ارجووو المساااااااااعده

:clap:حور العيون:clap:

ياهلا بيج نورتي المنتدى ياحبيبتى انشاء الله بسألج وبخبيرج

وانا متأكدة ان البنات مايقصرون معاج:shy(u)::shy:

:confused: :confused: :confused: :confused: :confused:

مشكوره اختي ام عدول على مرورك

وحده بس الي ردت على موضوعي مع انه كان املي كبير فيكم

الله يسامحكم

حبوبة في مواضيع وااااااااااايدة ن المايونيز في هالقسو

اقري وانشاء الله بتلقين كل خير

بس اقولج تراه زين وفنان
ودوري بتلقين خلطات حلوة مع المايونيز كاتبينها البنات


:shy::shy:

الله يسلمج...سمعت ان المايونيز للشعر المجعد....

بنت ربيعتي عمرها 9 سنوات....... وأمها تحط في شعرها ما يايونيز بس تخلطه
مع الماي عشان اينعم شعرها...

أما ان المايونيز ايطول الشعر أو يغلظه ما عندي فكرة والله....

بس هو ينعم الشعر ويعطيه رونق....:up:

أتمنى اني أكون أفدتج بشي.....

رفيجتي تستخدم المايونيز ويعطي شعرها لمعه فظيعه


اذا تبين تعرفين المكونات تكون مكتوبه على العلبه الجاهزه الي تنباع بسوبرماركت

حور العيون

ياهلا بيج نورتي المنتدى ياحبيبتى


الميونيز وايد زين حق الشعر :up

salema

مرااااااااحب فيكم بنات

ومشكورين على ردودكم الحلوه تصدقون ردت الروح

فيني بعد هالردود مع اني كنت شوي وبيأس قلت طنشوني

بس رجعلي الامل

ومشكورين مره ثانيه على المعلومات

اختي اللي اعرفه ان تضربي البيض مع زيت عافية
لاني جربته كذا . ومرة شفته بدعاية زمان حق خلاط معين ويصنعوا المايونيز بيضة مع زيت تزودي الزيت اكثر شوية وتحطيه بالخلاط ويصير مثل الكريمة
جربيه
لاني جربته وطلع حلو معاية وناسبني
وكنت احط معاه شوية ليمون وماء ورد قليل علشان اتقبل الريحة..
هذا اللي اعرفه ..
تحياتي.

اللي اعرفه ان المايونيز يعطي لمعه للشعر....بس ما اتوقع ايغلظة:pain:


و حياج الله:shy:

بما أن المايونيز مفيد للشعر......فاإليك طريقة عمل مايونيز طبيعي مغذي لشعرك.....


الوصفة الاولى:
بيضة كبيرة
نصف ملعقة صغيرة من الملح
ربع ملعقة صغيرة من الخردل الجاف
ملعقة صغيرة من الخل
ملعقة صغيرة من عصير الليمون
كأس من الزيت
الوصفة الثانية:

بيضة كبيرة
ملعقتين كبيرتين من عصير الليمون الطازج
ملعقة الى ملعقة ونصف صغيرة من الخردل الجاف
كأس الى كأس وربع من الزيت( أنا أفضل زيت الذرة لأنه اسرع زيت تمتصه فروة الراس)
ملح وفلفل (حسب الرغبة)
ملعقة كبيرة من العسل
طريقة العمل:

يمكننا ان نستخدم البيضة كاملة كما انه يمكننا استخدام الصفار لوحده.

في البداية نحضر خلاط يعمل على أكثر من سرعة. نبدأ بخفق البيضة (أو الصفار بعد فصله)، ومع الاستمرار في الخلط على السرعة المنخفضة نصب الزيت قطرة قطرة، وبعد ان يبدأ المايونيز بالتشكل نزيد كمية الزيت بحيث تكون على شكل خيط رفيع، نستمر حتى انتهاء نصف كمية الزيت. نضيف المكونات الأخرى (خردل، ملح، بهارات، عسل) مرة واحدة مع الاستمرار بالخلط. واثناء اضافة النصف الآخر من الزيت الى الخلاط يتم اضافة عصير الليمون والخل (اذا وجد مع الوصفة) بالتدريج، ويمكننا ان نستخدم السرعة العالية للخلاط عند اضافة النصف الثاني من الزيت.

ان اضافة الزيت بالتدريج (من قطرات الى خيط رفيع) مهم جدا لتكوين المايونيز، ولن يتشكل المايونيز اذا اضيفت كل المكونات مرة واحدة.

اذا حدث انفصال للزيت اثناء عملية الخفق او اثناء الخزن، يضاف صفار بيضة الى المايونيز ويتم الخلط مجددا.

بعد تحضير المايونيز، يحفظ في الثلاجة، ولا يجب وضعه خارج الثلاجة لفترة زمنية طويلة لاحتوائه على مواد حساسة (البيض). كما يفضل ان لا تزيد مدة التخزين عن اسبوع داخل الثلاجة.


ولاحظوا أن مكوناته كلها مفيدة جداللشعر ومافيها اي شي مضر.....لامواد حافظة

اقولج شي
انا شعري جااااااااااااااااااف وخصوصا الاطراف
وجات فتره كنت احط مايونيز حق شعري شنو طلع شعري روووووووووووووووووووووعه والله يعطي الشعر لمعه رهيييييييييييييييييييييبه تحسين الشعر صحي وخصوصا اذا كان شعرج باهت
انا انصحج فيه ومن اول مره بتلاحظين الفرق

انا ماسويت مايونيز فالبيت لا المايونيز العادي حطيته


ان شالله اكوون افدتج


اختج


مناري