليله سولي نفس الشك على الطقم من الاطراف او تحت على كيفج واختاري نوعيه القماش اللي تعجبج هو حلو ومرتب مسوتنه انا في العيد .. على فكره اسعار المحل حلوه ومناسبه .

وفيه بعد شيء ثاني روحي عند العروسه او الباقه او زوري كل المحلات الاقمشه اللي في السوق اليديد وقوليلهم اريد قطع عبايا من الاورجنزا او الشيفون أو تور أو قوليله طلعلي قطع الفساتين اللي لونها اسود وبتلقين اشياء روعه وخذيها لنفس المحل وقوليه ايفصلج إياهن موديل بسيط وما فيه شيء لانه اكيد القماش بيكون فيه شغل بس أختاري القصه واختاري نوعيه القماش المناسب له .

وبعد فيه شيء :) روحي عند محلات خنجي اول ما بتدخلينه ما يعجبج شيء بس قوليلها طلع كل اللي عندك لانه في البدايه ايطلع اشياء مب حلوه بس يوم ادورين زين بتلقين اشياء مش موجوده عند حد .

وبالتوفيق اختي .. واسمحيلي طولت عليج :)

ينقل لركن الطلبات

أختي أول شي ألف مبروك.. والله يوفقج انشالله

بالنسبة لمحلات العبي.. انتي طلبتي غير فير ليدي صح.. أنا أكثر شي أتعامل وياهم.. شيلهم حلوة.. بس مثل ماقلتي عبيهم تتمزع مرات وحتى الشيل مرات زينة ومرات لا.. لاكن الزين انه شغلهم نظيف..

وقلتي عن ايفن بلاك.. هو بميغا مول.. بالشارجة.. أنا سرته وكنت أدور الشيل الماركة بس ماعيبني شغلهم وايد وراواني اللي عنده ماعيبني الصراحة دفش بس وحدة خبرتني انه بامكانج تخففين من الموجود عنده.. وبما انج عروس أعتقد بيناسبج وخاصة اذا انتي من اللي يعيبهم الشج وهالسوالف..

عندج بعد اليت.. اللي ببالم سترب بدبي.. الناس مغيره اله هالفترة.. فصلت عندهم عباية بس.. يمكن شفتيها اللي شغلها عالايد وكلها زم.. الصراحة حلوة.. بس الباقي بعد حسيتبه دفش شوية يمكن لأني ماحب سوالف الريش وهالأشياء لاكن مانبشت باللي عندهم يعني شفتهم عالطاير.. وبعد بدبي بوافي عندج لارين.. بصراحة يعيبني توقيعهم..بس التصاميم أشوفها يعني..

بأبوظبي بعد عندج مشاعر يمدحونه وخاصة للعرايس.. وايد من كبار الشخصيات يفصلون عندهم.. شوفيه يمكن يعيبج..

وبعد موزان بالعين.. عندهم مرات أشياء زينة.. وبعد عندكم بأبوظبي بلودان.. شوفيه يعني خذيلج لفه على أغلب المحلات..

مرحبا...

مادري ليش نسيتوا محل First Choice.. الاختيار الاول..
محلاته في كل الامارات.. وبصراحه تصاميمه حلوة... وكل محل يختلف عن الثاني.. لان الوكلاء مختلفين بس نفس الشركه،،
بلودان بعد تصاميمه حلوة..
Eve In Black او بالاحرى الاميري... تصاميمه اوكي.. بس دفشه شوي..
حناين تصاميمه زينة...

First Lady.. الخمار.. تصاميمهم حلوة..

والله فيه محلات وايد ماتحضرني.. اذا ذكرت بخبركم

تحياتي

السلام عليكم ورحمة الله وبركاته


انا انصحج بمحل اليت الي في بالم سترب في دبي (جميرا)


انا واااايد يعيبني




أم حميد