وش يصير بعد ازالة شعر وجهك بالليزر ؟؟؟

السلام عليكم...

الاخت جورجي انا سمعت ان وحده سوت ليزر لوجهها وبعد فتره صح انه ما طلع شعر على الوجهه بس طلع شعر تحت الخد.يعني الجلد اللي داخل الفم طلع فيه شعر ويعني انه وايد خطير انا هذا اللي سمعته..وارجو انج ما تسوينها وتحاولين تستخدمين طرق ثانيه...

تحياتي

صح من عيووب الليزر انه الشعر يطلع تحت الجلد وهذا صعب جدا في الازاله بعدين وانا بالنسبه لي سويت ليزر 5 مرااااااااااااات ووقفت وطلعتلي حبوووب انا في غنى عنها :(

بسم الله الرحمن الرحيم

عزيزتي جوري انا سويت الليزر بوجهي عند اخصائيه جلديه لاني كنت

خايفه من التجربه

وللاسف ليتي ما سويت بقع وجهي واخذ شكل دوائر نفس شكل الجهاز

اللي تستخدمه

والحين لي سنه وشوي وللحين ماراح الاثر وانا قاعده اتعالج منه

شوفى عزيزتى انا جربت الليزر والصراحة نتايحة وايد حلوة وارتحت من الشعر صراحة وبعد كم جلسة الشعر خف وايد صار وبرى

انا سويته طبعا عند دكتورة جلدية مختصة

وانصج اذا قررت تسوينه سوى قبل العرس باسبوع وراح تنصج تحطين كريم مضاد لمدة ثلاث ايام وحاولى ما تطلعين للشمس وايد وبعدها عادى حطى مكياج

والصراحة لازم تروحين عند دكتورة شاطرة ومعروفة احسن


واى سؤال انا حاضرة :smile:

اسالووووا مجرب و لا تسالوون طبيب ... انا صارلي اربع سنوات اتعالج بالليزر ما في فايده صح الشعر خف بس صار ذقني اخضر كني شاله بموووس في ناس ينفع معاهم و في ناس ما ينفع اذا وحده في وجهها شعر خفيف لاتتعبث فيه تتركه لكن هالليزر كنت اسوي مره و اقعد في البيت اسبوع او اسبوعين و الله العظيم اذكر انهم يحرقووون ويهي كانت تطلع لي بقع بنيه على بنفسجيه و الله كرهت حياتي و انحرج الناس تسالني شفيه ويهج و شفيه .... ما تركت عياده في الامارات الا و تعالجت عندهم اخر شي استقريت في مستشفى الزهراء في الشارجه الحمدلله مابي اغير عن الليزر لانه مده ظهور االشعر مره ثانيه تطول احسن من الخيط والملقط و هالاشيا .. يعني شقوول صح شعر ويهي خف بس علامات الحرووق و الاخضرار اللي تحت الجلد بهدلتني و الحين انا اتعالج منها ...


الخلاصه اذا في ويهج شعر خفيف لاتتعبثين فيه اتركيه و اذا وايد ملحووظ سوي ليزر بس في مكان معرووف و لا طولين في استخدام الليزر مثل ماسويت انا .. هو حلاته ان بعد فتره طويله يرجع يطلع الشعر ..

السلام عليكم ورحمة الله وبركاته

انا الصراحه نفس الحاله فكرت اسوي ليزر لويهي بس خايفه من اضراره
وسالت بعض البنات وما لقيت الجواب الشافي لاكن اللحين راضيه بالشعر اللي بويهي شعر ولا بلاوي انا في غنى عنها

بنات والله خوفتوني...؟؟؟:confused:

انا سويت الليزر مع ان شعر وجهي خفيف !!! بس قالت لي الدكتورة انه افضل مع التقشير عشان يصفى مرة وحده...!!!

يمكن سويته من ثلاث شهور و يرجع يطلع بس أخف و بصراحة نجح اكثر مع الشعر الغزير في الشنب وبس ..

وسألتها عن اضراره و البقع اللي يسببها قالت لي مثل ماقال ت الأخت
شواطئ الفرح ..لأن الأهمال يؤدي لنتيجة عكسية..

والله خفت و صرت اناظر وجهي؟؟؟؟:eek2:

حراااااااااااااااام عليكم زيغتووووووووووووني :o:o

بنااااااات سويت ليزر قبل كم يوم في مركز اوباااااااااااجي والله للحين ماطلعلي اي اثاااااااار بلعكس الشعر اللي فذقني واحس ان ويهي صار اصفى

تتوقعوووووووووون بيخترب وبتطلع علامات قولولي الله يخليكم لاني مرعوووووووووووووووووووووووووووووووبه


:confused::confused:

اختي فطيم انتي حالقه بلموس قبل الليزر لان الدكتوره قالتلي لاتحلقين بلموس قصيه بلمقص وخلي الشعر قصير واااااااااايد وضربتلي بليزر
والحمدلله ماصار لي اي شي بس خوفتوووووووووووووني اخاف يستويلي شي :confused::confused:

قولووووووووووولي اعصابي انهارت

بنات مرحبا ....... :y_hi:

انا قريت بمجلة طبية انو ااذا طلع شعر برضه بعد ما عملتي ليزر .... معناه الشعر الزايد نتيجة للهرمونات ولازم تعالجين هالشئ قبل لا تعملي الليزر وشكرا

:z_bye:

هلا أخواتي ..

كل وحدة الحين تتكلم عن تجربتها ولا تجربه هي سمعت عنها من أحد زميلاتها ..

يزاكن الله خير ..


بس اكيد لازم تعرفن انه كل وحدة طبيعة بشرتها وطبيعة هرموناتها تختلف عن الثانية ..

يعني في بنت تستجيب بسرعة للعلاج لان افرازها للهرمونات الذكريه أقل

من غيرها الي استغرق عندها العلاج لعدة سنوات .. وفي بنت اتأذت من

الليزر لان درجة لون بشرتها سمراء ولازم تستخدم درجة الليزر الي تناسب

لون بشرتها وطبعا تستخدم كريمات لتفتيح بشرتها فكلما فتحت

بشرتها كلما زادت الدكتورة من درجة الليزر فيكون أنفع للعلاج ..


وقبل العلاج بالليزر أنا انصح الأخوات بعمل فحص للهرمونات .. فإذا كان

هناك خلل في إفراز الهرمونات تقوم بعلاجه لان علاج الهرمونات يستغرق

وقت طويل سنة أو سنتين .. وخلا فترة العلاج هذه تقوم بعمل الليزر ..

حتى تحصل على نتيجة مضمونه ودائمة ..

وطبعا طبيعة جهاز ليزر عن جهاز تختلف .. وكل جهاز له خصائصه ..

والوحدة المفروض ما تتعالج بالليزر الا في مراكز أو مستشفيات معروفة

ومعتمدة من وزارة الصحة طبعا .. ولا تلجأ إلى الصالونات أو المراكز غير

المشهورة ..


تقبلن خالص تحياتي ..:up:

السلام عليكم
بما إني مجربة الليزر من سنتين فأنا أنصحك فيه بلا تردد خاصة إذا كانت بشرتك بيضاء واستعملتي الكريمات صح بإذن الله ناجح والطبيبة هي اللي تحدد كم تحتاجين من جلسة وكم درجة الليزر .....الخ
أنصحكم بمركز الحبيب بالرياض أجهزة متطورة ودكتورة اليانا عندهم ممتازة
وكل شي بيد الله واقرأي الفاتحة سبع مرات ثم انفثي بيدينك وامسحي وجهك كل يوم وبتشوفين الفرق بإذن الله.....بالتوفيق

السلام عليكم ورحمة الله وبركاته

هلا بكل الخوات الصراحه أنا مع الأخت ^ خولـــuaeـة ^
فكلامها بس إذا تبون الصراحه أنا عن نفسي صح ما جربت ( بس أفكر جد إني أجرب ) لكن أغلب الناس إلي أعرفهم وجربوا مدحوا الليزر لأنه يطول لين يطلع والشعر يخف مع الوقت
وبالنسبه للبنات إلي جربوا ممكن إذا هالشي مب ممنوع في المنتدى إنهم يقولون وين سووا الليزر و الأسعار حتى لو بالتقريب (عشان الواحد يحتاط ما يروح ويفتشل ) :shy::shy:

بصراحه في بعض الردود تخوووووف وبعضها تطمن

وبعضها تخلي الواحد في حيره00

وان شاء الله اذابسوي بروح لدكتور متخصص أضمن لي00

ولاتوقفون رددودكن اللي عندها معلومات اكثر تفيدنا00

وجزاكن الله خير وحده وحده والله ينول لكم اللي في بالكن00(u)

طيب يابنات فيه احد منكم سواه للايدين وللابط000
ارجوكم قولولي لاني كنت ناويه اسويه بس خوفتوني000
وكم يستغرق وقت ياترى00لاني زواجي بعد4 اشهر ونص

خوفتوني:pain:

انا كنت اسوي ليزر عند دكتورة معروفة بس اشوف النتيجة صارت عكسية والشعر زاد ربيعتي سوت عقبي بفترة عند نفس الدكتورة بس ماشاءالله ويها صافي واستجابت لليزر بسرعة .. يعني هو يعتمد على طبيعة الجسم

والحين انا غيرت واسوي في مركز متخصص بس اشوف الحمدلله ماشي معاي اوكي لكن الحبوب كثرت في ويهي لكن احاول اتغاضا عنها في سبيل الشعر.. اللي موخوفني انه مركز مو صالون .. يعني الله يستر في المستقبل :pain:

ان شاءالله كل خير يا خواتي

:eek2:
خوفتونا