استفسار عن الكريمات المعطره للعرايس !!!

انا بعد ابي اعرف وين الاقي مثل هذي الكريمات المعطرة للجسم علشان انا بعد زواجي قرب :pain:


وينكم يا بنات:eek2:

هااااااااااااااااااي:smile:

حبايبي الكريمات هذي متوفره روحي محل يبيع عطور وعشانك عروس
لازم إذا جيتي تشترين لك عطر تسئلينه إا كان له كريم أولا لازم نفس العطر عشان تثبت الريحه وتكون ريحتك وحده مش مخلطه وتجي بعلبه
طقم أحيانا(العطر والكريم وجل شاور)
مثل عطر ألور من شانيل .....

فوفو 2

تسلمي على الرد

بس انا ما ادور عن الكريمات لعطور الماركات

لالالالالا

انا ادور لعطور مركزة ودهن عود .....الخ

مثلا من سويس اربيان حصلت على لوشن لعطر كشخة وكذا عطر

فحبيت اسأل هل هناك نوعيات اخرى في اماكن ثانية ؟؟؟؟؟؟

:oوالله ماعندي خلفيه بس إنشاءاالله البنات ماراح يقصرون معاك
والصراحه نبهتيني لشغله مهمه لأني ماشريت .....
الله يعين يبيلي نزله لسوق أروح أشتري:pain:

فوفو2

جربي فعلا اللي ما دهن العود والشيء الثقيل

هذا ريحته تبقى اكثر

وبيني وبينك سألت المتزوجات فقالوا لي

ان الرجال يفضلون الروائح القوية مالة العود ودهن العود والمخلطات اكثر من العطور الفرنسية :shy::shy::shy:

حبيبتي ..

في عطر جامد من سيد جنيد أسمه حرير ينحط مثل الكريم .. و الله خيااااااااااااال ..

جربيه في المحل و شوفي

على دهن العود


و السموحة

تسلمي على الرد عزيزتي رناد

بس هذا عندك ؟؟ مافي شيء غيره ؟؟؟

اريد اكثر اكثر من كذا

حتى لو اريد منكم طريقة الخلطة وانا اجربها بنفسي ..؟؟

ولج الشكر اختي

وبانتظار الردود

طيب أنا ساكنه في السعوديه(الشرقيه) وين ألاقي هالكريمات:eek2:

والله ما اعرف لأني من خارج السعودية

بس دوري

عن عطور سويس اربيان .. عندكم هالعطور ؟؟

اتوقع موجوده لأنه كل الخليج تتوفر عندهم

رناد .....

بكم يجي هذا اللي تقولي اسمه حرير ؟؟؟؟

كم سعره تقريبا ؟؟؟

حبيبتي ممكن تروحي لمحلات العوده عنده هذي الكريمات انا غندي زيها

واذا مره عجزتي ممكن كريم عادي وانت حطيله العوده والروايح اللي انت تبغيها:smile:

محلات العودة ؟؟؟


وين هاذي ؟؟؟

السلام عليكم بنات


بقول لج على طريقه انا ما جربتها لكن سمعت عنها ...

يقولون ممكن تجيبين كريم عادي بدور ريحه ...تاخذين الكيمه الى تبينها ...تبين تستخدميتها و تحطين عليها سويه دهن عود او مخلط او اي عطر عربي نبينه ...و بعدين تستخدمينه ....

جربي بكميه صغييره ..(يعني خذي شويه كريم مع قطره عطر ) اول شي شوفي الطريقه بتنجح و لا لأ ..

هذا الى سمعت عنه و ما جربته و ما اعرف التفاصيل اكثر من هذا الى كتبته ...يعني انا غييير مسؤله عن النتيجه

تحياتي
:smile:

حتى انا ابغى اعرف
احب الجسم يكون بريحه مميزه وقويه

شكرا مرمر على الرد والفكرة وبجربها وبخبرك

لقيت مشاركة من الاخت aldrqa وفيها خلطات للعروس
قلت يمكن تحتاجينها
:smile:

كاتب الرسالة الأصلية : aldrqa




خلطة خاصة:
المقادير:
تولة دهن العود / تولة زعفران اصفر / نصف تولة روح الورد / تولة عرق العنبر / تولة موتيا / تولة فيجي البحرين / نصف تولة فل البانيان
الطريقة: يوضع داخل الخلطة قطع من العنبر الأسود المذاب في داخل الدهن الورد

خلطة خاصة لجسم العروس:
المقادير:
نصف تولة مخلط دهن العود / نصف تولة صندل / نصف تولة دهن العود العادي / نصف تولة دهن العود العمومي /
الطريقة: تخلط جميع العطور مع الكريم اللوشن (أي ماركه) ويوضع على جسم العروس


الخلطة الثانية لجسم العروس:
المقادير:
علبة كريم اسكيب Escape / ربع تولة دهن العود
الطريقة: يخلط دهن العود مع كريم اسكيب ويدهن به جسم العروس

خلطة خاصة لشعر العروس:
المقادير:
خمس ملاعق مسك الطياره / تولة دهن العود / تولة عرق العنبر

خلطة خاصة لفراش العروس:
المقادير:
ماء لوشن ابو البنت / عطر ياسمين / ماء الريحان / قطرات من روح الورد / قطرات من الفل / ثلاث ملاعق مسك بودره / قليل من ماء الورد / تولة دانة الدنيا

يتبع

آآسفة أختي أم عهد على التأخير ما انتبهت للموضوع إلا تو

حبيبتي انا ما أعرف سعره بالضبط لأن الوالدة الله يحافظها جابته لي صوغة من الإمارات و لما طلبته من البحرين الأسبوع الفايت قالو لي انتهى و عليه طلب .لكن أتوقع ما يزيد على 20 دينار . أتوقع !
و فيه ثلاثين مل .. و علبه كرستالية من جوة .

و أنا ذكرته بروحه لأن ملمسه رهيييييييب .. كانه سيرم نعومة و ريحة حلوة .

و فيه عدة كريمات مجموعة في عطورات الحرمين أنا ماخذه منها المخلط تبعها و برضه ريحته حلوة و تغلب عليه الصندل .

و أنا لما أجي أتعطر و أبي الكريم يكون فيه عطر أخلط شوية بيدي كريم الجسم مع عطر ثقيل مثل مسك الحرمين ..خلطة عود عندي .. عود كمبودي أي شي ممكن تخلطينه و تمسحين فيه و تحطين من الطيب نفسه على جسمج يعني ورى الأذن و في الرسغ و بين الـ..... ؛ و وين ما حبيتي .

فيه كريم أذا أنتي حابه تكون الريحة قوية وايد لكنه مو من الأطياب العربية أنا استخدمه و أستخدم بودرته و أحط خليط من المسك و العود على جسمي معاه و بعدين أرش أي عطر أحبه و أتبخر بعد و شوفي ريحته كيف رهييييييبة .

هو كريم أنجل القديمة مو الجديدة الي علبته مدورة و غطاته فضية فيها نجمة بارزة و بودرته فظيييعة فيها لمعة خفيفة ؛ إذا ودك جربيه في المحل و تصوريه مع هذي الأشياء كلها و شوفي يناسب و لا لا .. و خذي الكريم مو اللوشن .

بالنسبة للعطور ..
أنا الصراحة ما أعتمد مرة على نوع واحد دايم خليط .
يعني مثلا ..
عود الشمس أجمل + فتون سيد جنيد + حروف من الشايع .
عود لشمس + أنجل + فانيليا من بودي شوب أو ماركة ثانية .
أنجل + حروف + خلطة سدرة من الحرمين .
عود الشمس + دهن ورد بلغاري بخاخ من البصيري + الخلطة الفضية من الشايع .

أترشرش من كل واحدة بخة بختين و بس عشان لا تصير الريحة مو حلوة.
و بعدين أحط البخور .. أما كمبودي أو بورمي أو بخور المعاريس من أمل الكويت أو المميز من الرصاصي ، أو أشوف النوع الي عندي شنو جديد .

في مرة شريت هدية لشخص من عطورات مكة عطر أسمه أجناد مكة و هو خلطة بخاخ لكن عجبته حيييييييل أنا ما شميته كثير فخفت أنها ما تناسب لكن أثنى عليها وايد ممكن تشوفينها .

أممممم في عطورات جديدة من سيد جنيد مثل دجى ؛ أصيل من سويس أربيان .. أمي تو جابتها لي و وايد عجبتني .

هذا الي عندي الحين يا قلبي و السموحة .على التطويل .

أختج

:smile:حبيبتي في محلات كثيرة مثل اجمل عنده اشياء وايد حلوة للعرايس مثل سوسن ريحته فظيعة وفي منه الثقيل والعادي وعنده ابراج وسبا ودانة الدنيا وهردة والجديد منه أحبك ترى كله مجرب وينفع للعرايس وعندك خلطة الزعفران للشعر وتقدرين تسوين منهم خلطة وعند جنيد قيم وفدوى ممتاز ولا تنسين الرصاصي عنده اشياء حلوة والاهم لا تنسين دهن العود كمبودي أفضل شيء

مشكورة رناد فعلا افدتيني وايد

عذراء .. اعرف عن العطور كلها بس اسأل عن الكريمات المعطرة بريحة العود

بانتظار ردود البقية ،،،،،،،،:shy: