أبي شي يطول الشعر قبل عرسي؟؟؟

اولا الله يهنيج انشاءالله



قبل كنت اهتم بشعري و كانت خلطتي هي زيت الخروع مع اللوز و السمسم مع بعض والله شعري يطول منه بس الحين الدراسه شغلتني <----- اللي يسمعها يقول تحضر دكتوراه

اذا انتي ما تصبغين جربي الحنا مع قشر الرمان والله ما اعرف التفاصيل بس اسمع امي لول


على فكره القص ما ينفع لان شعري خفيف و جربت القص وما نفع و اخرتها اندم


نصيحه لا تجربين شغلات واجد على شعرج يمكن يطيح ...خليج على شي معين

انصحك بجوز الهند ودابر املا

وبالتوفيق:up:

السلام عليكم ورحمة الله وبركاته

كيف حالك اخت أحلى كويتية .. اقولك ما جربتي امبولات اكرينال .. الكل يمدح فيها جدا .. نان صراحة ما جربتها بس اشوف الكل يمدحها وايد ... كمان زيت ام الجدايل لو حصلتية جربيه ..


اتمنى تكوني خديتي فكرة عن بعض الأشياء :shy:

انا انصحج يا اختي الكويتيه بدابر و براشوت وانشلله يفيدكم :up:

انا مع خواتي زيت الهند ودابراملا

كاتب الرسالة الأصلية : كادينا
انا مع خواتي زيت الهند ودابراملا

اختي جربي زيت باراشوت الخاص بالطبخ
مفعوله اسرع

والبنات كانو يتكلمون عن خلطة حق باراشوت مع الحلبه

مفعولها اقوى


واستمري عليها وان شاء الله شعرج يطول

ويغلظ بعد :up:

السلام عليكم ورحمة الله وبركاته

ماشاءالله عليكم بنات...


مشكوووووورين يالغاليات...

جويل الغالية.... مشكوووورة ياعمري وتسلمين على الكلام والنصيحة :shy:



رادوبيس.... العزيزة ....تحياتي لج وشكرا على التوفيق... يارب أجمعين! :smile:


هالة القمر... العزيزة وعليكم السلام ورحمة الله وبركاته .... مشكورة ن سؤالج عن أحوالي ..الحمد لله أنا زينة :) وأتنمى الجميع بعد يكونون بألف صحة وانتي بعد انشاءالله...عزيزتي... أنا عندي التونيك مال أكرينا وموزين يطيّح شعري!!! أم بالنسبة لزيت ام الجدايل فكان عندي ووقفت وخلص وماشريته بعد! بس يمكن أرد عليه صح كلامج لانه ينعم وأرتاحله! ومشكوووووورة حبوبة على الرد! :smile:


**كويتية** الغالية... مشكوووورة ياعيوني على النصيحة !!! :shy: وتحياتي على المرور!


كادينا.... الحبوبة مشكووووووورة ياعمري على الرد :shy:



كوكاكولا.... العزيزة... شكرا جزيلا على المرور!:cool2:



وطن.... العزيزة... تحياتي لج يالغالية ومشكوووووووورة على النصيحة الغالية والاهتمام... تقبلي فائق تحياتي!!!!:smile:


وكلكّم مشكورييييييين وااااااااااايد والله على الاهتمام.. صج ماخيبتوا ظني!
:up:


تحياتي

حبيبتي انا انصحج بخلطة الجمال للشعر موبس تطول
تكثف الشعر وايد ونتيجتها تبين بسرعة
اذا تقدرين عالسعر شوي غالية بس الحاجة شتسوين
واحسنلج من الخرابيط وكل شوي مسوية خلطة وتجربين وماتنفع

انا هذي الخلطة جربتها واوكي مية مية:up:
واهم شي نبت شعري بالفراغات اللي من سنسن يداني ماطلع فيها شعر

أختي الغالية.. الكويت تاج راسي...

مشكوووورة على المرور! والنصيحة ... أهم شي مضمون وسريع المفعول؟؟

أنا شعري زين ( شوي خفيف) وناعم وبطبيعته فاتح ( كستنائي فاتح) يعني اذا استخدمت هالخلطة ماتغير اللون أو مالها مضار؟؟

اذا اوكي!!!

من وين شاريته؟:s2

ولج كل الشكر!

زيت خروع

وزيت جوز هند

لا لاتخافين مايتغير لون الصبغة انا شعري صابغته كستنائي وفيه خصل كوكتيل ملونة ثلجي واحمر وبرتقالي واسود نفس صبغة سوزان تميم
ولاتغير لون شعري مع الاستعمال
والخلطة سعرها شوي غالي 40 دينار بس تسوى اولا لانه العلبة كبيرة حيل يعني تستعملينها انتي واختج وتقعد شهر عندكم
وانا سامعة عنها بمنتدى ثاني ولما شفت البنات مدحوها استعملتها
والله نبتت شعري وايد
وان شاء الله تفيدج
الرقم ادزه لج عاخاص

أختي الكويت تاج راسي....أنا بعد أبغي الخلطة:shy:
لو سمحتي

اختى كويتية

استخدمي زيت براشووووووووووت مع حلبة مع الثووووم النتيجة بتكووون فتاكة باذن الله لانه الثوووم والحلبة معروفين بفوايدتهم للشعر وبراشوووت زيت هندي ماعليه كلام فلووو خلطيهم مع بعض اكيد بتدعيلي باذن الله

الريحة لابد منها المهم اللى يبي الزين يصبرر وحطيهم ثلاث ايام بالاسبوووع من بليل لحد الصبح وغسلي شعرج والنتيجة بعد شهر انشاءالله واهتمى بالتغذية والفيتامينات

وموفقة انشاءالله:shy::shy:

هلا اختي
نصيحتي لج ما في احسن من زيوت عبد الصمد القرشي لتطويل الشعر

السلام عليكم ورحمة الله وبركاته خواتي بقولكم عن خلطة مجربتنها شخصيا وفادت معاي ومع كل اللي خبرتهم عنها خلطة سهلة ومفيدة جدا جدا جدا تنبت الشعر وتبين نتايجها خلال شهر تقريبا ((الصبار)) الطازج اللي ما يكون في شوك يشبه سعف النخيل بس اعرض ان شاء الله عرفتوا اي واحد اقصده
الطريقة :
تاخذين الصبار من الزراعة وتقشرينه بيظهر داخله مادة لزجة شفافه تاخذينها وتحطينها في خلاط المولينكس لين ما تنخلط كلها وتصير مثل الماي بعدين تحطينها على شعرج يوم بعد يوم مع تدليك بسيط وتتركينها لمدة 4 ساعات او اكثر على حسب ما تريدين انا شخصيا احطه بشعري وانام فيها ثاني يوم اغسله بس ترى اول ما تحطينه بتشمين ريحه :down: بعد ما يبدا ينشف شوي ولا فيه ريحه بس شوفي النتيجة :up: وادعوا لي بزوج صالح