سؤال لبنات دبي

مرحبا اختي ..

انا رحت من كمن يوم ادور لعرسي .. وشفت المحلات الغالية والمحلات المعقولة من ناحية الاسعار والدزاينات


مثلا ..

مركز الشاطى .. الطابق الثاني .. ما اذكر شو اسمه .. عندهم افكار حلوه .. يبتدون من 25000 وساير طبعا من دون الاضاءات .. الاضاءات بروحها ب 5000 درهم

الضيافة الملكية .. ورا بوهيل عند اصاله .. عندها استيجات حلوه ومعقولة من ناحية الاسعار .. يعني قالتلي الاستيج مع الاضاءات بحدودال 20000 و 25000 وساير ..طبعا اذا تبين الاستيج بروحه من دون الاضاتءات يطلع اقل

المناسبات ... الشارقة .. اسعارهم حلللللللللوه ومناسبه لكل الطبقات .. والصراحة اسعاره زينه ووايد يمدحونه .. وتصاميمه يديده ويسويلج الي تبينه اذا عندج افكار يرسملج .. مع الاضاءات ومدافع الورود قالي ب 20000
طبعا اذا تبين الاستيج بروحه من دون الاضاتءات يطلع اقل

ويقولون في وافي في محل يسوي اشيا حلوه .. ان شاء الله اذا سرت خلال هاليومين بخبرج عنه

هييل الي سرتلهم .. واليوم ناوية اكمل مشواري ...

المناسبات الصراحة انا سرت لهم معاملتهم زفتة موووول مب زينة للزبون الصراحة:down::down::down:

اصفهان عندهم اشياء حلوة واسعار معقولة

مشكورات خواتي على ردكنبس اريد بعد محلات اكثر

الي في وافي سرتله اسم المحل البتله بس ما حصلت الي يصمم الكوش

كان مب موجود

:up:انزين اتذكرت رررروحي عند لاماري لتنظيم الحفلات اول كانوا في قرية البوم الحين طلعوا مكتبهم في ديرة

لاماري تحقق احلامك ليلة زفافك

عندج بعد اماسي في الشارجه عدال مركز الذهب عنده اشياء وايد حلوه كل اللي تبينه عنده ويقدر يفصلج بعد ومعاملتهم وايد زينه وصاحبه مواطن واسعاره بعد مناسبه والمواطن احسن من الغريب هو عنده سكرتيره تقدرين تتفاهمين وياها اذا ما بغيتو تتكلمون وياه وهو بعد كان مسوي مهرجان رمضان في خورفكان يعني الراعي الرئيسي للمهرجان

أماسي اسعاره حلوه واشياءه حلوه

بس قوليلهم تبين الكوشه تصميم ولا من الصور لان عندهم وايد كوش وبيطلعولج صور في البدايه

قوليلهم الفكره وبيرسمولج اياها او بيبون تصاميم مرسومه


في الشارقه عدال مركز الذهب في شارع القاسميه

5668661/06 أماسي لخدمات الافراح

لاماري تحقق احلامك ليلة زفافك

مثل ما قالت التمساحة

لاماري و بس

السلام عليكم ورحمة الله وبركاته


النجوم الخمسة في الشارجه... بتاع كلوو
مراسم في دبي/ مغربيه واشياءها فخمة كثير.. من صبابات الشاي والحلويات.. وزينة الطاولات و الكراسي والكوش..



ألف مبروك .. مقدماً

مرحبا


بنات في حد بيضيف محلات جديده لاني ابي اسامي محلات غير


ابا اسامي محلات للكوش والبطاقات والفرق


غير اللي ذكرتوهم

كملت مشواري... ورحت عدت محلات ..

اول شي سرت عند الياسات ..
الله لا يراويكم من الاستيجات الي عندها استيجات جديييييييييييييييمه ومغبره .. يعني مافي داعي اتعبين عمرج وسيرين ..

وعقب سرت المحلات الي فالشارقه اصفهان وطهران وغيره ما عيبني شي ..

وسرت الي في بوهيل محل الكوشة عندها اشيا حلوه بس مب الي انا حاطتنها في بالي ..

واخيرا :y_hi: سرت المناسبات للزهور الي عند مركز الفردان .. اتخبلت عنده اشيا غريبه والمحل من برع يهبل تقريبا نفس الي في مركز الشاطئ وحجزت عندهم استيج مع اضاءات القاعه كلها ومع المدافع ومع مسكة العروس وتزيين الطاولات والكراسي والبطاقات وبيرسملي دزاين الكيك كله تقريبا ب 36000 درهم

والحمدلله افتكيت بس باقي الفستان والفرقة والتصوير

طبعا كلكم معزومين عالعرس .. وما اقبل اي اعذار لو سمحتوا

الف مبروك بجعه

عاد تعرفين انا مريحه نفس هالسوالف مخليه ريلي يتعب فيها

بس انا باقي الفستان والفرقه والمسكه


هب عارفه من وين اخذهن

يالله خبرينا من وين عسي نروح ونطالع

وانتي شو حاطه في بالج اي فرقه اتيبين


:smile:

والف مبروووووووووووووووك الغاليه

مريم

انا بقلج من وين تاخذين المسكة ..

سيري عند جون الي ورا بوهيل عنده اشيا حلوه .. بس انتي اختاري الشكل

ولا عند المناسبات الي انا رحت عنده بيسويلج باقة وهو يرسملج على حسب شكل الاستيج..انتي عطية مواصفات الاستيج وهو بيسويلج

في بعد في جميرا ما اذكر اسم المحل .. اترييني الين العصر بييبلج اسامي المحلات الباقية

اما عن الفرقة انا بعد محتارة .. بس الفرقة الي كنت يايبتها في الملجة وايد حلوه .. دقهم حار ويغنون عربي هندي وايراني وانجليزي ..

بس يمدحون نشوان .. انا ما حجزتهم قلت بيرب اول شي وبسمع شريط لهم

:::::::bj3a ::::::::



بخصوووص الفرقه.......انصحج اتيربين نشواان.....لانهم يغنووون اغاني عيضه والجسمي وخص اليديده منها........ومافيهم حييييييييله تربيييش من الخاطر....ومبرووووووك مقدما ع العرس......عسى الله يبارك لج ويسير دروووبج



واسمووحه ع القصووور

ختج مووت المشاعر

موووت المشاعر

مشكورة اختي ... بس ممكن سؤال ..؟؟

شو من الاغاني الي يغنونها .. يعني العربي والايراني والهندي ؟؟

اما عن اماكن المسكات

الي في جميرا اسمة ود

وفي جنب اسكاليني .. محل اسكاليني يسوي باقات حلوه وراقية

هلا الغاليه

اوكي عندي سؤال

فرقه نشوان المغنيه من اي جنسيه وكم رقم تلفونهم

بليز طرشيه على الخاص


تسلمين
والله يبارك فيج


مريم

هلا اختي مريم

اتصلي 181 واطلبي فرقة الفنون الشعبية في الشارجه ..

اتصلي فيهم بيعطونج اسامي الفرق كلها وارقامهم

بالنسبة لفرقة نشوان هل دق حريم بدون موسيقى وإلا بموسيقى

لا الي يغنون هم رياييل ..
وبالنسبه للموسيقى والله ما اعرف احنا يوم انيبهم انيبهم مع الموسيقى والدق كامل .. انتي اذا ما تبين موسيقى ساليهم يمكن يسوولج الي تبينه